ლაგოდეხის გამგეობასთან სტიქიით დაზარალებულებმა საპროტესტო აქცია გამართეს

ლაგოდეხის რაიონის სოფლებში აფენში, გიორგეთში, ბაისუბანსა და ზემო ნაშოვარში მცხოვრებმა სტიქიით დაზარალებულებმა მუნიციპალიტეტის გამგეობასთან აქცია გამართეს. 100 -მდე ადამიანმა უკმაყოფილება გამოხატა ზარალის დამდგენი კომისიის მუშაობასთან და კომპენსაციების ოდენობასთან დაკავშირებით.

როგორც აქციის მონაწილეებმა განაცხადეს, ბანკ "ქართუ" -დან მიღებული კომპენსაციების რაოდენობა 400 ლარამდე მერყეობს, რაც მათი თქმით, სეტყვისგან მიღებული ზარალის ოდენობას არ შეესაბამება.

"ზარალის შემსწავლელმა კომისიამ ძალიან ცუდად იმუშავა. ზუსტად არ აღწერეს. ხეხილი საერთოდ არ შეიტანეს. 400 ლარი რა კომპენსაციაა? ამას გვპირდებოდნენ?" - აღნიშნეს აქციის მონაწილეებმა.

სრული ვერსია

კახეთის საინფორმაციო ცენტრი