მნიშვნელოვანი ინფორმაცია
18
ივლისიდღის ზოგადი ასტროლოგიური პროგნოზი
პარასკევი, მთვარის ოცდამეოთხე დღე დაიწყება 00:07-ზე. მთვარე კუროში გადავა 11:57-ზე –
ხელსაყრელია საძირკვლის ჩაყრა, ბიზნესის დაწყება და სახლის მშენებლობის ან რემონტის დაწყება. გაუმკლავდეთ ფულთან დაკავშირებულ საკითხებს. განიხილეთ მიმდინარე საქმეები. კარგია არქივთან მუშაობა. დაასრულეთ მნიშვნელოვანი პროექტები. დაიწყეთ მნიშვნელოვანი საქმეები. გააძლიერეთ თქვენი ფინანსური მდგომარეობა. დაიწყეთ რემონტი. იყიდეთ უძრავი ქონება. დღე იდეალურია ოჯახის შესაქმნელად. განსაკუთრებით თუ წყვილი ბევრ შვილზე ოცნებობს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ მოხვდა ანიტა რაჭველიშვილი მარია კალასის პიანისტთან
23:15 / 26-01-2013
მიუხედავად იმისა, რომ საოპერო მომღერლები კარიერულ წინსვლას საკმაოდ გვიან იწყებენ, 28 წლის ანიტა რაჭველიშვილმა უკვე მსოფლიოს მრავალი საოპერო სცენის დაპყრობა შეძლო. მისი ცხოვრება კონკიას ზღაპარს ჰგავს - საკმაოდ რთული და ღარიბი ბავშვობა ჰქონდა, მაგრამ დღესდღეობით მსოფლიოში აღიარებული ვარსკვლავია და არც შემოსავალს უჩივის... რა "აიძულებთ" უცხოელებს, ანიტას რთულად წარმოსათქმელი გვარი გამართულად თქვან და ვინ არის ანიტას მეუღლე - ამის შესახებ მომღერალი მოგვითხრობს...
- ამბობთ, რომ რთული ბავშვობა გქონდათ. იმ წლებს როგორ გაიხსენებთ?
- როგორც ჩემი თაობის საქართველოს თითქმის ყველა მცხოვრებს, ბავშვობა მეც ნამდვილად რთული მქონდა. ეს სწორედ იმ საშინელ პერიოდს დაემთხვა, როცა არც ელექტროენერგია, არც წყალი, არც გათბობა და საკვებიც კი არ გვქონდა... ოჯახს ძალიან უჭირდა, მძიმე წლები გამოვიარეთ. ლუკმა-პურისთვის უკანასკნელი ნივთები გავიტანეთ სახლიდან და გავყიდეთ... მახსოვს, ზამთარში ზაფხულის ღია ფეხსაცმლით დავდიოდი, ოჯახს არ ჰქონდა საშუალება, თბილი ფეხსაცმელი ეყიდა. იმ წლების გახსენებაც კი ძალიან მძიმეა. მადლობა უფალს, ეს ყველაფერი დასრულდა და ცხოვრების პირობებიც შეიცვალა!..
- დედა და მამა ხელოვანები არიან. თქვენი მომავალი კარიერა მშობლების თხოვნამ ან მოთხოვნამ განსაზღვრა თუ ეს თქვენი სურვილი და მოწოდება იყო?
- დიახ, დედაც და მამაც მუსიკოსები არიან. დედა ჯერ კლასიკურ ბალეტს, შემდეგ კი, წლების მანძილზე, ქართულ ტრადიციულ ცეკვებს ასრულებდა და მღეროდა. მამა გიტარისტი და კომპოზიტორი იყო, თავისი ჯგუფი ჰყავდა. სწორედ ამ ჯგუფში გაიცნო დედა და მალევე შეუღლდნენ. სამწუხაროდ, სიდუხჭირის გამო ორივეს პროფესიის შეცვლა მოუხდა.
- რამდენი წლის იყავით, როცა იტალიაში წახვედით?
