ნაომი კემპბელმა რუსი მილიონერი ლეონარდო დიკაპრიოს გამო მიატოვა?

ამ დღეებში მსოფლიო კინოეკრანზე კვენტინ ტარანტინოს ახალი ფილმი "გათავისუფლებული ჯანგო" გამოვიდა, რომელშიც ჰოლივუდის ვარსკვლავმა ლეონარდო დიკაპრიომ მთავარი გმირი - ნაძირალა პლანტატორი განასახიერა. მალე დიკაპრიოს მონაწილეობით კიდევ ორი პროექტი გამოვა: "დიდი გეტსბი" და "მგელი უოლ სტრიტიდან". ამ ფილმების გადაღებებზე მსახიობი ორი წლის განმავლობაში შეუსვენებლად მუშაობდა და, როგორც ჩანს, გადაიღალა, ვინაიდან ოფიციალურად განაცხადა, რომ უახლოეს მომავალში ფილმში გადაღებას არ გეგმავს. მსახიობის თქმით, მომდევნო რამდენიმე წლის განმავლობაში სურს, დაისვენოს და დრო მოგზაურობას, მეგობრებს, ხელოვნების ნიმუშების შეგროვებას, გარემოს დაცვას ან ზღვაში ცურვას დაუთმოს.

"ბედნიერი ადამიანი ვარ. ყოველთვის მინდოდა მსახიობი ვყოფილიყავი და ჩემი ცხოვრება ზღაპარს ჰგავს, - მიიჩნევს კინოვარსკვლავი, - ნელ-ნელა ვიზრდები, მაგრამ ჯერ კიდევ მაქვს დრო, რომ ცოტა ხნით ნებიერი ბავშვი ვიყო”.

მსახიობმა თამამი გადაწყვეტილება მიიღო, როდესაც კარიერაში რამდენიმეწლიან პაუზას დათანხმდა, ვინაიდან არ ეშინია, რომ დაივიწყებენ.

განტვირთვის მიზნით პირველი წვეულება ლეონარდომ რუსი ოლიგარქის, ვლადისლავ დორონინის საცოლე ნაომი კემპბელთან ერთად მოაწყო. 21 იანვარს მსახიობმა მაიამის სანაპიროზე უახლოესი მეგობრების გარემოცვაში იახტით ისეირნა. მეგობრებს შორის იყო ბრიტანელი სუპერმოდელიც, თუმცა ამჯერად საქმროს გარეშე. ცნობილია, რომ ვლადისლავ დორონინი და ლეონარდო დიკაპრიო დიდი ხნის მეგობრები არიან და არაერთი შვებულება ერთად გაუტარებიათ.

ყვითელი პრესა უკვე ალაპარაკდა ლეონარდოსა და ნაომის უცნაური რომანის შესახებ. პაპარაცებმა ისინი იახტაზე გადაიღეს. მხიარული მეგობრებისგან განსხვავებით დიკაპრიო მოწყენილი და ჩაფიქრებული ჩანდა. იახტაზე იმყოფებოდა მსახიობის დედაც, რომელიც ვაჟის პოტენციურ საყვარლებს საკუთარი მკაცრი გამომეტყველებით მაშინვე დააფრთხობდა.

როგორც ბრიტანული გამოცემა Daily Mail-ის ჟურნალისტებმა გაარკვიეს, ბიზნესმენ დორონინისა და დიკაპრიოს ურთიერთობაში ბზარი მაშინ გაჩნდა, როდესაც მსახიობი "მოსკვა-სიტიში" ოლიგარქის აშენებული ცათამბჯენის "ოკოს" პრეზენტაციაზე არ ჩავიდა. ღონისძიებაზე კინოვარსკვლავი მთავარი სტუმრის სტატუსით იყო მიწვეული. მანამდე მსახიობი ზღვის კურორტებზე მილიონერის აგარაკებს ხშირად სტუმრობდა, მას თან დაყავდა საკუთარი საყვარლები, რომლებსაც ასევე ხშირად იცვლიდა, მათ შორის იყვნენ ბარ რაფაელი, ერინ ჰიზერტონი და ბლეიკ ლაივლი. დორონინის მიწვევით იმყოფებოდა დიკაპრიო რუსეთში, როდესაც პრეზიდენტ პუტინს შეხვდა. ახლა მეგობრების გზა გაიყარა, თუმცა მსახიობი ოლიგარქის საცოლესთან კვლავ თბილ ურთიერთობას ინარჩუნებს.

მომზადებულია Daily Mail-ის მიხედვით.

Normal 0 false false false MicrosoftInternetExplorer4 BoxOfficeMojo