16
ივლისიდღის ზოგადი ასტროლოგიური პროგნოზი
ვენეციის კომისიის პრეზიდენტი ჯანი ბუკიკიო "ამნისტიის შესახებ კანონს" პოლიტიკურ გადაწყვეტილებას უწოდებს. როგორც ბუკიკიომ სასტუმრო "შერატონ მეტეხი პალასში" გამართულ პრესკონფერენციაზე განაცხადა, საქართველოს მთავრობას გაცემული აქვს დაპირებები და მათ ამ ჟესტით სურდათ დაპირებების შესრულება. მისივე თქმით, არჩევნების შემდეგ ამნისტია ჩვეულებრივ ბევრ ქვეყანაში ცხადდება და ის, როგორც წესი, ნაკლებად მძიმე დანაშაულს ეხება.
ვენეციის კომისიის პრეზიდენტმა საფრანგეთის მაგალითი გაიხსენა, სადაც, მისი თქმით, რამდენიმე წლის წინ არჩევნების შემდეგ საგზაო ჯარიმები გაუქმდა.
"მოქალაქეები დღესაც, არჩევნების წინ უკვე საგზაო მოძრაობის წესებს აღარ იცავენ. რაც შეეხება ე.წ. პოლიტპატიმრების გათავისუფლებას, ეს გამოიწვია იმან, რომ საქართველოს კანონებში ამ მხრივ გარკვეული დეფიციტია. სწორედ ამიტომ მომავალ კვირას საქართველოს ვენეციის კომისიის ექსპერტთა ტექნიკური ჯგუფი ეწვევა, რომელიც ხელისუფლებას მიაწვდის დასკვნებს, რათა მომავალში ეს ყველაფერი უკეთ წარიმართოს", - აღნიშნა ჯანი ბუკიკომ.
ვენეციის კომისიის პრეზიდენტმა ასევე წუხილი გამოთქვა იმასთან დაკავშირებით, რომ საქართველოს ხელისუფლება "ამნისტიის კანონთან" დაკავშირებით ვენეციის კომისიის რეკომენდაციას არ დაელოდა.
