მა­რი­ნა ბე­რი­ძეს კულ­ტუ­რის სა­მი­ნის­ტრო­ში ვეს­ტუმ­რეთ, სა­დაც თა­ვის პოსტს ინარ­ჩუ­ნებს და რო­გორც ამ­ბობს, უამ­რა­ვი საქ­მე აქვს. ტე­ლე­ვი­ზი­ე­ბის კუ­თხით ჯერ­ჯე­რო­ბით არა­ნა­ი­რი სი­ახ­ლე არ არის. ჩვენს რეს­პონ­დენტს ბო­ლოდ­რო­ინ­დე­ლი მუ­სი­კა­ლუ­რი კონ­კურ­სე­ბის შე­სა­ფა­სებ­ლად შევ­ხვდით.

- ქვეყ­ნის­თვის ძა­ლი­ან დიდი მნი­შვ­­­ნე­ლო­ბა აქვს სა­ტე­ლე­ვი­ზიო-მუ­სი­კალ­ურ კონ­კურ­სებს. პირ­ველ რიგ­ში, დიდი მნიშ­ვნე­ლო­ბა აქვს, რომ პრო­ექ­ტი ლი­ცენ­ზი­რე­ბუ­ლი იყოს. ეს "რუს­თა­ვი 2"-მა და­ი­წყო. ამ პრო­ექ­ტებ­ში ყვე­ლა­ფე­რი გა­წე­რი­ლია ერთი რა­მის გარ­და, ის შენს ქვე­ყა­ნას უნდა მო­არ­გო და ბრმად არ უნდა გად­მო­ი­ტა­ნო სხვა ქვეყ­ნი­დან. "ჯე­ოს­ტარ­მა" ეს ძა­ლი­ან კარ­გად გა­ა­კე­თა და ქვე­ყა­ნას დიდი შე­დე­გი მო­უ­ტა­ნა, ბევ­რი სა­ინ­ტე­რე­სო მომ­ღე­რა­ლი გა­მოვ­ლინ­და.

რაც შე­ე­ხე­ბა ახ­ლან­დელ მუ­სი­კა­ლურ პრო­ექ­ტებს, სა­ჭი­როა და უამ­რა­ვი კარ­გი ახალ­გაზ­რდა გა­მოჩ­ნდა, მაგ­რამ მაქვს ერთი შე­ნიშ­ვნა - რო­გო­რი მი­თი­თე­ბაც უნდა ჰქონ­დეს ჟი­უ­რის, მან უნდა თქვას სი­მარ­თლე. იმას არ ვამ­ბობ, რომ კონ­კურ­სანტს უხე­შად უთხრა და გული ატ­კი­ნო, მაგ­რამ თუ გაქვს ინ­ტე­ლექ­ტი და სი­ტყვის მა­რა­გი, ხარ თა­ვი­სუ­ფა­ლი ადა­მი­ა­ნი, შე­ნიშ­ვნა უნდა მის­ცე იმის­თვის, რომ მომ­ღე­რალ­მა გა­მო­ას­წო­როს შეც­დო­მა, მა­ყუ­რე­ბე­ლი კი მიხ­ვდეს, ვინ არის კარ­გი და ვინ - ცუდი. აქე­დან გა­მომ­დი­ნა­რე უმე­სი­ჯებს მა­ყუ­რე­ბე­ლი ამა თუ იმ კონ­კურ­სანტს.

სა­ერ­თოდ, სა­ქარ­თვე­ლო­ში მე­სი­ჯე­ბის თემა ძა­ლი­ან მი­კერ­ძო­ე­ბუ­ლია - რო­დის მი­ვალთ იქამ­დე, რომ ქარ­თვე­ლებ­მა ახ­ლობ­ლებს არ და­უ­მე­სი­ჯონ, ვერ გე­ტყვით. პა­ტა­რა ქვე­ყა­ნა ვართ და არ გვაქვს უფ­ლე­ბა, ისეთ­მა ადა­მი­ან­მა გა­ი­მარ­ჯვოს კონ­კურ­სში, რო­მელ­საც შემ­დეგ ზრდის პო­ტენ­ცი­ა­ლი არ ექ­ნე­ბა.

- ახლა რო­მელ პრო­ექ­ტზე სა­უბ­რობთ, "ახალ ხმა­ზე"?

- ორი­ვე მუ­სი­კა­ლურ პრო­ექ­ტზე ვლა­პა­რა­კობ, "ახალ ხმა­ზეც" და "სა­ქარ­თვე­ლოს ვარ­სკვლავ­ზეც". სა­ერ­თო ფრა­ზე­ბით არ უნდა გა­მოძ­ვრე. არა­ვი­თარ შემ­თხვე­ვა­ში არ შე­იძ­ლე­ბა, პირ­ვე­ლი­ვე ან მე­ო­რე ტურ­ზე კონ­კურ­სანტს უთხრა, რომ ის უკვე ვარ­სკვლა­ვია. ეს ისე­თი მნიშ­ვნე­ლო­ვა­ნი წო­დე­ბაა და ისე­თი სი­ტყვაა, რომ ბევ­რი წელი სჭირ­დე­ბა. ვარ­სკვლა­ვო­ბა ცხოვ­რე­ბის წე­სია. ძა­ლი­ან სა­სა­ცი­ლოა, ჩვენს ქვე­ყა­ნა­ში ხე­ლა­ღე­ბით ვინ­მეს ვარ­სკვლა­ვი და­არ­ქვა, სამი "მერ­სე­დე­სი" მა­ინც უნდა ედ­გას სახ­ლთან (იცი­ნის). ქარ­თვე­ლებ­მა სა­ერ­თოდ ვერ გა­ვი­გეთ ამ სი­ტყვის მნიშ­ვნე­ლო­ბა.

