25
მაისიდღის ზოგადი ასტროლოგიური პროგნოზი
ბათუმში მეჩეთის მშენებლობის საკითხზე კონსულტაციები მიმდინარეობს, - ამის შესახებ აჭარის ავტონომიური რესპუბლიკის მთავრობის თავმჯდომარე არჩილ ხაბაძემ მთავრობის სახლში, გაერთიანებული სამეფოსა და ამერიკის შეერთებული შტატების კონფესიებთან გუშინდელი შეხვედრის შემდეგ ჟურნალისტებს განუცხადა.
ხაბაძის თქმით, ბათუმის მეჩეთი მლოცველების სიმრავლის გამო გადატვირთულია, რის გამოც კიდევ ერთი მეჩეთის მშენებლობის საკითხი განიხილება.
როგორც ხაბაძემ განმარტა, მუსლიმი მრევლის მოთხოვნაა ქალაქთან ახლოს მიწის ნაკვეთის გამონახვა და მთავრობის გვერდში დგომა.
"შეხვედრის დროს დაისვა კითხვა მეჩეთთან დაკავშირებით. ეს პრობლემა ჩვენთვის ცნობილია და ამ მიმართულებით ვმუშაობთ. მუსლიმ მრევლს არ ჰყოფნის ის მეჩეთი, სადაც ყოველ პარასკევს ლოცვას აღავლენენ. მათ აინტერესებთ ცალკე მეჩეთის გახსნა. ამ საკითხზე ვმუშაობთ და კონსულტაციები მიმდინარებს. ამბობენ, რომ სხვადასხვა რაიონიდან ჩამოსული მრევლი ვერ ახერხებს პარასკევობით ლოცვას. მათ აინტერესებთ მოზრდილი მეჩეთის მშენებლობა, სადაც მრევლის გადანაწილება მოხდება. ამ ეტაპზე მათი მოთხოვნაა მთავრობა დაუდგეს გვერდში და ქალაქთან ახლოს მიწის ნაკვეთი გამოინახოს, სადაც მეჩეთი აშენებდება", - აღნიშნა არჩილ ხაბაძემ.
მისივე თქმით, აღნიშნულ საკითხს არასამთავრობო ორგანიზაცებსა და მუსლიმ მრევლთან ერთად განიხილავს.
