მი­ხე­ილ სა­ა­კაშ­ვი­ლის­თვის პრე­ზი­დენ­ტის უფ­ლე­ბა­მო­სი­ლე­ბის შე­წყვე­ტის მო­თხოვ­ნით, პრე­ზი­დენ­ტის ავ­ლაბ­რის რე­ზი­დენ­ცი­ას­თან გაშ­ლილ კარ­ვებ­ში ყო­ველ­დღე უამ­რა­ვი ადა­მი­ა­ნი მი­დის. რო­გორც მოძ­რა­ო­ბა "ერ­თსუ­ლოვ­ნე­ბის" წევ­რებ­მა გა­ნა­ცხა­დეს, სა­ა­კაშ­ვილს უფ­ლე­ბა­მო­სი­ლე­ბა 20 იან­ვარს ამო­ე­წუ­რა და ისი­ნი რე­ზი­დენ­ცი­ას­თან იმ დრომ­დე დარ­ჩე­ბი­ან, სა­ნამ მი­ხე­ილ სა­ა­კაშ­ვი­ლი პრე­ზი­დენ­ტო­ბა­ზე უარს იტყვის. აქ­ცი­ა­ზე მი­სუ­ლი ადა­მი­ა­ნე­ბი მისი გა­დად­გო­მის მო­თხოვ­ნით ხელ­მო­წე­რებს ტო­ვებ­დნენ.

რო­გორც ჩვენ­თან სა­უ­ბარ­ში ავ­ლაბ­რის რე­ზი­დენ­ცი­ას­თან "ღირ­სე­ბის შეკ­რე­ბის" ინი­ცი­ა­ტო­რი თე­მურ შა­ში­აშ­ვი­ლი მი­იჩ­ნევს, თუკი თბი­ლი­სი­დან გან­დევ­ნილ­მა სა­ა­კაშ­ვილ­მა ზუგ­დიდს მი­ა­შუ­რა, ისი­ნი იქაც დას­ცე­მენ კა­რავს და ეს მა­ნამ­დე გაგ­რძელ­დე­ბა, ვიდ­რე პრე­ზი­დენ­ტი "სახ­ლში არ წავა"...

- ამას არც მი­ტინგს ვუ­წო­დებთ და არც აქ­ცი­ას, ეს არის "ღირ­სე­ბის შეკ­რე­ბა" და აქ რომ არ შევ­კრე­ბი­ლი­ყა­ვით, მსოფ­ლიო მას­შტა­ბის სირ­ცხვი­ლი იქ­ნე­ბო­და. ამ დღე­ებ­ში იუ­რის­ტთა სა­ერ­თა­შო­რი­სო ასო­ცი­ა­ცი­ის წევ­რი პა­ა­ტა ცნო­ბი­ლა­ძე თა­ვის ამე­რი­კელ კო­ლე­გებს ესა­უბ­რა. მათ არ და­ი­ჯე­რეს, რო­გორ, პრე­ზი­დენტს კონ­სტი­ტუ­ცი­ა­ში 5 წელი უწე­რია, უფ­ლე­ბა­მო­სი­ლე­ბა უკვე შე­უ­წყდა და ის არ­ღვევ­სო?.. ამი­ტო­მაც ვუ­თხა­რით ყვე­ლას ასე ხმა­მაღ­ლა, რომ არ ვართ ის ხალ­ხი, ვი­საც შე­იძ­ლე­ბა, თავ­ზე ვი­ღაც და­აჯ­დეს. ევ­რო­პუ­ლი და სა­ერ­თა­შო­რი­სო ორ­გა­ნი­ზა­ცი­ე­ბი უკვე სე­რი­ო­ზულ ინ­ტე­რესს იჩე­ნენ, რაც ნიშ­ნავს, რომ მსოფ­ლი­ომ გა­ი­გო, რა ხდე­ბა სა­ქარ­თვე­ლო­ში. ჩვენ პარ­ლა­მენ­ტში შე­ვე­დით წი­ნა­და­დე­ბით და გა­და­წყვე­ტი­ლე­ბის პრო­ექ­ტი წარ­მო­ვად­გი­ნეთ, რომ­ლის მი­ღე­ბა­საც არც იმ­პიჩ­მენ­ტი სჭირ­დე­ბა და არც ხმა­თა უმ­რავ­ლე­სო­ბა, უბ­რა­ლოდ, უნდა და­ფიქ­სირ­დეს, რომ სა­ქარ­თვე­ლოს პრე­ზი­დენ­ტი არ­ჩე­უ­ლია 5 წლის ვა­დით და ამ ვა­დის ამო­წურ­ვის შემ­დეგ მი­ხე­ილ სა­ა­კაშ­ვი­ლი უნდა წა­ვი­დეს სახ­ლში.

