მნიშვნელოვანი ინფორმაცია
26
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დათო ხუჯაძის კონცერტმა ნახევრად ცარიელ დარბაზში ჩაიარა
23:11 / 05-02-2013
მართალია, მოგვიანებით ინტერვიუებში დათო აღნიშნავდა, რომ კონცერტით კმაყოფილი დარჩა, მაგრამ მომღერლის პირველმა გამოჩენამ ამდენი წლის შემდეგ თბილისის საზოგადოების წინაშე უღიმღამოდ ჩაიარა. კონცერტზე რამდენიმე ცნობილ სახეს მოვკარით თვალი, მათ შორის შორენა ბეგაშვილს, ლელა წურწუმიას, თიკა ჯამბურიას. "ნაით ოფისში" ამ კონცერტს ორგანიზება იუნა შაფათავამ გაუწია. მას მოგვიანებით შევეხმიანეთ, რათა გვეკითხა, რატომ არ მივიდა ხალხი დათოს კონცერტზე.
იუნა შაფათავა:
- დათო ხუჯაძის კონცერტი ხუთი დღით ადრე დაიგეგმა. მას შევეხმიანეთ, თბილისში აღმოჩნდა და შევთავაზეთ კონცერტის გაკეთება, რაზეც სიამოვნებით დათანხმდა. დათომ სულ 12 სიმღერა შეასრულა და კმაყოფილი დარჩა იმით, რომ მისი სიმღერები კვლავ ახსოვთ.
ცუდი მომენტი ის იყო, რომ კონცერტს არ ჰქონია სატელევიზიო რეკლამა, ვინაიდან ცოტა დრო იყო დარჩენილი და ვერ მოესწრებოდა. პრესამ თავად კონცერტი აქტიურად გააშუქა, ყველა ტელევიზია და ჟურნალი დაესწრო. გაგვიმართლა, რომ დათო თბილისში აღმოჩნდა და კონცერტზე დაგვთანხმდა, თუმცა რამდენიმე დღით ადრე დაგეგმილი კონცერტის გაპიარება და ხალხზე მუშაობა შეუძლებელია. ამ კონცერტს ერთადერთი ორგანიზატორი ჰყავდა ჩემი სახით.
დათო ხუჯაძეს დიდი ხანია, თბილისში არ უმღერია და ვთქვათ სიმართლე, არც ქართულ აუდიტორიაზე უმუშავია იმ წლების განმავლობაში, რაც მოსკოვშია. მხოლოდ ერთხელ ჩამოვიდა თბილისში კლიპის გადასაღებად ძვალთან ერთად და შემდეგ კლუბ "ქალაქურში" მისი პრემიერა მოაწყო. დათო კარგი შემსრულებელია და ქართულ შოუბიზნესში ერთ დროს მისი ბუმი იყო.
ჯერ "სახის" შემადგენლობაში და მოგვიანებით სოლოკარიერისას, რომელიც პროდიუსერმა ნატო დუმბაძემ ძალიან ჭკვიანურად წარმართა, დათო ხუჯაძე ერთ-ერთ შემოსავლიან მომღერლად იქცა საქართველოში, გვახსოვს პერიოდი, როდესაც სპორტის სასახლეს ავსებდა ხოლმე სოლოკონცერტით.
შემდეგ პარლამენტარობის მოსურნემ "აღორძინების" სიით საკანონმდებლო ორგანოს მიაშურა და ვარდების რევოლუციის მომსწრეც გახდა, ამ დროიდან მცირე ხანში დაჰკრა ფეხი და რუსეთში გაეშურა ბედის საძიებლად, სადაც ცოლიც შეირთო და მეტ-ნაკლებად კარიერაც აიწყო, თუმცა, რასაკვირველია, არა ისეთი წარმატებული, როგორიც საქართველოში ჰქონდა. დღეს დათო ცოლს გაშორებულია.
თუკი სამშობლოში კვლავ სურს პოპულარობის დაბრუნება, ალბათ, დრო არის, ქართული ბაზრისთვის ჩაწეროს ერთი სიმღერა მაინც, თორემ აქამდე რადიოები მისი რუსულენოვანი სიმღერებით იყო გაჯერებული.
(გამოდის ორშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