- ლუკა ზა­ქა­რი­ა­ძე "სა­ქარ­თვე­ლოს ვარ­სკვლა­ვი" ხმა­თა 75%-ით გახ­და, მახ­სოვს, ასე­თი დიდი სხვა­ო­ბა პირ­ველ და მე­ო­რე ად­გილს შო­რის თქვენ დროს არ ყო­ფი­ლა.

- ჩემ დროს ბევ­რი კარ­გი კონ­კურ­სან­ტი იყო და არა ერთი. ლუკა ზა­ქა­რი­ა­ძე უდა­ვოდ სა­ინ­ტე­რე­სო ადა­მი­ა­ნია, მომ­ღე­რა­ლი არის თუ არა, ჯერ არ ვიცი... ალ­ბათ არის, მაგ­რამ ლუ­კას კა­რი­ე­რა ამ წუ­თი­დან იწყე­ბა. რამ­დე­ნა­დაც ეკ­რა­ნი­დან ვხვდე­ბი, ძა­ლი­ან რთუ­ლი ადა­მი­ა­ნია, მას სე­რი­ო­ზუ­ლი დაკ­ვა­ლი­ა­ნე­ბა სჭირ­დე­ბა კომ­პე­ტენ­ტუ­რი ადა­მი­ა­ნე­ბის­გან. ცოტა დაბ­ნე­უ­ლია, რა­ღაც გა­მოს­დის, რა­ღაც - არა და ძა­ლი­ან რთუ­ლად მარ­თვა­დია. არ ვიცი, რა მუ­სი­კა­ლუ­რი გა­ნათ­ლე­ბა აქვს, მაგ­რამ თუ არა აქვს, თა­ვი­დან უნდა და­ი­წყოს ყვე­ლა­ფე­რი. აუ­ცი­ლებ­ლად უნდა იცო­დეს ჰარ­მო­ნია, კარ­გი ყური აქვს, ში­ნა­გა­ნი ხიბ­ლი, მაგ­რამ ეს უნდა გა­მაგრდეს ცოდ­ნით, სტი­ქი­უ­რად არ ია­როს რა­ღაც აკორ­დებ­ში, და­ახ­ლო­ე­ბით მა­ინც უნდა იცო­დეს, სა­ი­დან სად უნდა გა­და­ვი­დეს, რომ სა­უ­კე­თე­სო შე­დე­გი მი­ი­ღოს. ასე­ვე ბევ­რი სა­მუ­შაო აქვს ხმა­ზე. რაც უნდა ვთქვათ, უცხო­ეთ­ში თვით­ნა­ბა­დი ტა­ლან­ტით იბა­დე­ბი­ა­ნო, ხმას სჭირ­დე­ბა ვარ­ჯი­ში და გამ­ღე­რე­ბა, უნდა ფლობ­დე ხმის ტექ­ნი­კას, რომ თა­ვი­სუფ­ლად იგ­რძნო თავი, ემო­ცი­ით აღე­ბუ­ლი ნოტი ცვდე­ბა და ცოტა ხანს ძლებს.

- "სა­ქარ­თვე­ლოს ვარ­სკვლავ­ში" ვო­კა­ლის­ტე­ბის მუ­შა­ო­ბა ვერ და­ი­ნა­ხეთ?

