შიშველი ვივიენ ვესტვუდის ფოტოები ბრიტანეთში გამოფინეს

ცნობილი დიზაინერი ვივიენ ვესტვუდი ბრიტანული პრესის ყურადღების ცენტრში, ბრიტანეთში გამოფენილი  შიშველი ფოტოებით მოხვდა. 71 წლის დიზაინერი ფოტოგრაფ ჟუერგენ ტელერის ობიექტივის წინ სრულიად შიშველი პოზირებდა.

ფოტოები სამი წლის წინაა გადაღებული. მაშინ ვივიენ ვესტვუდი 68 წლის იყო. თუმცა, მიუხედავად ამისა, დიზაინერმა თამამად გაიხადა კამერის წინ.

ფოტოებზე შიშველი ვესტვუდი სხვადასხვა და საკმაოდ თამამ პოზებშია აღბეჭდილი. ეს სურათები ბრიტანეთში პირველად გამოიფინა და საკმაოდ დიდი გამოხმაურებაც მოჰყვა.

გამოფენას თავად ვივიენ ვესტვუდიც დაესწრო. მოდის სამყაროს დედოფალი მისი შიშველი ფოტოების სანახავად მეუღლესთან ერთად მივიდა.

სკანდალურ ფოტოებზე კომენტარი თავად ფოტოგრაფმა გააკეთა.

"ვივიენთან დიდი ხნის განმავლობაში ვმუშაობდი და ყოველთვის ვტკბებოდი მისი კანის სიმშვენიერით. სესია თბილი და მხიარული იყო. ფოტოები მის სახლში გადავიღეთ", - განაცხადა ტელერმა.

მომზადებულია dailymail.co.uk-ის მიხედვით.