ცეცხლთან თამაში თუ "კუდიანებზე ნადირობა" - რა მოხდა 8 თებერვალს?

მას შემდეგ, რაც ეროვნული ბილიოთეკის მიმდებარე ტერიტორიაზე დიდი ცემა-ტყეპა გაიმართა და იქ შეკრებილი საზოგადოება "ნაციონალ" ქალ-კაცებს კვერცხებითა და ცოცხებით შეეგება, პრეზიდენტმა გადაწყვიტა, მოსახლეობისთვის ავლაბრის რეზიდენციიდან მიემართა. გამოსვლისას მან რამდენიმე საკითხზე გაამახვილა ყურადღება, აქედან ერთ-ერთი მთავარი გზავნილი ის იყო, რომ მთავრობის დათხოვნას არ აპირებს. შევეცადეთ გაგვერკვია, ვინ როგორ შეაფასა პრეზიდენტის გამოსვლა და როგორ მიიღო მისი გზავნილი...…

კოტე გაბაშვილი, უმცირესობის წევრი:

- რა უნდა გითხრათ, ყველამ ვნახეთ რაც მოხდა საჯარო ბიბლიოთეკასთან და ამერიკის ელჩმაც განაცხადა, რომ ეს არ არის დემოკრატია. ძალადობა არასდროს იქნება დემოკრატიად აღქმული, თუმცა ვისთვის რიგორ. ვწუხვარ, გუშინდელი დღის გამო. იმედი მაქვს, შორი არ არის იქამდე, როდესაც ქართველი ხალხი მიხვდება თუ ვინ აირჩია...…ძალიან გულდაწყვეტილი ვარ, მართლა პირველად ვნახე ადამიანის სახე დაკარგული ქართველი მამაკაცი, რომელიც ქალბატონს მოერია.. აფერუმ. იმ კადრებს ვუყურებდი და ჩვენს მისამართით წაყენებული ბრალდებები მახსენდებოდა, - ქართველობას გვართმევენო.

კობა ხაბაზი, უმცირესობის წევრი:

- საკუთარი თვალით ვნახე ნასვამი ადამიანები, რომელთა უმეტესობას "კასტეტები" ეჭირა ხელში. ისინი იერიშზე წამოვიდნენ. ვინც მეტყვის, რომ ასე არ ყოფილა, იტყუება. ეს ჩემს თავზე მაშინ ვიწვნიე, როდესაც აჭარაში ასლან აბაშიძე იყო. უბრალოდ, მაშინ საავადმყოფოში არ მოვხვედრილიყავით, ახლა კი, იმ გაავებულმა ბრბომ უკან არ დაიხია და ქალბატონს დაარტყა, რომელსაც ცხვირი აქვს გატეხილი, არაფერს ვამბობ, ასევე ნაცემ სერგო რატიანზე.

- ბატონო კობა, კადრებში ჩანს, რომ თქვენც საკმაოდ "აქტიურობდით"...

- კიდევ ერთხელ გეუბნებით, ჩვენ ვიყავით ნასვამი, კასტეტით შეიარაღებული და გაბოროტებული ადამიანების პირისპირ და პოლიცია უძლური იყო... ჩიორას გატეხილი ცხვირი არის დღევანდელი ხელისუფლების სახე და სხვათა შორის, ამას აკეთებდა ასლან აბაშიძეც, - ოპოზიციას ციხიდან გამოშვებულ კრიმინალებს მიუქსევდა ხოლმე.

- ანუ მიგაჩნიათ, რომ საჯარო ბიბლიოთეკასთან კრიმინალები იდგნენ?

- იქ იდგნენ ციხიან გამოშვებული ვითომ პოლიტმატიმრები, რომელსაც სინამდვილეში დანაშაული ჰქონდათ ჩადენილი...… ამიტომაც აქტიურობდნენ ბესელია და მისნაირები, რომ ჩახალიანები, ენვერები და სხვები გამოეშვათ ციხიდან, რათ საჭიროების ჟამს გამოეყენებინათ.

რაც შეეხება, პრეზიდენტის გამოსვლას, მან ისაუბრა შეცდომებზე, გახმაურებულ მკვლელობებზე და აღნიშნა, რომ ეს არ გვაპატია საზოგადოებამ და ამიტომაც დავმარცხდით. თუმცა, ჩვენი გუნდის ყველაზე მთავარი მიღწევა იყო პროდასავლური საგარეო კურსი, რომლის შედეგიც თანდათან იკვეთებოდა და რომელსაც დღეს ასე გამწარებით ებრძვის ბიძინა ივანიშვილი. მან განაცხადა, "ნაციონალური მოძრაობის" წევრები კონსტიტუციურ ცვლილებებს თავისთვის ითხოვენო, - ანუ გვევაჭრებიან, რომ ამის მიღების ფასად ჩვენ დსთ-ს გზა არ ავირჩიოთო. და ამას ამბობს პრემიერ-მინისტრი, რომელიც ხელისუფლებაში მოსვლამდე ხალხს საამურ ცხოვრებას ჰპირდებოდა... ასი დღე გავიდა და ყველამ კარგად ვნახეთ, რისი გამკეთებლები არიან, რაც პრეზიდენტის გზავნილებშიც კარგად გამოჩნდა, პრეზიდენტმა განაცხადა, "როგორც მოქალაქეს არ მომწონს, თავდაცვის მინისტრს გამუდმებით აწუწავენ თავზეო;" თავდაცვის მინისტრი უნდა იყოს ქვეყნის ძლიერების სიმბოლო. ალასანიას რომ ვუყურებ, ივანიშვილის წინაშე თრთის. ვწუხვარ, მაგრამ ჩვენი თავდაცვის მინისტრი მშიშრობისა და ლაჩრობის სიმბოლოა.

იხილეთ სტატიის სრული ვერსია

ასევე იხილეთ ვიდეორეპორტაჟები:

გიგი უგულავას აქციის მონაწილეები ფიზიკურად გაუსწორდნენ

- შეხლა-შემოხლა ეროვნულ ბიბლიოთეკასთან თენგიზ გუნავას გამოჩენის შემდეგ

დაპირისპირების შედეგად ჩიორა თაქთაქიშვილი დაშავდა

"ჰა, დადგით შოუ" - გიგი უგულავა აქციაზე შეძახილებით მივიდა

რა სიტყვებით მიმართავდა გიგი უგულავა ეროვნულ ბიბლიოთეკასთან შეკრებილებს