- ასე მკა­ფი­ოდ ვერ და­ვი­ნა­ხე, თა­ნაც, რთუ­ლად სა­მუ­შაო ბი­ჭია. კას­ტინ­გის პრობ­ლე­მაც და­ვი­ნა­ხე, უნდა ეცა­დო, მაქ­სი­მა­ლუ­რად ძლი­ე­რი ბავ­შვე­ბი აიყ­ვა­ნო, რომ არ იყოს ჩა­ვარ­დნა და არ გყავ­დეს ერთი ძა­ლი­ან კარ­გი და სხვა და­ნარ­ჩე­ნი - ისე რა. რა­ტომ არ იყო ლუკა ზა­ქა­რი­ა­ძე მთა­ვარ ჯგუფ­ში თა­ვი­დან­ვე, ვე­რაფ­რით მივ­ხვდი. მე ძი­რი­თად ჯგუფ­ში მო­ვახ­ვედ­რებ­დი. ის ზურა მო­სი­ა­ვას მა­გო­ნებს, ზურა იყო ასე­თი "და­უ­ვარ­ცხნე­ლი", მაგ­რამ მო­ვე­რი­ეთ. შე­იძ­ლე­ბა, ახლა არ არის მო­დუ­რი "მო­რე­ვა" და კონ­კურ­სან­ტი უნდა მი­უშ­ვა თა­ვის ნე­ბა­ზე, მაგ­რამ ამას ვე­რას­დროს და­ვე­თან­ხმე­ბი. თუ სე­რი­ო­ზუ­ლი პე­და­გო­გი ხარ, უნდა იპო­ვო ის, რაც მნიშ­ვნე­ლო­ვა­ნია მის ქცე­ვა­სა და ხმა­ში და გა­ნა­ვი­თა­რო. ხან­და­ხან თუ გაბ­რაზ­დე­ბი, ამა­შიც ცუდი არა­ფე­რია, სწავ­ლე­ბის პე­რი­ოდ­ში უნდა მო­ე­რიო, თო­რემ ნამ­დვილ ხე­ლო­ვანს ბო­ლომ­დე მა­ინც ვე­რა­ვინ მო­ე­რე­ვა. ნინო ხოშ­ტა­რია "რუს­თა­ვი 2"-ის სა­ხეა, მუ­სი­კათმცოდ­ნე, მაგ­რამ ჟი­უ­რი­ში იჯდა ორი მა­ესტრო, ნი­კო­ლოზ რაჭ­ვე­ლი და ნინო ქა­თა­მა­ძე, მე ვი­სურ­ვებ­დი, მათ მეტი კრი­ტი­კუ­ლი შე­ნიშ­ვნა ჰქო­ნო­დათ. ნინო ძა­ლი­ან თბი­ლი ადა­მი­ა­ნია, ყვე­ლა­ფე­რი მოს­წონს და ყვე­ლა უყ­ვარს, ნი­კაც ძა­ლი­ან და­დე­ბი­თი ადა­მი­ა­ნია, მაგ­რამ მი­ნა­ხავს უამ­რა­ვი ჟი­უ­რის მუ­შა­ო­ბა, მი­ნა­ხავს ნეს­ტე­რენ­კო, ობ­რა­ზცო­ვა ჟი­უ­რი­ში და ისი­ნი საქ­მეს ქება-დი­დე­ბით არ იწყებ­დნენ. ქუ­ლის აწე­ვა ად­ვი­ლია, მაგ­რამ შე­დეგს უფრო მე­ტად ჟი­უ­რის წევ­რის კო­მენ­ტა­რი გაძ­ლევს და ამა­ზე ალ­ბათ პრო­ექ­ტის ავ­ტო­რებს ნა­ფიქ­რი აქვთ. ამი­ტო­მაც კონ­კურ­სანტს აინ­ტე­რე­სებს შე­ნიშ­ვნე­ბი, ანუ რა გა­ა­კე­თოს, რომ იყოს უკე­თე­სი. ასე­თი შე­ნიშ­ვნე­ბი არ მოგ­ვის­მე­ნია. მი­ვიჩ­ნევ, რომ ქება-დი­დე­ბა კარ­გს არა­ფერს მო­ი­ტანს. ჟი­უ­რის გა­უ­მარ­თლა, რომ "სა­ქარ­თვე­ლოს ვარ­სკვლა­ვი" ლუკა გახ­და, მაგ­რამ რომ არ გამ­ხდა­რი­ყო?.. ჟი­უ­რი­ში რომ ზი­ხარ, უნდა მი­აწ­ვდი­ნო ხმა კონ­კურ­სან­ტსაც და მა­ყუ­რე­ბელ­საც. სა­ქარ­თვე­ლო­ში პრო­დი­უ­სერ­თა სკო­ლა არ არ­სე­ბობს, მაგ­რამ მე მა­ინც დავ­სვამ­დი პრო­დი­უ­სე­რებს. სა­კუ­თარ თავ­ზე არ ვლა­პა­რა­კობ, რად­გან ალ­ბათ ჟი­უ­რი­ში არას­დროს აღარ დავ­ჯდე­ბი!..

- რა­ტომ?

- აღ­მოჩ­ნდა, რომ ჩემ­ნა­ი­რი ადა­მი­ა­ნი მა­ვანს და მა­ვანს არ მოს­წონს, თო­რემ ხომ ვიქ­ნე­ბო­დი ჟი­უ­რი­ში? შე­იძ­ლე­ბა გა­ვი­დეს დრო და თქვან, მა­რი­ნა რა კარ­გი ყო­ფი­ლაო, მაგ­რამ ამ ეტაპ­ზე ჟი­უ­რი­ში დაჯ­დო­მის სურ­ვი­ლი ნამ­დვი­ლად არ მაქვს.

- სა­ინ­ტე­რე­სოა, "სა­ქარ­თვე­ლოს ვარ­სკვლა­ვის" რე­პერ­ტუ­არ­ზე რას გვე­ტყვით, საკ­მა­ოდ გან­სხვა­ვე­ბუ­ლი იყო იმის­გან, რა­საც თქვენ აკე­თებ­დით. იყო ბევ­რი როკი...