- თუმ­ცა ვრცელ­დე­ბა ინ­ფორ­მა­ცია, რომ მი­ხე­ილ სა­ა­კაშ­ვი­ლი სა­მუ­შა­ოდ ზუგ­დიდ­ში გა­და­დის...

- ჩვენც გვაქვს ეს ინ­ფორ­მა­ცია, თუ მან მარ­თლა და­ა­პი­რა წას­ვლა, აუ­ცი­ლებ­ლად ზუგ­დიდ­შიც ჩა­ვალთ და "ღირ­სე­ბის შეკ­რე­ბა" იქაც გაგ­რძელ­დე­ბა. სა­ა­კაშ­ვი­ლი ბოლო დროს ყვე­ლა­ფერს აკე­თებს, რათა რე­გი­ო­ნე­ბი ერ­თმა­ნეთს და­უ­პი­რის­პირ­დნენ, რაც ქვეყ­ნის მო­მავ­ლის­თვის ცუ­დია. სხვა­თა შო­რის, მე ვთქვი თა­ვის დრო­ზე, პარ­ლა­მენ­ტის ქუ­თა­ის­ში გა­და­ტა­ნა არ იქ­ნე­ბა უბე­დუ­რე­ბა, მაგ­რამ რო­დე­საც თბი­ლის­ში და­აბ­რუ­ნე­ბენ, მა­შინ და­ი­წყე­ბა უბე­დუ­რე­ბა-მეთ­ქი... მე, რო­გორც ქუ­თა­ი­სელს, მი­მაჩ­ნია, რომ პარ­ლა­მენ­ტი თბი­ლის­ში უნდა დაბ­რუნ­დეს. ახლა, რო­დე­საც მისი თბი­ლის­ში დაბ­რუ­ნე­ბის პრო­ცე­სი იწყე­ბა, წინა ხე­ლი­სუფ­ლე­ბის მიერ და­ფი­ნან­სე­ბუ­ლი არა­სამ­თავ­რო­ბო­ე­ბი და ვი­ღა­ცე­ბი აყ­ვირ­დნენ, რომ ეს ქუ­თა­ი­სის უარ­ყო­ფის ტოლ­ფა­სია. ცხა­დია, სა­პარ­ლა­მენ­ტო ქა­ლა­ქო­ბა პრეს­ტი­ჟია, მაგ­რამ პარ­ლა­მენ­ტი დე­და­ქა­ლაქ­ში უნდა დაბ­რუნ­დეს... თუ მა­ინ­ცდა­მა­ინც ქუ­თა­ი­სის აღმშე­ნებ­ლო­ბა უნ­დო­დათ ამ ოჯა­ხა­შე­ნე­ბუ­ლებს, გა­და­ე­ტა­ნათ სა­ქარ­თვე­ლოს ტექ­ნი­კუ­რი უნი­ვერ­სი­ტე­ტი და ნა­ხავ­დნენ, რო­გორ აი­სა­ხე­ბო­და ქა­ლა­ქის გან­ვი­თა­რე­ბა­ზე. არა­ნორ­მა­ლუ­რია, რო­დე­საც პრე­ზი­დენ­ტი ლა­პა­რა­კობს, პარ­ლა­მენ­ტის თბი­ლის­ში გად­მო­ტა­ნით ქუ­თა­ი­სი მკვდა­რი ქა­ლა­ქი გახ­დე­ბაო. მა­ინ­ტე­რე­სებს, მას წა­უ­კი­თხავს ბერ­ლი­ნის ის­ტო­რია? მა­ში­ნაც კი, რო­დე­საც ის ქა­ლა­ქი და­ბომ­ბეს და მი­წას­თან გა­ას­წო­რეს, არც ერთ გერ­მა­ნელს არ წა­მოს­ცდე­ნია, ბერ­ლი­ნი მკვდა­რი ქა­ლა­ქი­აო. მე­ტიც, ყვე­ლა ამ­ბობ­და, ბერ­ლი­ნი და­მა­ტო­ვე­ბი­ნეს, ახლა ჩემი ქა­ლა­ქი მხო­ლოდ ფურ­ცელ­ზე დარ­ჩა, მაგ­რამ ჩემი ბერ­ლი­ნი იქ, ქა­ღალ­დზე ცხოვ­რობ­სო... სა­ქარ­თვე­ლოს ვა­და­გა­სულ პრე­ზი­დენტს ნა­ფიქ­რი აქვს იმა­ზე, რა­საც ამ­ბობს?.. ბა­თუ­მი, ზუგ­დი­დი, თე­ლა­ვი და სხვა ქა­ლა­ქე­ბი, სა­დაც პარ­ლა­მენ­ტი არ არის, მკვდა­რი ქა­ლა­ქე­ბია?.. ასე უაზ­როდ წა­მოს­რო­ლილ­მა სი­ტყვებ­მა ბევ­რჯერ მიგ­ვიყ­ვა­ნა და­პი­რის­პი­რე­ბამ­დე... წლე­ბია გვი­კი­ჟი­ნე­ბენ, რუ­სეთს ვებ­რძვი­თო და იმას აკე­თე­ბენ, რაც მას აძ­ლევს ხელს. ახლა ამ პრო­ცე­სებ­ში ზუგ­დი­დი ჩა­ერ­თო.

