"გამგებელი სამსახურის დატოვებას მთხოვს" - ბრალდება ლაგოდეხის გამგებლის მისამართით

ლაგოდეხის მუნიციპალიტეტის სპორტისა და ახალგაზრდობის საქმეთა სამსახურის უფროსი თორნიკე მაჭარაშვილი პოლიტიკური ნიშნით ზეწოლაზე საუბრობს. როგორც მაჭარაშვილმა რადიო "ჰერეთს" განუცხადა, მისი მისამართით ადგილობრივი ხელისუფლების მხრიდან პერმანენტულად ხორციელდება ზეწოლა, რათა მან საკუთარი განცხადების საფუძველზე თანამდებობა დატოვოს.

ლაგოდეხის მუნიციპალიტეტის გამგებელი ვალერი ალიბეგაშვილის განცხადებით, არანაირ პოლიტიკურ ზეწოლას ადგილი არ ჰქონია და თორნიკე მაჭარაშვილის გათავისუფლების შესახებ გადაწყვეტილება ჯერ არ მიუღია.

"ლაგოდეხში სპორტი ფაქტიურად არ არსებობს და სამსახურს ის უხელმძღვანელებს, ვინც საქმეს პროფესიონალურად გააკეთებს", - დასძინა ალიბეგაშვილმა.

სრული ვერსია

რადიო "ჰერეთი"