30
მაისიდღის ზოგადი ასტროლოგიური პროგნოზი
ცნობილი ქართველი მომღერალი მარკუს მეტრეველი ქართულ შოუბიზნესში არსებულ ვითარებას და პოლიტიკურ მოვლენებს ეხმაურება. მომღერალმა ამასთან დაკავშირებით სოციალურ ქსელ "ფეისბუქის" საკუთარ გვერდზე ვრცელ პოსტში ისაუბრა.
"არ მინდა ჩავერიო პოლიტიკაში, ვცდილობ მაქსიმალურად, რომ ჩემი ყურადღების კონცენტრირება მოვახდინო ჩემს საყვარელ საქმეზე, მუსიკაზე, სიმღერაზე, შემოქმედებაზე, ის, რაც ჩემთვის ორგანულია, მაგრამ ხანდახან მე, ტელევიზორთან მჯდომარეს თვალი გამირბის, რადგან არ მინდა საკუთარი თავი მოვაქციო ინფორმაციულ ვაკუუმში.
მაგრამ დავიღალე უკვე ამ ყველაფრით, დავიღალე ამდენი პოლიტიკით, მესმის, რომ ამდენი პრობლემაა, მესმის, რომ ამდენი უსახლკარო და სოციალურად დაუცველი ადამიანი გვყავს ამ დაბეჩავებულ ქვეყანაში, მესმის, რომ დასაჭერიც ბევრია, მესმის, ისიც, რომ სოციალური თემატიკა ყველაზე აქტუალურია ჩვენში, მაგრამ რაღა ვქნა მე, ადამიანმა, რაღა გავაკეთო, მეც ქუჩაში გამოვიდე და ვიყვირო, "ვიბღავლო", რომ ვინმემ ყურადღება მიაქციოს კულტურას? ე.წ. შოუ-ბიზნესს?
რეალობა, რომელშიც ახლა მე, თქვენ, ვიმყოფებით, პესიმიზმით მიპყრობს, ვინაიდან, არსად არაფერი ხდება, არსად არავინ მღერის, განა რესტორნებში მიპატიჟებით და რამდენიმე ფსევდო კონცერტით შოუ ბიზნესი ვითარდება? ნუთუ თქვენ ჩემო კოლეგებო ამითაც კმაკოფილები ხართ? ეს არის ჩვენი მაქსიმუმი? შეიძლება, არც არავის ემღერება, მაგრამ ჩვენ ქართველები ხომ ყველა პრობლემას სიმღერაში "ვინელებთ"?
ხოდა, მეც მინდა ჩემი პრობლემები ავამღერო, მინდა ვიმღერო, მინდა კონკურენცია, მინდა ბრძოლა შემოქმედებითი, იმიტომ, რომ გადავტვირთო ჩემი საწყალი ქვეყანა და მოვწყვიტო საშინელ რეალობას, რომლითაც თავად ქვეყანაც კი დაიღალა, მინდა ვუმღერო მას, ხალხს, საკუთარ თავს, მე ეს მინდა, მინდა ისევ ჩემი ნამღერის შემდეგ ვიღაცამ გაიცინოს, ვიღაცამ შემიზიზღოს, ვიღაცამ შემიყვაროს, ვიღაცა მომეფეროს, მე ეს მინდა, მინდა ჩემს ქვეყანაში რაღაც ხდებოდეს, არ მინდა უცხო ქვეყანაში გადახვეწა და თავის შევაფარება იქაური შოუ-ბიზნესისთვის, მე, ბუნებით ოპტიმისტს, მჯერა, რომ ყველაფერს გააკეთებ შენ, ახალო თუ ძველო მთავრობა, შენ ახალო თუ ძველო ხელისუფლება, რომ ვიმღეროთ, დავავიწყოთ ხალხს თუნდაც ერთი პრობლემა მაინც, მოგვხედეთ ჩვენც, მომღერლებს, მხატვრებს, მოქანდაკეებს, მსახიობებს, ყველას, ყველას, დროა, უკვე, თორე, გადავიწვით!!
ამის მერე, თუგინდ მოღალატეთ, თუნდაც პოლიტიკაში ღრმად ჩართულ ადამიანად მაღიარეთ, მაგრამ მე ხომ ვიცი, რომ მეზიზღება პოლიტიკა, იმიტომ, რომ იგი ტკივილს აყენებს ხალხს, მაგრამ თქვენ მე ძალით მითრევთ ამ ავანტიურაში!!! ამდენი უნიჭიერესი მომღერალია საქართველოში,ძველი თუ ახალი თაობა, აამღერეთ მომღერლები, ათამაშეთ მსახიობები, კომპოზიტორებს მიეცით საშუალება რომ შექმნან ხარისხიანი თუ უხარისხო სიმღერები, მთავარია რომ კეთდებოდეს რამე, რომ შევძლოთ ოცნება თქვენთან ერთად ჩემო საყვარელო ხალხო და მერე, თვითონ პოლიტიკა შეგვეშვება და წავა იქ, საიდანაც ვეღარასოდეს დაბრუნდება ჩვენს ყოველდღიურობაში. პატივისცემით, მარკუს მეტრეველი!!" - წერს მომღერალი.