- რის­თვის ვა­კე­თებთ კონ­კურსს? რომ აღ­მო­ვა­ჩი­ნოთ და გავ­ზარ­დოთ ახალ­გაზ­რდე­ბი. "სა­ქარ­თვე­ლოს ვარ­სკვლავს" კონ­ცერ­ტის სახე ჰქონ­და და არა მუ­შა­ო­ბის. ხალ­ხს ხმა­მა­ღა­ლი სიმ­ღე­რა მოს­წონს. ეს დამ­ღუპ­ვე­ლია სა­სიმ­ღე­რო კულ­ტუ­რის­თვის. რო­დე­საც დარ­ბა­ზი კი­ვის, ის კი­ვის ხმა­მა­ღალ ნოტ­ზე და გა­უ­თა­ვე­ბელ ხა­ვილ­ზე. არაფ­რით არ შე­იძ­ლე­ბა, პირ­ვე­ლი ან მე­ო­რე ტური იყოს დუ­ე­ტი შემ­დგარ მომ­ღე­რალ­თან. ამას იმი­ტომ აკე­თებ, რომ პრო­ექტს რე­ი­ტინ­გი ჰქონ­დეს, მაგ­რამ მა­ნა­ნა ვე­კუა, რო­მე­ლიც ფეხ­ბურთს თა­მა­შობ­და და სა­ერ­თოდ არ უმ­ღე­რია, რო­გორ შე­იძ­ლე­ბა და­ა­ყე­ნო ისეთ მომ­ღე­რალ­თან ერ­თად, რო­გო­რიც ნატო მე­ტო­ნი­ძეა?!. თან, რა სიმ­ღე­რას ამ­ღე­რებ, რეზო ლა­ღი­ძის "გან­თი­ადს"? და რომ და­ას­რუ­ლებს სიმ­ღე­რას, უნდა თქვა, რომ ეს იყო არაჩ­ვე­უ­ლებ­რი­ვი?.. არაჩ­ვე­უ­ლებ­რი­ვი არის მო­ცარ­ტი, ბე­თჰო­ვე­ნი არის ბუმ­ბე­რა­ზი. არ შე­იძ­ლე­ბა, ერთ გა­და­ცე­მა­ში 200-ჯერ მო­ვის­მი­ნო სი­ტყვა არაჩ­ვე­უ­ლებ­რი­ვი. შე­გიძ­ლია თქვა, რომ კარ­გი იყო. არაჩ­ვე­უ­ლებ­რი­ვი ჩემ­თვის ნატო მე­ტო­ნი­ძეა. დუ­ე­ტი ცოტა მერე უნდა შედ­გეს, როცა კონ­კურ­სან­ტი გარ­კვე­ულ პრაქ­ტი­კას მი­ი­ღებს. არ ვიცი, რო­მე­ლი პე­და­გო­გე­ბი მუ­შა­ობ­დნენ "სა­ქარ­თვე­ლოს ვარ­სკვლავ­ზე", მაგ­რამ ჩვე­ნი მუ­შა­ო­ბის დროს ჩვე­ნი სეგ­მენტ-პრო­დი­უ­სე­რი მათ, ვინც ინ­გლი­სუ­რი არ იცო­და, სტრი­ქონ-სტრი­ქონ უთარ­გმნი­და ყვე­ლა ფრა­ზას. აუ­ცი­ლე­ბე­ლია, კონ­კურ­სან­ტმა გა­ი­თა­ვი­სოს, რაზე მღე­რის. აქ იყო ორი მო­მენ­ტი, არე­უ­ლი სი­ტუ­ა­ცია და ტე­ლე­ვი­ზი­ის­თვის ცუდი პე­რი­ო­დი, გარ­და ამი­სა, რე­ი­ტინ­გი სჭირ­დე­ბო­დათ, რო­მელ­საც პო­პუ­ლა­რუ­ლი სა­ხის გა­მო­ჩე­ნა უზ­რუნ­ველ­ყოფს. ის სა­ზი­ზღა­რი მა­რი­ნა ბე­რი­ძე არ არის და მოდი, ახლა გა­ნუ­წყვეტ­ლივ ვა­ქოთ ჩვე­ნი ბავ­შვე­ბი და ვუ­თხრათ, - შენ­ნა­ი­რი არას­დროს მი­ნა­ხავს, არ მო­მის­მე­ნია. ვერ და­ვი­ჯე­რებ, რომ ამ კო­რი­ფე­ებს უკე­თე­სი არა­ფე­რი მო­უს­მე­ნი­ათ. მე მა­ინც მგო­ნია, მიხ­ვდე­ბი­ან, რომ სხვა გზით უნდა წა­ვიდ­ნენ. უფრო მეტი ქარ­თუ­ლი სიმ­ღე­რა უნდა იყოს, ასე­ვე უნდა ეცა­დონ, ნაკ­ლე­ბი როკი იყოს. როკი სუ­ლის მდგო­მა­რე­ო­ბა და პრო­ტეს­ტია, თუკი ვო­კა­ლუ­რად არ ხარ მომ­ზა­დე­ბუ­ლი, ვე­რა­ნა­ირ პრო­ტესტს ვერ ამო­ი­ღებ გუ­ლი­დან, ამი­ტომ გა­მო­ვა ხა­ვი­ლი.

მე და ნი­კო­ლოზ რაჭ­ველს იდენ­ტუ­რი გე­მოვ­ნე­ბა გვაქვს. სხვა ქვე­ყა­ნა­ში რომ უს­მენ­დეს რა­ღა­ცას და მე აქ, ვიგ­რძნობთ ერ­თმა­ნეთს. ალ­ბათ მი­ზე­ზი ისიც იყო, რომ პრო­ექ­ტი დაჩ­ქა­რე­ბუ­ლად მომ­ზად­და. "სა­ქარ­თვე­ლოს ვარ­სკვლა­ვი" ბევ­რად სხვა­ნა­ი­რი უნდა ყო­ფი­ლი­ყო, ვიდ­რე "ჯე­ოს­ტა­რი". მა­შინ რა­ტომ ჩა­ე­ნაც­ვლა "ჯე­ოს­ტარს"? მე დიდი გან­სხვა­ვე­ბა ვერ და­ვი­ნა­ხე და სი­მარ­თლე გი­თხრათ, დღემ­დე ვერ მივ­ხვდი, რა­ტომ ჩა­ე­ნაც­ვლა, მაგ­რამ ეს სხვა სა­კი­თხია.

- "ახალ ხმა­ზეც" ვი­სა­უბ­როთ. ფაქ­ტია, რომ ბოლო დროს "ჯე­ოს­ტარ­ზე" და ახ­ლაც, "სა­ქარ­თვე­ლოს ვარ­სკვლავ­ში" არ მი­სუ­ლა ამ­დე­ნი კარ­გი კონ­კურ­სან­ტი. თქვე­ნი ხომ არ ეში­ნო­დათ?