- მი­გაჩ­ნი­ათ, რომ ეს ქვეყ­ნის გახ­ლე­ჩას ემ­სა­ხუ­რე­ბა?

- რა თქმა უნდა. ზვი­ად გამ­სა­ხურ­დი­ას პრე­ზი­დენ­ტო­ბის პე­რი­ოდ­ში ჩემ­თან რუსი გე­ნე­რა­ლი გე­რა­სი­მო­ვი მო­ვი­და. ის მა­შინ ქუ­თა­ის­ში XXI ბრი­გა­დის, შემ­დგომ­ში კი გარ­ნი­ზო­ნის ხელ­მძღვა­ნე­ლი იყო, მის­გან მო­ვის­მი­ნე, რომ ას­ლან აბა­ში­ძის ინი­ცი­ა­ტი­ვით, თედო ნი­ნი­ძე მი­იწ­ვი­ეს და რუს გე­ნერ­ლებს შე­ახ­ვედ­რეს, რო­მელ­თაც მას წი­ნა­და­დე­ბა წა­უ­ყე­ნეს, მთე­ლი და­სავ­ლე­თი სა­ქარ­თვე­ლო ცალ­კე ყო­ფი­ლი­ყო და დე­და­ქა­ლა­ქი ქუ­თა­ი­სი იქ­ნე­ბო­და, ხოლო აღ­მო­სავ­ლეთ სა­ქარ­თვე­ლოს დე­და­ქა­ლა­ქი კი - თბი­ლი­სი... რა თქმა უნდა, ვე­თან­ხმე­ბი იმ მო­საზ­რე­ბას, რომ სომ­ხეთ­თან ძა­ლი­ან კარ­გი ურ­თი­ერ­თო­ბა უნდა შე­ვი­ნარ­ჩუ­ნოთ, მაგ­რამ უფრო ადრე, რო­დე­საც თბი­ლისს სომ­ხე­ბი ხელ­მძღვა­ნე­ლობ­დნენ, მა­თაც უნ­დო­დათ მმარ­თვე­ლო­ბის ქუ­თა­ის­ში გა­და­ტა­ნა, რათა თბი­ლი­სი მთლი­ა­ნად მათ ხელ­ში დარ­ჩე­ნი­ლი­ყო...

