მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სერგეი ლავროვი - აფხაზეთისა და სამხრეთ ოსეთის აღიარების უკან წაღება არარეალურია
09:55 / 02-02-2013
ამერიკული მხარე ამბობს, რომ რუსეთმა უკან უნდა წაიღოს აფხაზეთისა და სამხრეთ ოსეთის აღიარება, რაც აბსოლუტურად არარეალურია , - ამის შესახებ რუსეთის საგარეო საქმეთა მინისტრმა სერგეი ლავროვმა მიუნხენის უსაფრთხოების კონფერენციაზე, კითხვა-პასუხის ფორმატში საუბრისას განაცხადა. მისივე განმარტებით, აღნიშნული რუსეთის პრეზიდენტის გადაწყვეტილება იყო, რომელიც პარლამენტმა გაამყარა.
"ამერიკული მხარე ამბობს, რომ რუსეთმა უკან უნდა წაიღოს აფხაზეთისა და სამხრეთ ოსეთის აღიარება, რაც აბსოლუტურად არარეალურია. მოგწონთ თუ არა, ეს იყო რუსეთის პრეზიდენტის გადაწყვეტილება რომელიც პარლამენტმა გაამყარა. მეორე მდგომარეობა ის არის, რომ ამერიკელები ითხოვენ, რომ ჩვენ უნდა შეგვენარჩუნებინა ფლანგის ლიმიტები, რაც ჩვენთვის აბსოლუტურად მიუღებელია. მაშინ მახსოვს, პრეზიდენტმა პუტინმა ჰკითხა პრეზიდენტ ბუშს, შეიძლებოდა თუ არა დამოუკიდებელი სახელმწიფოსთვის იმის მითითება, სად და რა რაოდენობის ჯარი უნდა განეთავსებინა საკუთარ ტერიტორიაზე. ბუშმა გაიკვირვა და თქვა, რომ ამის შესახებ არ უფიქრია.
უნდა არსებობდეს გზები, რომ დავრწმუნდეთ იმაში, რომ ყველა არის მშვიდად, მაგრამ ყოველგვარი ფლანგის ლიმიტების გარეშე. თუ ეს ორი მდგომარეობა ამოღებული იქნება, ჩვენ შევძლებდით მოლაპარაკებების დაწყებას, მაგრამ ჩვენ დაველოდებით კარგ იდეებს ჩვენი პარტნიორებისგან და არანაირი ინიციატივით აღარ გამოვალთ", - განაცხადა სერგეი ლავროვმა.
რუსეთის საგარეო საქმეთა მინისტრის კომენტარს საქართველოს საზოგადოებრივი მაუწყებელი ავრცელებს.
ამასთან, აშშ-ის ვიცე-პრეზიდენტმა ჯოზეფ ბაიდენმა მიუნხენის უსაფრთხოების კონფერენციაზე განაცხადა, რომ არ აღიარებენ აფხაზეთსა და ე.წ. სამხრეთ ოსეთს.
"ჩვენ ვერ დავეთანხმებით რუსეთს ყველაფერში, მაგალითად, ჩვენ არ ვაღიარებთ აფხაზეთსა და სამხრეთ ოსეთს, როგორც დამოუკიდებელ სახელმწიფოებს. ჩვენ არ ვაღიარებთ არც ერთ ქვეყანას , რომელსაც აქვს გავლენის სფერო. ჩვენი პოზიცია კვლავ უცვლელია: სუვერენულ სახელმწიფოებს აქვთ უფლება, მიიღონ გადაწყვეტილებები და თავად აირჩიონ მოკავშირეები", - განაცხადა ბაიდენმა.
მისივე თქმით, საქართველო და ბალკანეთის ქვეყნები ისწრაფვიან ევროატლანტიკური ინტეგრაციისკენ.
"ჩვენ გვაქვს ერთობლივი პროექტი – "თავისუფალი და ერთიანი ევროპა". ინტეგრაციის ტემპს განსაზღვრავენ თავად ასპირანტი ქვეყნები, მაგრამ ჩვენ ვიზიარებთ პასუხისმგებლობას, რათა დავეხმაროთ მათ ევროპასა და ტრანატლანტიკურ ალიანსში კანონიერი ადგილის დასამკვიდრებლად", - აღნიშნა ჯოზეფ ბაიდენმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
