ყაზბეგში ჰესების მშენებლობის შეჩერების მოთხოვნით ხელმოწერების შეგროვება დაიწყო

ყაზბეგის რაიონში მიმდინარე და დაგეგმილი ჰესების მშენებლობის შესაჩერებლად ელექტრონული ხელმოწერების შეგროვება დაიწყო. პეტიციას ამ დროისთვის ხელს 324 ადამიანი აწერს.

მიმართვაში, რომელიც პრემიერ მინისტრის, ენერგეტიკისა და ბუნებრივი რესურსების მინისტრის, გარემოს დაცვის მინისტრის და ყაზბეგის მუნიციპალიტეტის გამგეობის სახელზე მომზადდა, ნათქვამია, რომ ჰესების მშენებლობა კანონდარღვევით და მოსახლეობის აზრის გათვალისწინების გარეშე დაიწყო. გარდა ამისა, მიმდინარე და დაგეგმილი ჰესების მშენებლობა ყაზბეგის უნიკალურ ბუნებას საფრთხეს უქმნის, ამიტომ ჰიდროელექტროსადგურების მშენებლობა უნდა შეჩერდეს.

სრული ვერსია

მცხეთა-მთიანეთის საინფორმაციო ცენტრი