აი, ასე­თი მძი­მე მა­გა­ლი­თე­ბი გვაქვს ის­ტო­რი­ი­დან და ძნე­ლი მი­სახ­ვედ­რია, რომ ორი პო­ლი­ტი­კუ­რი ცენ­ტრი ქარ­თუ­ლი საქ­მე არ არის?!. ამე­რი­კის პრე­ზი­დენტს არ აქვს იმ­დე­ნი რე­ზი­დენ­ცია, რამ­დე­ნიც მი­ხე­ილ სა­ა­კაშ­ვილს და ეს ყვე­ლა­ფე­რი წი­ნას­წარ ჰქონ­და მზაკ­ვრუ­ლად გათ­ვლი­ლი. ეს არის სე­პა­რა­ტიზ­მის გაღ­ვი­ვე­ბის ყვე­ლა­ზე დიდი ბიძ­გი და ამას აკე­თებს პრე­ზი­დენ­ტი, რო­მელ­საც აღმშე­ნებ­ლო­ბა­ზე აქვს პრე­ტენ­ზია. თუ ასე ძა­ლი­ან უყ­ვარს ზუგ­დი­დი ამ ვაჟ­ბა­ტონს, სა­სოფ­ლო-სა­მე­ურ­ნეო ინ­სტი­ტუ­ტი გა­და­ე­ტა­ნა და ნა­ხავ­და, რო­გორ წა­ად­გე­ბო­და რა­ი­ონს.

- ამ სა­კი­თხში თქვენ­თან ერ­თად არის მოძ­რა­ო­ბა "ლა­ზა­რე", თუ და­მო­უ­კი­დებ­ლად აპი­რებთ ამის მიღ­წე­ვას?

- არა, და­მო­უ­კი­დებ­ლად. რა თქმა უნდა, "ლა­ზა­რე" ძა­ლი­ან სე­რი­ო­ზუ­ლი და ძლი­ე­რი მოძ­რა­ო­ბაა, ბა­ტო­ნი რეზო ამა­შუ­კე­ლის ორ­გა­ნი­ზა­ტო­რო­ბით, ჩვენ ამას მი­ვე­სალ­მე­ბით და დარ­წმუ­ნე­ბუ­ლი ვარ, თა­ნამ­შრომ­ლო­ბას შევ­ძლებთ, მაგ­რამ ამ ეტაპ­ზე ცალ-ცალ­კე ვმოქ­მე­დებთ... რო­გორ უნდა მი­იყ­ვა­ნო ხალ­ხი იქამ­დე, რა შე­დე­გიც მის­მა პრე­ზი­დენ­ტო­ბამ მო­ი­ტა­ნა. ყო­ველ­დღე ასო­ბით ათა­სი ხელ­მო­წე­რა მო­დის. ჩვენ­თან ერ­თად იდ­გნენ ცო­ცხა­ლი ლე­გენ­და მა­ნუ­ჩარ მა­ჩა­ი­ძე, რეზო ძო­ძუ­აშ­ვი­ლი და ომარ მხე­ი­ძე, ჩვენ­თან ერ­თად აგ­რო­ვებ­დნენ ხელ­მო­წე­რებს. მათ შო­რის იყო 86 წლის რეზო ჩხე­ი­ძეც...

- ბა­ტო­ნო თე­მურ, თქვენს ად­გილს რა სფე­რო­ში ხე­დავთ ახალ ხე­ლი­სუფ­ლე­ბა­ში?

