ბიძინა ივანიშვილი - ამ პროცესში მონაწილე ყველა პირს პასუხი მოეთხოვება
"ქართული ოცნების მომხრეებს შორის რეგიონებში მიმდინარე პროცესები შესაძლოა, "ნაციონალური მოძრაობის" მიერ იყოს ინსპირირებული, - ამის შესახებ პრემიერ-მინისტრმა ბიძინა ივანიშვილმა დღეს იუსტიციის სახლთან ჟურნალისტებს განუცხადა.
"ყველას მოეთხოვება პასუხი, ვინც ამ პროცესში მიიღო მონაწილეობა, როგორც "თავისუფალი დემოკრატების" პარტიის წევრმა, რეგიონალური სამსახურის წარმომადგენელმა და ასე შემდეგ. თქვენ როგორ ფიქრობთ, ვის უნდა გაეკეთებინა აქცია რუსთავში დავით საგანელიძის განცხადებასთან დაკავშირებით. "ნაციონალური მოძრაობა" ახლა ახერხებს იმას, რომ რეგიონებში გამგებლებისა და საკრებულოს ხელმძღვანელების შეცვლა, რომელიც აჟიოტაჟით ხდებოდა, რა თქმა უნდა მათგან მართული იყო, ახლა ეს პროცესი ჩამთავრდა და რაღაც ხომ უნდა იყვიროს "ნაციონალურმა მოძრაობამ"?! ახლა გადმოერთვნენ და პარტიის რაიონული ორგანიზაციების ჩამოყალიბებაზე გვედავებიან. თურმე "ქართული ოცნების" წარმომადგენლები აქციებს აწყობენ, რატომ უნდა ავირჩიოთ ის და არა ეს. რა თქმა უნდა, ყველაფერი ეს ინსპირირებულია", - აღნიშნა ივანიშვილმა.
იუსტიციის სახლში საქართველოს პრემიერ-მინისტრი ბიძინა ივანიშვილი უმრავლესობის წარმომადგენლებს ხვდება. არსებული ინფორმაციით, შეხვედრის ერთ-ერთი თემა 8 თებერვალს პრეზიდენტის პარლამენტში ანგარიშით მისვლაა.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