- ვერ გე­ტყვით. ახ­ლაც არ ვი­ყა­ვი "სა­ქარ­თვე­ლოს ვარ­სკვლავ­ზე" და მა­ინც არ მი­ვიდ­ნენ. "ახა­ლი ხმის" კას­ტინ­გი, რამ­დე­ნა­დაც მე ვიცი, მი­ნუს-ფო­ნოგ­რა­მით ჩა­ტარ­და, ანუ ფო­ნოგ­რა­მა ჰქონ­დათ და უფრო ად­ვი­ლი იქ­ნე­ბო­და მომ­ღერ­ლის­თვის შეს­რუ­ლე­ბა. ასეთ დროს ად­ვი­ლია არ­ჩე­ვა, "ჯე­ოს­ტარ­ში" მშრა­ლი კას­ტინ­გი იყო, რო­ი­ა­ლის, გი­ტა­რის, ფო­ნოგ­რა­მის გა­რე­შე. ბევ­რი მოქ­მე­დი და კარ­გი მომ­ღე­რა­ლი ვერ იმ­ღე­რებს ასე მშრა­ლად. თა­ნაც, მე ხომ ვი­ქე­ქე­ბო­დი, კონ­კურ­სანტს ბევრ რა­მეს ვამ­ღე­რებ­დი. "ახა­ლი ხმა" ჩემ­თვის ძა­ლი­ან სა­ინ­ტე­რე­სო პრო­ექ­ტია, კარ­გი გუნ­დი შე­იკ­რა. იმა­საც მივ­ხვდით, რომ პე­და­გო­გე­ბი არ­სე­ბო­ბენ და მუ­შა­ო­ბენ, უბ­რა­ლოდ, ზოგი მუ­შა­ობს ინ­დი­ვი­დუ­ა­ლუ­რო­ბის ხაზ­გას­მა­ზე, ზო­გიც კო­პი­რე­ბის გზით მი­დის. დიდი ხა­ნია, პე­და­გო­გად აღარ ვმუ­შა­ობ, მაგ­რამ მიყ­ვარს ინ­დი­ვი­დუ­ა­ლიზ­მის ხაზ­გას­მა, მიყ­ვარს ვერ­სია, რად­გან ძა­ლი­ან ბევ­რი ვერ­სია მაქვს გა­კე­თე­ბუ­ლი, მარ­ტო ყან­ჩე­ლის პრო­ექ­ტი მე­ყო­ფა მთე­ლი ცხოვ­რე­ბა. "ახალ ხმა­ში" კი მგო­ნია, ად­ვი­ლი გზით წა­ვიდ­ნენ, მო­გე­ცი დის­კი, მო­უს­მი­ნე, გა­ი­ა­რე რე­პე­ტი­ცია და გადი სცე­ნა­ზე. იმას, რა­საც ჩვენ ვა­კე­თებ­დით, პე­და­გო­გის 8-სა­ა­თი­ა­ნი მუ­შა­ო­ბა სჭირ­დე­ბა თი­თო­ე­ულ კონ­კურ­სან­ტთან. მას სიმ­ღე­რა იმის მი­ხედ­ვით კი არ უნდა შე­ურ­ჩიო, რო­მელ ნოტს რო­გორ იღებს, არა­მედ კარ­გად უნდა გა­იც­ნო და მისი ხა­სი­ა­თიც უნდა იცო­დე. "ახალ ხმა­ში" კი, ჩემი აზ­რით, მთა­ვა­რი ის იყო, ვინ უფრო მა­ღალ ნოტს აი­ღებ­და.

- ამა­ზე ბევ­რი დის­კუ­სია იმა­რთე­ბო­და, ზო­გი­ერ­თი ინ­ტერ­ნეტ­მომ­ხმა­რე­ბე­ლი ამ­ბობ­და, ვინც უკე­თე­სად იყ­ვი­რებს, ის გა­ი­მარ­ჯვებ­სო...

- რა­ტომ ხდე­ბა ისე, რომ, ესტრა­დის წარ­მო­მად­გენ­ლებს არ ვგუ­ლის­ხმობ, ჩვენს მომ­ღერ­ლებს სა­ზღვარ­გა­რეთ ძა­ლი­ან აფა­სე­ბენ? იმი­ტომ, რომ ქარ­თველს ხმა­ში სხვა­ნა­ი­რი სით­ბო აქვს, რო­მე­ლიც ყვე­ლას აგი­ჟებს და მთელ მსოფ­ლი­ო­ში ამი­სი დე­ფი­ცი­ტია. ვე­რა­ნა­ი­რი მა­ღა­ლი ნო­ტით ვე­რა­ვის გა­აკ­ვირ­ვებ, მით უმე­ტეს, თუკი ამის წინ ორ მო­დუ­ლა­ცი­ას აკე­თებ და მერე უს­ვამ მა­ღალ ნოტს, რისი შეს­რუ­ლე­ბის დრო­საც კონ­კურ­სანტს გლან­დე­ბი უვარ­დე­ბა. ეს ძა­ლი­ან ცუ­დია. რამ­დენ ხანს გაძ­ლებს და რამ­დენ ხანს აი­ღებს ამ ნოტს?

- გა­მარ­ჯვე­ბულ­ზე მინ­და გკი­თ­ხოთ, სა­ლო­მე ქა­თა­მა­ძე სწო­რე­დაც რომ მა­ღალ ნო­ტებს იღებ­და...