- ვერ­სად, ეს არ არის ჩემი მო­წო­დე­ბა. ჩვენ გვინ­და, "ნა­ცი­ო­ნა­ლუ­რი მოძ­რა­ო­ბა" და პრე­ზი­დენ­ტი, რო­გორც ჩა­საფ­რე­ბუ­ლი ლი­დე­რი, ჩა­მო­შორ­დნენ სა­ქარ­თვე­ლოს და ამას რო­გორ­ღაც უნდა მი­ვაღ­წი­ოთ, რათა "ქარ­თულ­მა ოც­ნე­ბამ" თა­ვი­სუფ­ლად იმუ­შა­ოს. პროგ­რა­მა, რომ­ლი­თაც ის მო­ვი­და ხე­ლი­სუფ­ლე­ბა­ში, მე, რო­გორც მას­ზე ნა­წყე­ნი და გულ­ნატ­კე­ნი ადა­მი­ა­ნი (არ და­ვა­კონ­კრე­ტებ, რა­ტომ) ვამ­ბობ, რომ ქვეყ­ნის გა­დარ­ჩე­ნის გზა არის, თუმ­ცა, "ნა­ცი­ო­ნა­ლე­ბის" და­უნ­დო­ბე­ლი ბრძო­ლის შე­დე­გად ის ინ­გრე­ვა, ამი­ტო­მაც გვინ­და მათი მო­ცი­ლე­ბა. ივა­ნიშ­ვი­ლი კი­დევ ერთხელ თუ არ იტყვის, რომ მი­ხე­ილ სა­ა­კაშ­ვილს პრე­ზი­დენ­ტო­ბის ვადა გა­უ­ვი­და, ეს ნიშ­ნავს, რომ ის "გა­რე­დან", და­სავ­ლე­თი­დან შე­ა­ში­ნეს, ეტყო­ბა უნ­დათ, კუდი მო­აქ­ნე­ვი­ნონ და უკან მო­აბ­რუ­ნონ. თუ ძლი­ე­რი პრე­მი­ერ-მი­ნის­ტრი ხარ, ხომ ხე­დავ, რომ ვა­და­გა­სულ პრე­ზი­დენტს უძ­რა­ო­ბა და­ე­მარ­თა, არ­სა­დაც არ მი­დის და უნდა აი­ძუ­ლო. ამი­ტო­მაც ვამ­ბობ, დიახ, სა­ა­კაშ­ვილ­მა გორ­ში კი და­ი­ჩო­ქა, მაგ­რამ ახლა პარ­ლა­მენ­ტიც და­ჩო­ქე­ბუ­ლია, რად­გან ამ­ბობს, "ერ­თსუ­ლოვ­ნე­ბა" სა­მარ­თლებ­რი­ვად მარ­თა­ლი­აო, მაგ­რამ ამის და­სამ­ტკი­ცებ­ლად არა­ფერს აკე­თებს.

მას შემ­დეგ, რაც სა­ა­კაშ­ვილს მო­ვა­ცი­ლებთ, პრე­მი­ერ-მი­ნისტრს ვე­ტყვით, ჩვენ მო­გა­ცი­ლეთ ამ ქვეყ­ნის მტრე­ბი, ახლა კი შე­ას­რუ­ლეთ და­პი­რე­ბე­ბი. მე "ქარ­თუ­ლი ოც­ნე­ბის" წევ­რი არ ვარ და არც არას­დროს ვიქ­ნე­ბი.

- რა გაძ­ლევთ ასე­თი კა­ტე­გო­რი­უ­ლო­ბის სა­ფუძ­ველს?

- გან­სხვა­ვე­ბუ­ლი ხედ­ვე­ბი. ჩემ­თვის პრინ­ცი­პუ­ლად მი­უ­ღე­ბე­ლია "რეს­პუბ­ლი­კუ­რი პარ­ტია" და მათ გვერ­დით ჩემს ად­გილს ვერ ვხე­დავ. არ ვამ­ბობ, რომ ჩემი ხედ­ვა ჯობს ან იმა­თი, ეს ხალ­ხმა გა­არ­კვი­ოს, მაგ­რამ მე მზად ვარ, ჩემს თა­ნა­მო­აზ­რე­ებ­თან ერ­თად მათ მიერ შე­მუ­შა­ვე­ბუ­ლი პროგ­რა­მის კონ­ტრო­ლი ვა­წარ­მოო. რამ­დე­ნი­მე ხნის წინ სა­ზო­გა­დო­ებ­რი­ვი ინ­ტერ­ნეტ­პარ­ლა­მენ­ტის შექ­მნას ვა­პი­რებ­დი, რო­მე­ლიც თე­ო­რი­უ­ლად ისე­თი­ვე იქ­ნე­ბო­და, რო­გო­რიც ჩვე­უ­ლებ­რი­ვი პარ­ლა­მენ­ტია. მისი ამოქ­მე­დე­ბის შემ­თხვე­ვა­ში ნა­ხავ­და ბი­ძი­ნა ივა­ნიშ­ვი­ლი, რას ნიშ­ნავს სა­ზო­გა­დო­ებ­რი­ვი კონ­ტრო­ლი, მაგ­რამ ბა­ტონ­მა რეზო ჩხე­ი­ძემ, მი­ხე­ილ ან­დღუ­ლა­ძემ და სხვებ­მა მთხო­ვეს პრე­ზი­დენ­ტის გა­დად­გო­მის მო­თხოვ­ნით ხელ­მო­წე­რე­ბი შე­მეგ­რო­ვე­ბი­ნა და ეს საქ­მე ბო­ლომ­დე უნდა მი­ვიყ­ვა­ნო.

