1
ივლისიდღის ზოგადი ასტროლოგიური პროგნოზი
"ნაციონალური მოძრაობის" მიერ საკონსტიტუციო ცვლილებების მხარდაჭერას მნიშვნელობა არა ქვეყნისთვის, არამედ მათთვის აქვს, - ამის შესახებ პრემიერ-მინისტრმა ბიძინა ივანიშვილმა ჟურნალისტებთან შეხვედრაზე განაცხადა.
"რაც შეეხება საკონსტიტუციო ცვლილებას და რეაქციას უმცირესობის მხრიდან. ბაქრაძის განცხადებას უნიჭო განცხადებას დავარქმევდი. კარგად ჩანს, რომ ისინი სხვა რეალობაში იმყოფებიან და კარგად ვერ გაიგეს იმ განცხადების ფასი, რომელიც დავით საგანელიძის მიერ გაკეთდა. ჩვენ არავითარ ვაჭრობაზე არ მივდივართ და არ ვსაჭიროებთ მათ დახმარებას. ქვეყნისთვის არავითარი დიდი მნიშვნელობა არ აქვს, ბაქრაძე თუ ნებისმიერი "ნაციონალური" დაუჭერს მხარს თუ არა ამ ცვლილებებს, მნიშვნელობა აქვს მხოლოდ მათთვის, რადგან ეძლევათ საშუალება დაბრუნდნენ და გახდნენ ქართული საზოგადოების წევრები", - განაცხადა ივანიშვილმა.
მისივე განმარტებით, "ნაციონალურ მოძრაობას" საშუალება აქვს ან "თავისი პოზიციები გახადოს აბსოლუტურად მიუღებელი მოსახლეობისთვის, ან რაღაც პერსპექტივა მისცენ მას".
პრემიერ-მინისტრი "ნაციონალური მოძრაობის" გენერალური მდივნის, ვანო მერაბიშვილის განცხადებებს გამოეხმაურა, რომელიც საქართველოს ეკონომიკაში კრიზისს ეხებოდა. "ბიუჯეტი სრულდება გადაჭარბებით და არავითარი პრობლემა არ არსებობს", - აღნიშნა ივანიშვილმა. მისი თქმით, მცირე და საშუალო ბიზნესში 320 მილიონ დოლარზე მეტია ბრუნვა.
"თუმცა, არის გარკვეულ კომპანიებში შეფერხება. ამის კვლევას ვიწყებთ და ამასაც მოგახსენებთ დამატებით. იმ კომპანიებში შემცირდა ბრუნვა, რომლებიც, როგორც წესი, ყოფილი ხელისუფლებიდან იმართებოდნენ. მერაბიშვილი ამას აცხადებდა და მერე ვერ შემოვიდა დებატებში, იმიტომ, რომ თვითონ კარნახობდა ამ კომპანიებს. მაგრამ ვერაფერი ვერ მოახერხა და ვერც მომავალში ვერ მოახერხებენ. ეკონომიკა ნორმალურად ვითარდება. გარწმუნებთ, რომ ინვესტიციები გაიზრდება, ბიზნესი უკვე გათავისუფლდა წნეხისგან და ეს პოზიტიურ შედეგს მოიტანს", - დასძინა ივანიშვილმა.
