საპარალამენტო უმრავლესობის წარმომადგენელი თინა ხიდაშელი პრემიერ-მინისტრის პრესკონფერენციაზე ჟურნალისტების დაშვებასთან დაკავშირებით სოციალურ ქსელში გამოთქმულ საყვედურებს ეხმაურება.
"არ შევდივარ შინაარსში. მაგრამ ამ პრესკონფერენციაზე ვინმეს, თუ პრეტენზია აქვს კითხვები არ დამასმევინესო, ან ძალიან უსინდისოა ან უბრალოდ ყრუ :(", - წერს უმრავლესობის წევრი.
ხიდაშელის პოსტს საყვედურების ავტორი რამდენიმე ჟურნალისტი გამოეხმაურა:
"ჩვენ, "გურიის მოამბე" საერთოდ არ მიგვიწვიეს, ქალბატონო თინათინ, და ეს ხდება მიზანმიმართულად" - ვლადიმერ მენაბდე
"ტაბულას" და "ლიბერალის" ჟურნალისტები არ ჩასვეს სიაშიო. რეგიონული მედიაც იმასვე ამბობს, რომ კითხვა ვერ დასვეს. ჰოდა, პრეს-კონფერენციების ჩატარება ისწავლება საგნად და გაუშვით ვინმე, ვინც პრესკონფერენციის დინამიკას უკეთ გამართვას" - ნინო დანელია
"ლიბერალს" არ მიეცა კითხვის დასმის საშუალება. იმედია, შემდეგ პრესკონფერენციაზე გამოსწორდება" - ნინო ბეკიშვილი
