მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ზვიად ძიძიგური - "როცა გეუბნებით, რომ განვიხილოთ საკონსტიტუციო ცვლილებები, იწყებთ ბუსუსებზე და კინტოებზე ლაპარაკს"
13:14 / 06-02-2013
პარლამენტის ვიცე-სპიკერი ზვიად ძიძიგური უმცირესობას მოუწოდებს, ერთხელ მაინც გაუბედონ მიხეილ სააკაშვილს და უთხარან "არა".
"დებატი ძალიან ჰგავს რინგს. ჩვენ რა მდგომარეობაში ვართ? შევედით რინგზე, ვეუბნებით მოწინააღმდეგეს შემოვიდეს, ის კი გარბის რინგიდან და იქედან გვიქნევს ხელებს. როცა გეუბნებით, რომ განვიხილოთ საკონსტიტუციო ცვლილებები, იწყებთ სოფლის მეურნეობაზე, ბუსუსებზე და კინტოებზე ლაპარაკს და ყველაზე მეტად ისინი გვადანაშაულებენ ამ თემებზე ცდებითო, ვინც ამ ბუსუსებს ყველაზე ვნებიანად ითვლიდა რამდენიმე კვირის განმავლობაში. 147 დეპუტატია პარლამენტში და 147 პოზიცია დაფიქსირდება, მხარს უჭერთ თუ არა დიქტატს", - მიმართა ძიძიგურმა უმცირესობის წევრებს პარლამენტის სხდომაზე მიმდინარე დებატებისას.
მისივე განმარტებით, პრეზიდენტის უფლებამოსილებასთან დაკავშირებული საკონსტიტუციო ცვლილებების მიღება აუცილებელია, ვინაიდან მიხეილ სააკაშვილის მიერ პოლიტიკური კრიზისის შექმნის რისკი არსებობს.
"სააკაშვილის კეთილგონიერების, სიმშვიდისა და სიბრძნის იმედად დავრჩეთ? აქვს მას ეს თვისებები? მე ძალიან სერიოზულად მეპარება ამაში ეჭვი. 2008 წელს, როცა ქვეყნის პირველ პირს ყველაზე მეტად სჭირდებოდა ასეთი თვისებები, ის ვნებიანად და აქტიურად ჩაერთო რუსეთის მიერ დაგებულ სერიოზულ პროვოკაციაში. საკონსტიტუციო კრიზიის გამორიცხვა მიხეილ სააკაშვილის ხელისუფლებაში ყოფნის პირობებში არასერიოზულია, მე კი სერიოზულ ადამიანებად მიმაჩნიხართ. გეშინიათ სააკაშვილის და ამაშია თქვენი პრობლემა. ერთხელ მაინც გაბედეთ და უთხარით სააკაშვილს "არა". ნუ შეხვალთ საქართველოს ისტორიაში, როგორც უხერხემლო, უნებისყოფო და ქვეყნის საფრთხის წინაშე დამყენებელი ადამიანები", - აღნიშნა ძიძიგურმა.
ამასთან, ვიცე-სპიკერის შეფასებით, "ნაციონალური მოძრაობის" წევრების რიტორიკა ქათმის კაკანს ჰგავს. "ქათამი ერთ კვერცხს რომ დადებს, მერე იმდენს კაკანებს, ტვინს წაიღებს ხოლმე. 9 წელია "ნაციონალური მოძრაობა" კაკანებს ქვეყანაში, ეს გავაკეთე, ის გავაკეთეო", - დასძინა დეპუტატმა.
გარდა ამისა, ძიძიგური მარიკა ვერულაშვილის მიერ უმცირესობის დატოვებასაც გამოეხმაურა და აღნიშნა, რომ მისი საქციელი "ნაციონალური მოძრაობის" ბევრი წევრის ქმედებაზე მეტად "ვაჟკაცურია".
"მარიკა ვერულაშვილი ბევრ თქვენგანზე ვაჟკაცია და იმიტომ დატოვა თქვენი რიგები. გარწმუნებთ, რომ კიდევ ბევრი დაგტოვებთ. იმ 10-15 კაცისთვის კი, რომელიც აპირებთ სააკაშვილს გაჰყვეთ პოლიტიკურ სამარეში, კეთილი გზა მისურვებია", - აღნიშნა ძიძიგურმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
