15
ივლისიდღის ზოგადი ასტროლოგიური პროგნოზი
ჟურნალისტი ია ანთაძე "ფეიბუქით" პრემიერ-მინისტრ ბიძინა ივანიშვილის განცხადებას ეხმაურება, რომელიც ირაკლი ალასანიას ვიცე-პრემიერის თანამდებობიდან გადაყენებას უკავშირდებოდა.
"რა მოდელიც ირაკლი ალასანიას მოსწონს - საპრეზიდენტო რესპუბლიკა, ძლიერი საპარლამენტო ზედამხედველობით - ამ მოდელში პრემიერი სუსტია. რა მოდელზეც პარლამენტი საუბრობს - საპარლამენტო რესპუბლიკა - იქ პრეზიდენტი სუსტია და პრემიერია ძლიერი.
ახლა თქვენ განსაჯეთ, რამდენად "პატარა" შეცდომა მოუვიდა ირაკლი ალასანიას", - წერს ანთაძე.
საქართველოს პრემიერ-მინისტრი, ბიძინა ივანიშვილი ირაკლი ალასანიას ვიცე-პრემიერობიდან გადაყენებას დავოსიდან გამოეხმაურა.
როგორც ივანიშვილმა ქართველ ჟურნალისტებთან საუბარში განაცხადა, ირაკლი ალასანიას მოუვიდა შეცდომა, როდესაც საპრეზიდენტო კანდიდატურის განხილვა თავის პარტიასთან დაიწყო. მისი თქმით, მოხდა ელემენტარული გაუგებრობა, რაც ნებისმიერ პოლიტიკოსს შეიძლება მოუვიდეს.
"მან მოახერხა და მის გუნდში დაიწყო განხილვა, შეიძლებოდა თუ არა წამოეყენებინა თავისი კანდიდატურა პრეზიდენტად. მერე მოხდა ისე, როგორც საქართველოში ხდება. ვიწრო წრეში ნათქვამი გავიდა, გავიდა და იმით დასრულდა, რომ ამაზე ერევანში მეკითხებოდნენ უკვე ჟურნალისტები", - განაცხადა ივანიშვილმა.
