რომის აეროპორტში 16 ადამიანი დაშავდა

რომის აეროპორტ "ფიუმინჩინოში" რუმინეთის ავიაკომპანია "კარპატეარი"-ს კუთვნილი თვითმფრინავი "ART 72" დაჯდომისას ასაფრენ-დასაფრენ ბილიკზე სამასი მეტრით მოცურდა, რის შედეგადაც ბორტზე მყოფი 16 ადამიანი დაშავდა, მათ შორის ერთი ბორტგამცილებელი. ამის შესახებ იტალიური მედია იუწყება.

დაშავებულთაგან ორი ადამიანის მდგომარეობა კრიტიკულია. თვითმფრინავში სულ 50 ადამიანი იმყოფებოდა. ადგილობრივი მედია იუწყება, რომ ინციდენტის მიზეზი შესაძლოა ძლიერი ქარი იყოს. თუმცა, არ გამორიცხავენ მფრინავის შეცდომასაც. თვითმფრინავი პიზადან რომისკენ მიფრინავდა.

მომზადებულია bbc.co.uk-ის მიხედვით.