ამ დღე­ებ­ში თქვა, ქარ­თუ­ლი პო­ლი­ტი­კის ჭორ­ვი­ლი­ზა­ცი­ას არ და­ვუშ­ვე­ბო. რო­გორც უნდა სძულ­დეს ივა­ნიშ­ვი­ლი, სო­ფელს რა­ტომ აყე­ნებს შე­უ­რა­ცხყო­ფას?!. ან ბი­ძი­ნა ივა­ნიშ­ვი­ლი რა­ტომ ით­მენს მის ასეთ გა­მოხ­დო­მებს? ერთხელ თქვა და კი­დევ თუ არ იტყვის, რომ მისი ვადა ამო­ი­წუ­რა, ხოლო პარ­ლა­მენ­ტი შე­სა­ბა­მის დად­გე­ნი­ლე­ბას არ მი­ი­ღებს, ეს ნიშ­ნავს, რომ ისი­ნი სა­ა­კაშ­ვი­ლის ქმე­დე­ბებ­ზე აგე­ბენ პა­სუხს. არა­და, იმე­რე­თი­დან ვიცი, რომ პრე­მი­ერ-მი­ნის­ტრი ძლი­ე­რი პი­როვ­ნე­ბაა და ისე­თი უბ­რა­ლო ადა­მი­ა­ნი არ არის, რო­გო­რიც წარ­მო­ედ­გი­ნათ. მიკ­ვირს, ასე შე­ა­ში­ნეს გა­რე­დან?.. არა­და, სა­ა­კაშ­ვილ­მა ივა­ნიშ­ვილს რამ­დენ­ჯერ­მე მი­ა­ნიშ­ნა, რომ მისი აზ­რე­ბი არ აღელ­ვებს.

