მნიშვნელოვანი ინფორმაცია
27
მაისიდღის ზოგადი ასტროლოგიური პროგნოზი
ოთხშაბათი, მთვარის მეორე დღე დაიწყება 04:56-ზე, მთვარე კირჩხიბში გადავა 21:36-ზე – კარგია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. მოგზაურობა, მივლინებები. ერთ-ერთი საუკეთესო დღეა ქორწინებისთვის. ამ დღეს შექმნილი ოჯახი ძლიერი და მეგობრული იქნება. კარგია მტვერსასრუტით სახლის დალაგება, სანტექნიკის გამოცვლა. აუცილებელია ნათურების, ჭაღების გაწმენდა, აგრეთვე ჭურჭლისა და სარეცხის გარეცხვა. კარგი დღეებია მცენარეების მორწყვისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
უმცირესობა საკონსტიტუციო ცვლილებებს მხარს გარკვეული პირობით დაუჭერს
07:51 / 04-02-2013
საპარლამენტო უმცირესობა საკონსტიტუციო ცვლილებებს მხარს გარკვეული პირობებით დაუჭერს. ამის შესახებ საპარლამენტო უმცირესობის ლიდერმა დავით ბაქრაძემ განაცხადა, რომელიც უმრავლესობის დღევანდელ განცხადებას გამოეხმაურა.
როგორც "ნაციონალური მოძრაობის" ოფისში გამართულ პრესკონფერენციაზე დავით ბაქრაძემ განაცხადა, უმრავლესობის დღევანდელ განცხადებაში რამდენიმე ტენდენცია გამოიკვეთა. მისი თქმით, პირველი არის ის, რომ მიუხედავად პოლიტიკური ზეწოლისა და პირდაპირი შანტაჟისა პარლამენტის წევრებზე, საპარლამენტო უმრავლესობამ ვერ შეძლო საკონსტიტუციო ქვორუმის შეგროვება.
რაც შეეხება მეორე ტენდენციას, ბაქრაძის განცხადებით, მათმა კოლეგებმა უმრავლესობიდან სატელევიზიო გამოსვლაშიც ვერ შეძლეს თავი შეეკავებინათ პირდაპირი მუქარისგან და ფაქტობრივად, ულტიმატუმის სახით ესაუბრებოდნენ ოპოზიციას, რაც მიუღებელია.
"ის, რომ ზეგ გასამართ კენჭისყრაზე ვერ მიიღებენ მხარდაჭერას, დიდწილად განპირობებული იქნება სწორედ იმ ენით, ურთიერთობის იმ ფორმით, რომლითაც ისინი ცდილობენ ჩვენი მხარდაჭერის მოპოვებას", - განაცხადა ბაქრაძემ.
უმცირესობის ლიდერის განცხადებით, მთავრობა ცდილობს მოსახლოებას აჩვენოს, რომ ხელი ეშლება საქმეში, სწორედ ამიტომ ვერ ასრულებს მოსახლეობისთვის მიცემულ დაპირებას და არსებობს მთავრობის დათხოვნის "მზაკვრული მსოფლიო გეგმა".
"არანაირი მზაკვრული გეგმა არ არსებობს და არავინ არ აპირებს მათთვის ხელის შეშლას. თავი დაანებონ კუდიანებზე ნადირობას, "ნაციონალების" დადანაშაულებას, შეგზავნილი აგენტების ძებნას და იმუშაონ", - განაცხადა დავით ბაქრაძემ.
მისივე თქმით, თუ უმრავლესობას აქვს შიშები, რომ იქნება გამოყენებული მექანიზმი და აპრილში მთავრობას დაემუქრება კრიზისი, ისინი მზად არიან, ამ თემაზე დასხდნენ და ისაუბრონ.
"მაგრამ ამ ქვეყანაში ბევრი სხვა შიშიც არსებობს. ჩვენ მზად ვართ, ეს გავაკეთოთ ისეთი ფორმით, რომელიც სკამების დაკარგვის შიშთან ერთად, სხვა შიშებსაც მოუხსნის ჩვენს მოსახლეობას. ეს არის შიში, რომ საქართველოს ევროატლანტიკურ მომავალს შეიძლება საფრთხე დაემუქროს. ჩვენ მზად ვართ, მოვუხსნათ მთავრობას შიშები და ხმა მივცეთ საკონსტიტუციო ცვლილებებს და ამავე დროს, ერთ პაკეტში მოვხსნათ ის შიში, რომელიც აქვს საქართველოს მოსახლეობას, რომ ევროპული კურსი შეიძლება შეიცვალოს", - განაცხადა დავით ბაქრაძემ.
უმცირესობა ასევე სთავაზობს უმრავლესობას, მოიხსნას ოპოზიციაზე ზეწოლა. ბაქრაძის განცხადებით, ისინი სთავაზობენ უმრავლესობას, ამოქმედდეს კონსტიტუციის ის ნაწილი, რომლითაც 3/4 იქნება საკონსტიტუციო ქვორუმი, რაც ნიშნავს იმას, რომ მთავრობის წინაშე მუდმივად აღარ იქნება ცდუნება "გადაითრიოს იქით მხარეს რამდენიმე დეპუტატი".
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვინ ხარჯავს ყველაზე მეტს თავდაცვაზე და როგორ გამოიყურება საქართველოს შეირაღებული ძალების შესაძლობები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
