20
ივლისიდღის ზოგადი ასტროლოგიური პროგნოზი
პრეზერვატივების შემდეგ ეს მეორე კანონი იქნება, რომელზეც ასევე ძალიან სერიოზული და საინტერესო განხილვა გაიმართება , - ასე გამოეხმაურა საპარლამენტო უმცირესობის ერთ-ერთი ლიდერი გიორგი ვაშაძე უმრავლესობის წევრის ბიძინა გუჯაბიძის საკანონმდებლო ინიციატივას დეპუტატთა ჩაცმულობასთან დაკავშირებით.
მისი თქმით, იგი ეროვნულ ტანსაცმელს უპრობლემოდ ჩაიცვამს და ჩაუცვია კიდეც.
"რომ მოვდიოდი "ფეისბუქს" ვათვალიერებდი და ყველაზე კარგი პასუხები "ფეისბუქშია". პრიორიტეტები უნდა განვსაზღვროთ მე მგონი. პრეზერვატივების შემდეგ მეორე კანონი იქნება, რომელზეც ასევე ძალიან სერიოზული და საინტერესო განხილვა იქნება. მგონი ჰალსტუხი მაკლია, გავიკეთებ და დავაკმაყოფილებ მაგ სტანდარტს", - აღნიშნა მან.
პარლამენტის სხდომათა დარბაზში მყოფ პირთა ჩაცმულობას რეგლამენტი განსაზღვრავს, რომელიც ადგენს, რომ ეს საპროტოკოლო-საქმიანი უნდა იყოს. დეპუტატ ბიძინა გუჯაბიძის საკანონმდებლო ინიციატივით კი, რეგლამენტი იმასაც დაადგენს, რომ პარლამენტის სხდომათა დარბაზში ყოფნა არა მხოლოდ საპროტოკოლო-საქმიანი ჩაცმულობით, არამედ ეროვნული ტანსაცმლითაც იქნება ნებადართული.
უნდა აღინიშნოს, რომ იმის მიუხედავად, რომ პარლამენტში ჩოხით მისვლას რეგლამენტი ჯერ არ ითვალისწინებს, "კონსერვატორები" პირველ ან საზეიმო სხდომებზე ყოველთვის ეროვნულ ტანსაცმელში გამოწყობილი მიდიან.
