23 იანვრის დილით, ჩიკაგოს ერთ-ერთი ქუჩის მკვიდრთ, მიტოვებული ავეჯის საწარმოს ნაცვლად, უზარმაზარი "ყინულის სასახლე" დახვდათ. შენობას ღამით ცეცხლი გაუჩნდა და მის ჩაქრობას 200-მდე მეხანძრე ხუთი საათის განმავლობაში ცდილობდა, მაგრამ დაბალი ტემპერატურის გამო წყალი იყინებოდა და დილით შენობა უზარმაზარ ყინულის სკულპტურას დაემსგავსა.
გაიყინა შენობის გვერდით მდგარი ავტომობილები, მათ შორის ერთი სატვირთო მანქანაც.
აშშ-ში ბოლო დღეების განმავლობაში ტემპერატურა განსაკუთრებით დაეცა. ქვეყნის ზოგიერთ რეგიონში ტემპერატურამ - 40 გრადუსამდეც კი დაიწია, რაც ნორმაზე გაცილებით დაბალია.
სიცივეს თან ერთვის ძლიერი ქარიც. გამყინვარებას 4 ადამიანის სიცოცხლე ემსხვერპლა.
სინოპტიკოსების განცხადებით, დაბალი ტემპერატურა რეგიონში კვირის ბოლომდე გასტანს.
იხილეთ ვიდეო: საოცარი სანახაობა ჩიკაგოში - ხანძრის ჩაქრობის დროს სახლი მთლიანად გაიყინა
მომზადებულია epochtimes.ru-ს მიხედვით.
