29
მაისიდღის ზოგადი ასტროლოგიური პროგნოზი
საპარლამენტო უმცირესობის წევრი გოგა ხაჩიძე დეპუტატების ჩაცმულობასთან დაკავშირებით ბიძინა გუჯაბიძის მიერ მომზადებულ პროექტს "ფეისბუქით" ეხმაურება:
" - გამარჯობათ, ყაბალახი მინდა, რამე კარგი ხარისხის, თეთრ ჩოხაზე რომ წავიდეს...
- და რა ფერის ყაწიმები გაქვთ?
- ყაწიმები - შავი.
- აი აქეთ მობრძანდით, ყაბალახების ახალი კოლექცია მივიღეთ გუშინ და საკმაოდ ფართო არჩევანია...
- და ნაბდები გაქვთ? აცივდა ცოტა და...
- დიახ, როგორ არა, უბრალოდ მანამ აარჩევთ, ცხენი გადააბით, თორემ ცუდ ადგილზეა და შეიძლება ცხენაკუატორმა წაიყვანოს. აი აქვე გვერდით, კორპორატიული ვიპ-თავლა გვაქვს და იქ შეგიძლიათ შეაგელვოთ ულაყი...", - წერს გოგა ხაჩიძე.
უმცირესობის წევრი საკუთარ გვერდზე კოლეგა სერგო რატიანის ფოტოსაც აქვეყნებს, რომელზეც იგი მუზარადითა და ხმლით არის გამოსახული. ხაჩიძე ფოტოს ასეთ კომენტარს უკეთებს: "დეპუტატი - სერგო რატიანი, ბიძინა გუჯაბიძეს საკანონმდებლო ინიციატივის პლაგიატში ადანაშაულებს!".
საპარლამენტო უმრავლესობის წარმომადგენელი ბიძინა გუჯაბიძე ითხოვს, დეპუტატებმა "საპროტოკოლო-საქმიანად ან ეროვნულად" ჩაიცვან. გუჯაბიძემ პარლამენტართა ჩაცმულობის წესის შესახებ რეგლამენტში შესატანი ცვლილებების პროექტიც მოამზადა.
დეპუტატის მიერ მომზადებული პროექტით, პარლამენტის სხდომათა დარბაზში ჩაცმულობა საპროტოკოლო-საქმიანი, ან ეროვნული უნდა იყოს.
კანონპროექტის ავტორის განმარტებით, ცვლილებების მომზადების მიზანი ეროვნული და კულტურული მემკვიდრეობის წარმოჩენა და პოპულარიზაციაა.
ასევე იხილეთ: თუ ჩოხა-ახალუხით ვიარეთ და გარეთ ცხენები დავაბით, ძალიან სასაცილო გამოვჩნდებით - გოგა ხაჩიძე
