მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჯერ ვერ დავინახე ისეთი ქმედება, რომელიც დამარწმუნებს, რომ ხელისუფლებაში პრორუსული ძალა მოვიდა"
03:19 / 07-02-2013
მე ჯერჯერობით ვერ დავინახე ისეთი ქმედება, რომელიც დამარწმუნებს, რომ ხელისუფლებაში პრორუსული ძალა მოვიდა, - ამის შესახებ საქართველოს საგარეო საქმეთა ყოფილმა მინისტრმა გრიგოლ ვაშაძემ ტელეკომპანია "მაესტროსთან" საუბარში განაცხადა. მისივე განმარტებით, ის რუსეთთან დიალოგის აღდგენასაც მიესალმება, თუმცა მიიჩნევს, რომ ფორმატი უკეთესად მოფიქრებული უნდა ყოფილიყო.
"ჯერჯერობით ვერ ვნახე ისეთი ქმედება, რომელიც დამარწმუნებს, რომ ხელისუფლებაში პრორუსული ძალა მოვიდა, თუმცა, ამავე დროს, არის ცუდად ფორმულირებული გზავნილები. ჩვენ კი ვიცით, რომ ყველა მოვლენა ისტორიაში სიტყვით იწყება და ისტორია შემდეგ აღარ იღებს არგუმენტს, რომ "ამის" თქმა არ მინდოდა, ვაპირებდი "ამის" თქმასო. უპირველესად უსიამოვნო თემაა ის, რომ რუსეთთან დიალოგის აღდგენა დავიწყეთ სერიოზული მომზადების გარეშე, სრული პასუხისმგებლობით ვამბობ. რაც შეეხება რუსეთთან ურთიერთობის საკითხებში სპეციალური წარმომადგენლის ინსტიტუტს, დიალოგის აღდგენის მცდელობა კარგია, მაგრამ ფორმატი უკეთესად უნდა მოგვეფიქრებინა", - აღნიშნა ვაშაძემ.
მისივე თქმით, დიპლომატიური ურთიერთობების არქონის პირობებში, რუსეთთან პირდაპირ კონტაქტზე გასვლა, ზოგიერთ ასპექტში შეიძლება განხილულ იქნას, როგორც დე-ფაქტო ურთიერთობების აღდგენა.
"დიპლომატიური ურთიერთობების არქონის პიარობებში, როცა შვეიცარია გვიწევს კეთილ სამსახურს და არის ჩვენი შუამავალი, პირდაპირი დიალოგის დაწყება შეიძლება ზოგიერთ ასპექტში იყოს განხილული, როგორც დე-ფაქტო ურთიერთობების აღდგენა. შეიძლება ამ ფორმატმა დაასუსტოს ჟენევის ფორმატი, დაასუსტოს არაღიარების პოლიტიკა. პირდაპირი დიალოგი ცუდი არაა, მაგრამ ჩვენ ისევ იმ რუსეთზე ვლაპარკობთ, რომელმაც 15 ათასი კაცი მოკლა მარტო აფხაზეთის ომის დროს. ამიტომ ფრთხილად უნდა მოვეკიდოთ ამ საკითხს. თუკი რამე ვისწავლეთ რუსეთთან ურთიერთობიდან, პირველ რიგში ის, რომ არავითარ შემთხვევაში არ შეიძლება ამ ქვეყანასთან საუბარი მკაცრად განსაზღვრული წესებისა და მედიაციის გარეშე. ყოველთვის უნდა იყოს დაუინტერესებელი მხარე, რომელიც გამოიტანს სიმართლეს, თუ ვინ რა თქვა", - აღნიშნა ვაშაძემ.
ამასთან, საგარეო უწყების ყოფილი ხელმძღვანელის თქმით, ის საკუთარ პოზიციას გამოხატავს და არავის გუნდის პოზიციას არ წარმოადგენს. "მე არავის გუნდს არ წარმოვადგენ. ახლა კერძო მოქალაქე ვარ და ჩემს აზრს მოგახსენებთ. არასდროს ვყოფილვარ "ნაციონალური მოძრაობის" წევრი. სხვათა შორის, "ნაციონალურ მოძრაობაში" გაწევრიანებას ვაპირებდი, მაგრამ მერე ჩვენი გზები არ დაემთხვა ერთმანეთს", - დასძინა გრიგოლ ვაშაძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
