პრინცი ჰარის ფსიქიკური ჯანმრთელობა ეჭვქვეშ დააყენეს

თალიბებმა პრინცი ჰარის ფსიქიკური ჯანმრთელობა, რომელიც ახლახან ავღანეთიდან დაბრუნდა, ეჭვქვეშ დააყენეს. ამის შესახებ Agence France-Presse-თან ინტერვიუში "თალიბანის" წარმომადგენელმა ზაბიულა მუჯაჰიდმა (Zabiullah Mujahid) განაცხადა. როგორც ცნობილია, პრინცმა ჰარიმ ავღანეთის სამხედრო მოქმედებები კომპიუტერულ თამაშს შეადარა.

ისლამური მოძრაობის წარმომადგენელმა ხაზი გაუსვა, რომ თალიბებთან საბრძოლველად ძლიერი ჯარის მქონე 49 ქვეყენამ საკუთარი ჯარისკაცები გააგზავნა. "ჩვენთვის ეს სერიოზული ომია, ისტორიული, ეს ჩვენი ერის წინააღმდეგობაა",-განაცხადა ზაბიულა მუჯაჰიდმა. ამასთან "თალიბანის" წევრმა დასძინა, რომ მოძრაობაში პრინცი ჰარის სიტყვებს ზედმეტად სერიოზულად არ აღიქვამენ, რადგან ბევრ უცხოელ ჯარისკაცს ავღანეთის ომში მონაწილეობის შემდეგ ფსიქიკური დაავადებები უვითარდებათ.

პრინცი ჰარის ინტერვიუ, რომელმაც თალიბები აღაშფოთა, 21 იანვარს გამოქვეყნდა. მას შემდეგ რაც მან ავღანთში სამსახური დაამთავრა, პრინც ჩარლზის უმცროსმა ვაჟმა ჟურნალისტებს ბაზა "კემპ ბასტიონში" მოერიშე ვერტმფრენ Apache -ზე მეორე პილოტის რანგში სამსახურის შესახებ უამბო.

კერძოდ, მან შეიარაღების მართვა სათამაშოს შეადარა. "მე იმ ადამიანთა რიცხვს ვეკუთვნი, რომელთაც PlayStation-ის და Xbox-ის თამაში უყვართ, ამიტომ მინდა მჯეროდეს, ჩემი დიდი თითები კიდევ გამომადგება", - განაცხადა პრინცმა ჰარიმ.

მომზადებულია lenta.ru-ს მიხედვით.