- კონსერვატორიაში ვსწავლობდი, როცა ჩემმა აწ გარდაცვლილმა პედაგოგმა მანანა ეგაძემ გადაწყვიტა, რომ სწავლა აუცილებლად იტალიაში უნდა გამეგრძელებინა. ქალბატონი მანანა უკურნებელი სენით გახლდათ დაავადებული და სურდა, იტალიაში რაც შეიძლება სწრაფად წავსულიყავი. უნდოდა, ბოლომდე მასთან მემეცადინა, ამბობდა, - სხვა პედაგოგი შენს ხმას ვერ აღმოაჩენსო. მისი და ჩემი მშობლების დახმარებით 2007 წელს მილანში, ლა-სკალას აკადემიის მისაღებ კონკურსზე გავემგზავრე. კონკურსში სულ 400 ადამიანი მონაწილეობდა და მხოლოდ 9 აირჩიეს. მათ შორის ერთადერთი ქართველი გახლდით. უზომოდ გახარებული ვიყავი, ვხვდებოდი, რომ ამით ჩემი ცხოვრების უმნიშვნელოვანესი ეტაპი იწყებოდა...
- ოპერის მომღერლები ძალიან რთულად წყვეტენ დაოჯახების საკითხს. თქვენს შემთხვევაში ასე არ მოხდა. თან, თქვენი მეუღლეც ტენორია...
- მართალია. ბევრი მომღერალი რთულად იღებს ამ გადაწყვეტილებას. რა თქმა უნდა, ადვილი არ არის დაქორწინება, როცა გამუდმებულ მოგზაურობაშიsalesland.ge - ფასდაკლებებისsalesland.ge - ფასდაკლებების სამყარო! სამყარო! ხარ, მაგრამ ჩემს შემთხვევაში ასე ვერ იქნებოდა. პირველ რიგში იმიტომ, რომ ჩემს მეუღლეს ჯერ კიდევ კარიერის დაწყებამდე შევხვდი. ლა-სკალას აკადემიაში 2 წელი ერთად ვსწავლობდით და ძალიან დავმეგობრდით. აკადემიაში სწავლის ბოლო თვეებში ეს მეგობრობა სიყვარულში გადაიზარდა და ერთად ცხოვრება დავიწყეთ. აკადემიის დამთავრებიდან რამდენიმე თვეში დავქორწინდით. არაჩვეულებრივი ადამიანია, პირველ რიგში, ჩვენ მეგობრობა გვაკავშირებს. ორი მომღერლის ერთად ცხოვრება მართლაც რთულია, რადგან ხშირად ერთმანეთისგან შორს ვართ, ზოგჯერ განშორება კვირების მანძილზე გრძელდება. თუმცა, მეორე მხრივ, მარტივია, რადგან არაჩვეულებრივად გვესმის ერთმანეთის. ორივემ კარგად ვიცით ამ პროფესიის სირთულე და ერთმანეთს ძალიან ვეხმარებით. ვფიქრობ, მთავარიც ეს არის. როგორც კი თავისუფალი დრო გამოგვიჩნდება, მაშინვე ერთმანეთთან მივფრინავთ. ახლა ის ბაზელში ვერდის "ბალ-მასკარადში" მღერის. აპრილში მივფრინავ იაპონიაში 2 კვირით, ვერდის "რეკვიემის" შესასრულებლად და შემდეგ უკვე ის მომყვება, რადგან ამ დროს თავისუფალია... ძალიან თბილი, წარმოუდგენლად განათლებული, ნამდვილი იტალიელი მამაკაცი გახლავთ.
- მარია კალასის პიანისტთან როგორ აღმოჩნდით?
- მასთან ლა-სკალას თეატრის დახმარებით მოვხვდი. 2009 წელს, პრემიერის წინ პარიზში თეატრმა გამგზავნა კარმენის მოსამზადებლად.
- ოპერის მომღერლები კარიერას საკმაოდ გვიან იწყებენ. თქვენ კი 25 წლისამ ლა-სკალას სეზონი გახსენით. როგორ მიგაჩნიათ - ეს უფრო შრომის შედეგი იყო თუ თვითნაბადი და დიდი ენერგეტიკის მქონე ხმის?
- ჩემს შემთხვევაში, ეს, პირველ რიგში, აკადემიაში სწავლის პერიოდში უდიდეს შრომას უკავშირდება. შემდეგ იღბალს გამოვყოფდი, რომელიც ვფიქრობ, უდავოდ დიდ როლს ასრულებს ნებისმიერი ადამიანის ცხოვრებაში. ამასთან, საჭირო ადგილას, საჭირო დროს ყოფნამაც განაპირობა ეს წარმატება. მაესტრო ბარენბოიმს რომ არ მოვესმინე იმ დღეს და მის ადგილას სხვა ყოფილიყო, ვისაც დიდხმიანი მომღერლები არ უყვარს, დღეს შესაძლოა, ასეთ სიმაღლეზე ჯერ არ ვყოფილიყავი. მან დაინახა, რა შეიძლებოდა ჩემგან მომავალში დამდგარიყო და შანსი მომცა, მხარში ამომიდგა. ამან ჩემი კარიერული წინსვლა განაპირობა.