ეტყო­ბა, სა­ა­კაშ­ვი­ლი ვი­ღა­ცას გა­უ­რიგ­და უცხო­ეთ­ში, რო­მელ­საც ასე­თი პი­რო­ბა წა­უ­ყე­ნა - ჩვენ მას არ­ჩევ­ნებს მო­ვა­გე­ბი­ნებთ, მაგ­რამ შემ­დეგ ისევ დავ­ბრუნ­დე­ბიო, ამი­ტო­მაც იქ­ნევს კუდს. ან შე­იძ­ლე­ბა უთხრეს, არ გა­ა­ყალ­ბო არ­ჩევ­ნე­ბი, ძა­ლაც არ გა­მო­ი­ყე­ნო და ყვე­ლა­ფერს გა­ვა­კე­თებთ, რომ ისევ და­გაბ­რუ­ნო­თო... აბა, სხვა რა ახ­სნა შე­იძ­ლე­ბა მო­ვუ­ძებ­ნოთ მის ქმე­დე­ბებს, თუ ამე­რი­კა­ში საპ­რე­ზი­დენ­ტო ვა­დის ამო­წურ­ვი­დან ერთი სა­ა­თის შემ­დეგ ის ადა­მი­ა­ნი წა­სუ­ლად ით­ვლე­ბა, სა­ქარ­თვე­ლო­ში რა­ტომ არ ხდე­ბა ასე?.. და­მარ­წმუ­ნოს ვინ­მემ, რომ ვცდე­ბი. ივა­ნიშ­ვი­ლი ალ­ბათ შე­წუ­ხე­ბუ­ლია მისი თავ­ზე­ხე­ლა­ღე­ბუ­ლო­ბით, მაგ­რამ ნე­ტავ თუ ეს­მის, რომ ასეთ კაც­თან თა­მა­ში არ შე­იძ­ლე­ბა? ასე მცი­რე დრო­ის გან­მავ­ლო­ბა­ში ამ­დე­ნი რამ შეძ­ლო და ახლა რა­ტომ იხევს უკან, გვა­ჩო­ქე­ბენ? ჩემ­თვის და­ჩო­ქე­ბუ­ლი არც პრე­ზი­დენ­ტი ვარ­გა და არც პარ­ლა­მენ­ტი. რა და­ვა­შა­ვეთ ქარ­თვე­ლებ­მა ასე­თი, რომ ამ­დე­ნი რა­მის გა­და­ტა­ნამ მოგ­ვი­წია... 4-ათას­წლო­ვა­ნი არ­სე­ბო­ბის გან­მავ­ლო­ბა­ში სა­ქარ­თვე­ლოს არც ერთი მმარ­თვე­ლის­თვის არ და­უ­ჩო­ქია. XXI სა­უ­კუ­ნის სა­ქარ­თვე­ლოს პრე­ზი­დენ­ტმა მი­წა­ზე იფორ­თხა, მაგ­რამ შე­ვარ­ჩი­ნეთ. ახ­ლა­ხან ბელ­გი­ა­ში ყოფ­ნი­სას თქვა, საბ­ჭო­თა კავ­ში­რის ქვეყ­ნე­ბი­დან ყვე­ლა­ზე ჩა­მორ­ჩე­ნი­ლი სა­ქარ­თვე­ლო იყოო, გა­მო­დის, რომ ტა­ჯი­კე­თი და თურ­ქმე­ნე­თი, უზ­ბე­კე­თი ჩვენ­ზე გან­ვი­თა­რე­ბუ­ლი ყო­ფი­ლა? სა­ინ­ტე­რე­სოა, რამ­დენ­ჯერ უნდა დაგ­ვას­ხას ამ კაც­მა თავს ლაფი, რომ მო­ვი­შო­როთ?..

- ამ დრო­ის­თვის და­ახ­ლო­ე­ბით რამ­დე­ნი ხელ­მო­წე­რაა?

- ზუსტ რი­ცხვს ვერ და­გი­სა­ხე­ლებთ, მაგ­რამ ვიცი, რომ ერთ მი­ლი­ონს ბევ­რად გა­დას­ცდა. სა­ქარ­თვე­ლოს თით­ქმის ყვე­ლა რა­ი­ო­ნი­დან დაგ­ვი­რე­კეს, უამ­რა­ვი ადა­მი­ა­ნი ითხოვს ხელ­მო­წე­რას, მაგ­რამ ფი­ნან­სუ­რი სა­შუ­ა­ლე­ბა არ გვაქვს, ჩვე­ნი ხალ­ხი გავ­გზავ­ნოთ, ამი­ტომ ხელ­მო­წე­რის ბლან­კებს სა­მარ­შრუ­ტო ტაქ­სე­ბით ვაგ­ზავ­ნით. ერთ-ერ­თმა სა­ხალ­ხო არ­ტის­ტმა, რომ­ლის გვარ­საც არ და­ვა­კონ­კრე­ტებ, თა­ვის მე­ზობ­ლებ­ში 500-მდე ხელ­მო­წე­რა შე­აგ­რო­ვა. ეს პრო­ცე­სი იმ­დენ დღეს, კვი­რას, თუ თვეს გაგ­რძელ­დე­ბა, სა­ნამ რე­ა­ლურ შე­დეგს არ მი­ვი­ღებთ.

ლალი პა­პას­კი­რი

ჟურ­ნა­ლი "რე­ი­ტინ­გი"

(გა­მო­დის ორ­შა­ბა­თო­ბით)