სტიქიით დაზარალებულებმა საავტომობილო გზა გადაკეტეს

ლაგოდეხის მუნიციპალიტეტის სტიქიით დაზარალებულმა მოსახლეობამ პროტესტის ნიშნად გურჯაანი-ლაგოდეხის საავტომობილო გზა გადაკეტა. დაზარალებულები კომპენსაციის არათანაბარი რაოდენობით მიღებას აპროტესტებენ. მათი თქმით, ზარალის დამთვლელმა, სპეციალურმა კომისიამ ცუდად იმუშავა და მოსახლეობამ ზარალთან შეუსაბამო  თანხები მიიღო. აქციის მონაწილეთა შორის არიან ადამიანები, რომლებიც საერთოდ ვერ მოხვდნენ დაზარალებულთა სიებში. ისინი აცხადებენ, რომ "მათი კუთვნილი ფული კომისიის წევრებმა თავად მოიხმარეს".

მოსახლეობის ნაწილი ახალ მთავრობას ბრალდებებს უყენებს, ნაწილი კი თვლის, რომ სპეციალური კომისიის უკან "ნაციონალური მოძრაობა" დგას და სწორედ მათი მიზანია, ახლადარჩეული კოალიციის და მისი ლიდერის მისამართით მოსახლეობის აღშფოთება და უკმაყოფილება გამოიწვიონ.

სრული ვერსია

რადიო "ჰერეთი"