23
ივნისიდღის ზოგადი ასტროლოგიური პროგნოზი
ჰოლივუდის ვარსკვლავი, ვინი ჯონსი ("ბანქო, ფული და ორლულიანი თოფი", "დიდი კუში", "ხმალთევზა" და სხვ.), 31 იანვარს, თბილისს უნიკალური დაგროვებითი პროდუქტის, "ინბოქსის" სარეკლამო კამპანიაში მონაწილეობის მისაღებად ესტუმრება.
ეს არის უპრეცედენტო შემთხვევა, როდესაც ჰოლივუდის მსახიობი ქართული კომპანიის სახე ხდება.
ჯონსი საქართველოში ხუთი დღის მანძილზე დარჩება და სარეკლამო რგოლების გადაღების გარდა, მონაწილეობას რამდენიმე საინტერესო ღონისძიებაშიც მიიღებს.
31 იანვარს, კინოთეატრ "რუსთაველში" გაიმართება ვინი ჯონსის ერთ-ერთი ფილმის ჩვენება, რომელსაც მოწვეულ სტუმრებთან ერთად, თვითონ მსახიობიც დაესწრება.
ბატონი ჯონსი საქართველოში 5 თებერვლამდე დარჩება და მას "ინბოქსის" რამდენიმე სარეკლამო რგოლში გადაიღებენ. საქართველოში სტუმრობის პერიოდში, იგი შეხვდება კინოფაკულტეტის სტუდენტებს, ესტუმრება მიუსაფარ ბავშვთა სახლს, გაესაუბრება ქართული მედიის წარმომადგენლებს.
ჰოლივუდის ვარსკვლავთან ერთად, "ინბოქსის" სარეკლამო რგოლების გადაღებაზე ცნობილი ქართველი ოპერატორი, ბატონი ლომერ ახვლედიანი იმუშავებს.
ქართული მედიის წარმომადგენლებს ეძლევათ შანსი, დახვდნენ ვინი ჯონსს თბილისის აეროპორტში და პირადად ვარსკვლავისაგან შეიტყონ მისი თბილისში ვიზიტისა და სამომავლო გეგმების შესახებ.
R
_2019-10-08_RxpzhSG0MIT5YR.jpg)