- დათო ფორჩხი­ძე მიხ­ვდა იმას, რომ დარ­ბა­ზი ინ­გრე­ო­და ამ მა­ღა­ლი ნო­ტე­ბის დროს. ყვე­ლამ თა­ვი­სი თავი წარ­მო­ა­ჩი­ნა და მუ­სი­კა­ზე ნაკ­ლე­ბად ფიქ­რობ­დნენ. ძა­ლი­ან მო­მე­წო­ნა სტე­ფა­ნე­სა და მაოს ნა­მუ­შე­ვა­რი, რად­გან ისი­ნი ფიქ­რობ­დნენ მუ­სი­კა­ზე, მე­რა­ბი ცდი­ლობ­და ასე­ვე ძა­ლი­ან. მეს­მის დათო ფორჩხი­ძის, ძა­ლი­ან დიდი ხა­ნია, ეკ­რან­ზე აღარ გა­მო­ჩე­ნი­ლა. მწვრთნე­ლის­თვის რთუ­ლია, როცა ხვდე­ბი, რომ შენს კონ­კურ­სანტს აქვს მა­ღა­ლი ნოტი და არ გინ­და, ამას გა­ექ­ცე, გინ­დე­ბა, რომ მას ეს ნოტი აა­ღე­ბი­ნო, მაგ­რამ იქამ­დე უნდა მიხ­ვი­დე. მე, რო­გორც მსმე­ნელს, აუ­ცი­ლებ­ლად უნდა გა­მაჟ­რი­ა­ლოს, რაც ამ შემ­თხვე­ვა­ში არ ყო­ფი­ლა. ჩემ­თვის ასე­თი იყო იო, რო­მელ­მაც კარ­გი მუ­სი­კა მო­ი­ტა­ნა, ასე­ვე ლაშა თო­ფუ­რია, რო­მე­ლიც ძა­ლი­ან მო­მე­წო­ნა, მაგ­და ვა­სა­ძეც იღებს მა­ღალ ნო­ტებს, მაგ­რამ ის გო­ნი­ე­რი მომ­ღე­რა­ლია, მის თვალ­ში ვხე­დავ იმ ნოტს და არა ყელ­ში. მაგ­და სხვა ტი­პა­ჟია, მთლი­ა­ნად მომ­წონს, ხა­რის­ხი­ა­ნი ქა­ლია და არა გოგო, გო­გოს შთა­ბეჭ­დი­ლე­ბას არ ტო­ვებს და მის სულ­ში რა­ღა­ცე­ბი ხდე­ბა, როცა ამ მა­ღალ ნოტს იღებს. ეკა დო­ლი­ძის და­კარ­გვა რო­გორ შე­იძ­ლე­ბო­და?!. პირ­და­პირ ვე­ტყვი დათო ფორჩხი­ძეს, სა­დაც ვნა­ხავ, რომ არ უნდა და­ე­ყე­ნე­ბი­ნა სა­ლო­მე ქა­თა­მა­ძეს­თან ერ­თად. ვტი­რო­დი, ეკა ჩე­მამ­დე რა­ტომ არას­დროს მო­ვი­და-მეთ­ქი.

- ალ­ბათ ეში­ნო­და...

- არ არ­სე­ბობს, ვცემ­დი ვინ­მეს თუ რას ვა­კე­თებ­დი?

- ეკას შემ­თხვე­ვა მარ­თლაც სა­ინ­ტე­რე­სო იყო, რად­გან მხო­ლოდ ერთი მწვრთნე­ლი შე­მო­უტ­რი­ალ­და.

- ვერ მიხ­ვდნენ. სა­ოც­რე­ბა იყო!.. შე­იძ­ლე­ბა, იქ ჯდო­მა სა­ნერ­ვი­უ­ლოა, ფიქ­რობ, მიტ­რი­ალ­დე თუ არა, მაგ­რამ დათო ხომ შე­მო­უტ­რი­ალ­და ეკას და რო­გორ და­კარ­გა ეს გოგო? სა­ლო­მეს­თან ეკას და­ყე­ნე­ბით მან ითა­მა­შა მა­ყუ­რე­ბელ­ზე, თა­ვის­თვის და­ი­წე­რა პლუ­სი, რად­გან არაჩ­ვე­უ­ლებ­რი­ვი ნო­მე­რი გა­მო­ვი­და, მაგ­რამ ნომ­რის იქით ხომ არის კი­დევ რა­ღაც? თა­ო­ბა ხომ უნდა გა­ი­ზარ­დოს? მოდი, პირ­და­პირ ვთქვათ, მწვრთნე­ლებს ჰყავ­დათ სხვა­დას­ხვა გუნ­დი, მათ შო­რის პა­ექ­რო­ბა უნდა ყო­ფი­ლი­ყო, შენ შენი უნდა გა­ი­ტა­ნო არა უაზ­როდ, არა­მედ არ­გუ­მენ­ტი­რე­ბუ­ლად. არ შე­იძ­ლე­ბა ამ ფრა­ზის მოს­მე­ნა ყვე­ლა ჯერ­ზე - მისი ფანი ვარ და და­უ­მე­სი­ჯეთ ამ კონ­კურ­სანტსო. ყვე­ლა­ზე ერ­თსა და იმა­ვეს რო­გორ უნდა ამ­ბობ­დე? ჩემი ჯო­ბია იმი­ტომ, რომ უკე­თე­სად აიღო ნოტი, უკე­თე­სად იმ­ღე­რა, იმი­ტომ კი არა, რომ ჩე­მია, უბ­რა­ლოდ, უფრო უკე­თე­სად აკე­თებს, ვიდ­რე სხვა მწვრთნე­ლის. რა­ტომ არ ჰქონ­და ამ პრო­ექტს მა­ღა­ლი რე­ი­ტინ­გი? ამი­ტომ!.. ეს არ იყო შე­ჯიბ­რე­ბა. გა­გი­ჟე­ბით უყ­ვარ­დათ ერ­თმა­ნე­თის კონ­კურ­სან­ტე­ბი, არა­და, ვის ატყუ­ებ?!. ეში­ნი­ათ იმის, რომ მე­ო­რე დღეს, "ფე­ის­ბუქს" რომ გახ­სნი­ან, დახ­ვდე­ბათ ლან­ძღვა. რამ­დე­ნიც ჩემ­ზე სა­ში­ნე­ლე­ბე­ბი უწე­რი­ათ, იმ­დე­ნი არა­ვის­ზე და­უ­წე­რი­ათ, მაგ­რამ არც კი გა­და­მიშ­ლია.