- ლა-სკალაში გამოსვლა კრიტიკოსებმა "ტრიუმფულად" შეაფასეს. რა შეიცვალა თქვენს ცხოვრებაში ამ გამოსვლის შემდეგ?
- აბსოლუტურად ყველაფერი შეიცვალა... ამ პრემიერის შემდეგ ძალიან ბევრი შემოთავაზებაsalesland.ge - ფასდაკლებების სამყარო! მივიღე და ფაქტობრივად, გაუჩერებლად ვმუშაობ. გაიზარდა შემოსავალიც და იმის საშუალება მომეცა, ჩემს ოჯახს ყველანაირად დავეხმარო. ვცდილობ, ოჯახს არაფერი მოვაკლო. ძალიან ბევრი დებიუტი მქონდა და ძალიან ბედნიერი ვარ.
- თავისუფალ დროს როგორ ატარებთ?
- თავისუფალ დროს ძირითადად, ვკითხულობ ან მუსიკას ვუსმენ. თუ საშუალებაა, კინოთეატრში მივდივარ ახალი ფილმის სანახავად. მე და ჩემს მეუღლეს ძალიან გვიყვარს ხანგრძლივი სეირნობა და ახალ-ახალი ქალაქების დათვალიერება.
- თქვენი გვარი საკმაოდ რთული ჟღერადობისაა. ბევრმა ქართველმა მომღერალმა გვარს ფსევდონიმი არჩია. ამაზე არ გიფიქრიათ?
- როცა აკადემიაში დავიწყე სწავლა, მაშინვე ჩემი გვარის გადაკეთება მოითხოვეს, რადგან მართლა, ვერანაირად ვერ ახერხებდნენ მის გამოთქმას. მათი მოთხოვნის შესაბამისად, დავთანხმდი და რამდენიმე თვით "რაველი" გავხდი. როცა მოგვიანებით ბარენბოიმი გავიცანი, ჩემი გვარით დაინტერესდა. კატეგორიულად მომთხოვა, ჩემი ნამდვილი გვარი დამებრუნებინა და აღარასოდეს გამომეყენებინა ფსევდონიმი. რა თქმა უნდა, სიამოვნებით დავთანხმდი. მას შემდეგ, ყველა აფიშაზე ჩემი ნამდვილი გვარი წერია. თითქმის ყველა ცდილობს გვარის სწორად გამოთქმას და ბევრს არაჩვეულებრივადაც გამოსდის (იცინის).
- ქართველი და უცხოელი მსმენელი განსხვავდება? თქვენს შესრულებაზეც ხომ არ აისახება ის, თუ სად და როგორი მაყურებლის წინაშე გიწევთ გამოსვლა?
- ქართველი მსმენელი განსაკუთრებულად მიყვარს, გამორჩეულად თბილი და ემოციურია. უცხოელი მსმენელისგან განსხვავებით, კრიტიკულები და დაუნდობლები არიან, მაგრამ როცა მომღერალი ან მუსიკოსი მართლა კარგია, მის მიმართ სითბოსა და აპლოდისმენტებს არ იშურებენ.
- უცხოეთში მყოფ ქართველ ოპერის მომღერლებთან თუ გაქვთ ურთიერთობა?
- რა თქმა უნდა. განსაკუთრებულად ვმეგობრობ ნინო მაჩაიძესთან და თამარ ივერთან.
- ალბათ გენატრებათ საქართველო. მონატრებას როგორ იკლავთ?
- საქართველო ძალიან მენატრება. როცა ძალიან მომენატრება ხოლმე, ჩემებს ვურეკავ, ქართულ მუსიკას ვუსმენ ან ქართულ ფილმებს ვუყურებ. ჩემი რეჟიმის გამო აქაურ ქართველებთან კონტაქტს ვერ ვახერხებ.
შორენა ლაბაძე
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება სპეცოპერაციის კადრები და ფარული ჩანაწერები, რომლებშიც "ქურდულ სამყაროსთან" კავშირში მყოფი ფიგურირებენ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
