ირაკლი ალასანიას ნათესავი იაძეს პატივისა და ღირსების შელახვისთვის უჩივის

გიორგი ბესტავაშვილი აღიარებს, რომ საქართველოს თავდაცვის მინისტრის ირაკლი ალასანიას უახლოესი ნათესავია და კასპის მუნიციპალიტეტის გამგებლის, კოალიცია "ქართული ოცნების" წევრის, ოლეგ იაძის წინააღმდეგ სასამართლოში სარჩელის შეტანას აპირებს.

ბესტავაშვილი ოლეგ იაძის ბრალდებებს უარყოფს და  აღნიშნავს, რომ იაძის დანიშვნის შემდეგ მას გამგებლობაზე არც პრეტანზია გამოუთქვამს და არც კულუარული შეხვედრები გაუმართავს. ამასთან  მიაჩნია, რომ გამგებლის წინააღმდეგ მებრძოლი ქალბატონები სამართლიანობის აღადგენას ითხოვენ.

"კვალიფიციური, კომპეტენტური კადრები, ერთგულებითა და სულისკვეთებით გამორჩეული ადამიანები, ვინც სიცოცხლე დააყენა საფრთხის ქვეშ, ოლეგ იაძის ხელისუფლების მიერ დევნილები არიან", - აცხადებს გიორგი ბესტავაშვილი. 

სრული ვერსია

შიდა ქართლის საინფორმაციო ცენტრი