- შე­იძ­ლე­ბა ით­ქვას, რომ რა­დ­გან "ახალ ხმა­ში" ბევ­რი კარ­გი კონ­კურ­სან­ტი იყო, ფი­ნა­ლუ­რი ოთხე­უ­ლი სა­მარ­თლი­ა­ნად არ და­კომ­პლექტდა?

- დიახ, ფი­ნალ­ში უნდა ყო­ფი­ლი­ყო ეკა დო­ლი­ძე, იო, ნუ ჩა­მო­მათ­ვლე­ვი­ნებ ყვე­ლას (იცი­ნის), სა­ლო­მე ქა­თა­მა­ძეც უნდა ყო­ფი­ლი­ყო და ნინი ცნო­ბი­ლა­ძეც, მაგ­და ვა­სა­ძეც. ბო­ლოს­კენ სიჭ­რე­ლე უნდა ყო­ფი­ლი­ყო. მე ვიცი, რო­გორ მუ­შა­ობ­დნენ სტე­ფა­ნე და მაო. მე­რა­ბი მო­რი­დე­ბუ­ლი ადა­მი­ა­ნია. მან თა­ვის კონ­ცერ­ტზე უნდა გა­ავ­სოს დარ­ბა­ზი და ამი­ტო­მაც ვერ გახ­დე­ბა მა­რი­ნა ბე­რი­ძე. კი­დევ ერთხელ ვი­მე­ო­რებ, რომ ჟი­უ­რი­ში უნდა იყ­ვნენ პრო­დი­უ­სე­რე­ბი.

- ცნო­ბი­ლი სა­ხე­ე­ბი უნდა მო­ნა­წი­ლე­ობ­დნენ კონ­კურ­სებ­ში?

- არ ვიცი, რო­გო­რი წეს­დე­ბა აქვს "ახალ ხმას", მაგ­რამ როცა ცნო­ბი­ლი სახე აგ­ყავს, უც­ნო­ბი კონ­კურ­სან­ტი არა­თა­ნა­ბარ მდგო­მა­რე­ო­ბა­შია. ერ­თა­დერ­თი ცნო­ბი­ლი სახე "ჯე­ოს­ტარ­ში" ნო­დი­კო ტა­ტიშ­ვი­ლი იყო და ამა­ზე ძა­ლი­ან ვნერ­ვი­უ­ლობ­დი, მაგ­რამ მასა და ვაჟა მა­ნი­ას შო­რის ფი­ნა­ლის დროს ვერ იტყო­დი, რო­მე­ლი იყო უკე­თე­სი. ამას დღე­საც ვერ გე­ტყვით. თუკი ნო­დი­კო მოგ­წონ­და, მა­შინ ვაჟა არ მოგ­წონ­და და პი­რი­ქით. ეს არის "ექ­შე­ნი", შე­ჯიბ­რე­ბის არსი ეს არის. რო­მე­ლი რო­გორ ნოტს აი­ღებს, ეს არ არის მთა­ვა­რი. ნატო მე­ტო­ნი­ძის კი­ვი­ლი ვინ­მეს გა­უ­გია ან ნანი ბრეგ­ვა­ძის?

- თუმ­ცა მა­ღა­ლი ნო­ტე­ბი დღეს აქ­ტუ­ა­ლუ­რი ყო­ფი­ლა...

