მნიშვნელოვანი ინფორმაცია
28
აპრილიდღის ზოგადი ასტროლოგიური პროგნოზი
ორშაბათი, მთვარის მეორე დღე დაიწყება 05:38-ზე, მთვარე კუროშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად, საქმიანობის, სამსახურის შესაცვლელად. უფროსთან შეხვედრა სიკეთეს არ მოგიტანთ. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დეკემბერში კანცელარიის თანამშრომლების ნაწილმა პრემიები რამდენჯერმე აიღო
05:37 / 01-02-2013
ინტერნეტ-გამოცემა "ლიბერალი" 2012 წელს პრემიერ-მინისტრის თანამდებობაზე ბიძინა ივანიშვილის დანიშვნის შემდეგ მთავრობის კანცელარიის თანამშრომლების მიერ მიღებულ პრემიებზე ინფორმაციას აქვეყნებს.
მთავრობის კანცელარიის თანამშრომლების ნაწილმა დეკემბერში პრემიები რამდენჯერმე აიღო. ნაწილმა ორჯერ, ნაწილმა კი - სამჯერ.
ბრძანებებს ხელს კანცელარიის უფროსი მაია ცქიტიშვილი აწერს, რომელმაც დეკემბერში პრემის სახით 12 390 ლარი მიიღო. 10 დეკემბერს 6 195 ლარი, ხოლო 21 დეკემბერს იმავე ოდენობის თანხა გამოიწერა.
ბრძანებების მიხედვით, 10 დეკემბერს, 21 დეკემბერს და 28 დეკემბერს მაია ცქიტიშვილმა პრემიები "სამსახურებრივ მდგომარეობათა სანიმუშო შესრულებისთვის, ზეგანაკვეთური მუშაობისა და განსაკუთრებით საპასუხისმგებლო ფუნქციური დატვირთვის" გათვალისწინებით გამოყო.
აღმოჩნდა, რომ 20 დღეში რამდენიმე ადამიანს პრემია სამჯერ ჩაერიცხა. მაგალითად, შალვა თადუმაძემ 10 დეკემბერს 5 175 ლარი, 21 დეკემბერს - 5075 ლარი, ხოლო 31 დეკემბერს 625 ლარი პრემია აიღო.
ნოდა ყანდიაშვილმა პრემიის სახით 10 და 21 დეკემბერს 3750-3750 ლარი მიიღო, ხოლო 28 დეკემბერს 625 ლარი.
მანანა თოქმაჯიშვილს 10 დეკემბერს 2200 ლარი, 21 დეკემბერს 1800 ლარი ჩაერიცხა, ხოლო საახალწლოდ 625 ლარი ჩაერიცხა.
მაია მენაღარიშვილმა 10 დეკემბერს 1367 ლარი, 21 დეკემბერს 3367 ლარი, ხოლო 28 დეკემბერს 625 ლარის ოდენობის პრემია აიღო.
გაიოზ თალაკვაძეს 10 დეკემბერს - 3118 ლარი, 21 დეკემბერს 5607 ლარი, ხოლო 28 დეკემბერს - 625 ლარის პრემია გამოუწერეს.
ანა გოჩაშვილმა 10 დეკემბერს 2200 ლარი, 21 დეკემბერს 1800 ლარი, ხოლო 31 დეკემბერს 625 ლარი მიიღო.
სამჯერ აიღო პრემია სოფიო სიჭინავამაც - ჯამში 4725 ლარი, გიორგი გეგეჭკორმა - ჯამში 5 000 ლარამდე, გიორგი შველიძემ კი 5100 ლარი.
ორჯერ აიღო პრემია ვალერიან გორგილაძემ - 21 დეკემბერს 6525 ლარი და 31 დეკემბერს 625 ლარი.
როგორც მთავრობის პრესსამსახურში გვითხრეს, 10 დეკემბერს დაგვიანებით დაირიცხა ნოემბრის თვის სახელფასო დანამატი. რაც შეეხება 21 დეკემბერს დარიცხულ თანხებს, ეს იყო დეკემბრის თვის სახელფასო დანამატი, 31 დეკემბერს კი საახალწლო - პრემია.
ჯამში 20 დღეში მთავრობის კანცელარიაში 340 000 ლარზე მეტი პრემია გამოწერეს.
დოკუმენტების მიხედვით, კანცელარიის უფროსი პრემიების გაცემისას პრემიერ-მინისტრის 2012 წლის პირველი ნოემბრის ბრძანებას დაეყრდნო. ბრძანება პრემიების გაცემის შესახებ ვებ-გვერდზე განთავსებული არ არის.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