- ეს ქარ­თულ ბუ­ნე­ბას არ შე­ე­ფე­რე­ბა. შე­იძ­ლე­ბა აიღო მა­ღა­ლი ნოტი, მაგ­რამ ერთხელ, რად­გან მა­შინ აქვს მას თა­ვი­სი ხიბ­ლი. იცი, რამ­დე­ნი რამ იყო ჟი­უ­რის­გან სათ­ქმე­ლი? თუნ­დაც მო­ფე­რე­ბით. ახლა ძა­ლი­ან მა­ში­ნებს სა­ბავ­შვო "ახა­ლი ხმა", რად­გან 8-დან 14 წლამ­დეა. რაც უნდა წე­რონ ჩემ­ზე, ამ ქალ­მა არა­ფე­რი იცი­სო, მე ხომ ვიცი, რომ სა­ქარ­თვე­ლო­ში ბავ­შვებს ხმის მუ­ტა­ცია ადრე ეწყე­ბათ. თუ ისევ იმ ეფექ­ტით წავ­ლენ, რომ ბავ­შვებ­მა აი­ღონ მა­ღა­ლი ნო­ტე­ბი, ეს და­უშ­ვე­ბე­ლია. სა­ლო­მე ქა­თა­მა­ძეს, სხვა­თა შო­რის, ბო­ლოს "ანა-ბა­ნე­ლე­ბი" ედგნენ და გული დამ­წყდა, არა­ვის უთ­ქვამს, ეს ბავ­შვე­ბი ჩვენ რომ გავ­ზარ­დეთ. იმ ბავ­შვე­ბი­დან, მა­გა­ლი­თად, რე­ზი­კოს რომ ამ­ღე­რონ მა­ღა­ლი ნო­ტე­ბი, აუ­ცი­ლებ­ლად დავ­წერ ყვე­ლა ჟურ­ნალ­სა და გა­ზეთ­ში, თა­ო­ბა და­ი­ღუ­პე­ბა. მე ვიცი, რომ "ახალ ხმა­ში" სა­ბავ­შვო რე­პერ­ტუ­ა­რი არ იქ­ნე­ბა, რაც ასე­ვე მი­უ­ღე­ბე­ლია. თა­ვის დრო­ზე "ანა-ბანა" იმი­ტომ და­ვი­წყე, რომ მო­მეს­პო ტრა­დი­ცია, ტაფ­ტის კა­ბა­ში გა­მო­წყო­ბი­ლი ბავ­შვე­ბი რომ გა­მოჰ­ყავ­დათ, თვა­ლებ­ზე "სტრელ­კე­ბით", სი­ლა­მა­ზის სა­ლო­ნებ­ში და­ვარ­ცხნი­ლი თმით. ბავ­შვმა უნდა მი­ი­ღოს სი­ა­მოვ­ნე­ბა სიმ­ღე­რით და ითა­მა­შოს. რო­გორც კი ჩვენ და­ვა­ბე­რებთ ბავ­შვებს, მი­ვი­ღებთ იმას, რომ თა­ო­ბა არ გვე­ყო­ლე­ბა და მათ აუ­ცი­ლებ­ლად გა­უ­ფუჭ­დე­ბათ ხმე­ბი. ამის­თვის რო­ბერ­ტი­ნო ლო­რე­ტის მა­გა­ლი­თიც კმა­რა. ჩვენ "ანა-ბა­ნა­ში" 11 წლამ­დე ბავ­შვებს ვი­ღებ­დით და გა­მო­ნაკ­ლი­სის სა­ხით 12 წლამ­დეც. მეხ­ვე­წე­ბოდ­ნენ "რუს­თა­ვი 2"-ში, გა­მე­კე­თე­ბი­ნა "ჯე­ოს­ტა­რი ჯუ­ნი­ო­რი". კი ამ­ბო­ბენ, ცუდი ქა­ლი­აო, მაგ­რამ ბავ­შვს ვერ მი­ვა­ყე­ნებ ასეთ ტრავ­მას. "ახალ ხმა­ში" ჯერ მო­უტ­რი­ალ­დე­ბა თუ არა რო­მე­ლი­მე მწვრთნე­ლი, იმა­ზე უნდა ინერ­ვი­უ­ლონ და მერე მუ­სი­კა­ლურ რინგზე გა­აგ­დე­ბენ თუ არა. იქ­ნე­ბა დე­დე­ბის მი­ვარ­დნა, წი­ვი­ლი, ბავ­შვის კი­ვი­ლი. ვინ დაჯ­დე­ბა ჟი­უ­რი­ში და ვინ ეტყვის ბავ­შვს, არ ვარ­გი­ხა­რო, არ ვიცი. თუ ისევ მო­ე­ფე­რე­ბი­ან, იმა­საც ვერ გა­ი­გე­ბენ, რა­ტომ აგ­დე­ბენ, რად­გან "ახალ ხმა­ში" ასე გა­მო­ვი­და, ასე­თი კარ­გი ხარ, ისე­თი კარ­გი ხარ, მაგ­რამ უნდა წახ­ვი­დეო. მწვრთნე­ლი რომ ხარ და თა­ვად მუ­შა­ობ კონ­კურ­სან­ტთან, არ იცი წი­ნას­წარ, შე­ნი­ვე გუნდში რო­მე­ლია უკე­თე­სი? არ გვინ­და ეს ტან­ჯვა და ცრემ­ლე­ბის გად­მოყ­რა ტე­ლე­ე­თერ­ში, ის­ტე­რი­კა, ვა­ი­მე, რო­მე­ლი ავირ­ჩი­ოო. შენ მუ­შა­ობ და შენ­ვე იცი. რა­ტომ აკე­თებ ამას? კარ­გი გინ­და გა­მოხ­ვი­დე?

- სა­ბო­ლო­ოდ, ასეც გა­მო­ვი­და...

- ამი­ტომ, უჩე­მოდ (იღი­მის). ჟი­უ­რი­ში რომ დავ­ჯდე, აუ­ცი­ლებ­ლად ჩემს ჭკუ­ა­ზე უნდა ვიყო, ჩემი პი­რო­ბე­ბით. ძა­ლი­ან ცუდ რა­მეს ვამ­ბობ, "ფე­ის­ბუქ­ზე" ერთი ამ­ბა­ვი ატყდა, რო­გორ შეც­ვა­ლა ნა­ნუ­კა ჟორ­ჟო­ლი­ა­ნი "ცეკ­ვა­ვენ ვარ­სკვლა­ვებ­შიო". რა, ნა­ნუ­კა ჟორ­ჟო­ლი­ა­ნი მაია პლი­სეც­კა­ი­აა? მო­ცეკ­ვა­ვე არ შე­მიც­ვლია, ჟურ­ნა­ლის­ტი შევ­ცვა­ლე და ჟურ­ნა­ლის­ტი­კა­სა და ცეკ­ვას შო­რის უფრო დიდი გან­სხვა­ვე­ბაა, ვიდ­რე მუ­სი­კა­სა და ცეკ­ვას შო­რის. ეს გა­ურ­კვე­ვე­ლი ბოღ­მაა ჩემ მი­მართ, ე.ი. ვი­ღა­ცას ძა­ლი­ან არ ვუნ­დი­ვარ, რად­გან "ჯე­ოს­ტარ­ზე" ამ­ბობ­დნენ, ბო­რო­ტი რა­ტომ იყოო და "ცეკ­ვა­ვენ ვარ­სკვლა­ვებ­ზე" კე­თი­ლი რა­ტომ გახ­დაო. რა გა­ვა­კე­თო?!.

ნინო მურ­ღუ­ლია

ჟურ­ნა­ლი "რე­ი­ტინ­გი"

(გა­მო­დის ორ­შა­ბა­თო­ბით)