23
ივლისიდღის ზოგადი ასტროლოგიური პროგნოზი
იუსტიციის მინისტრის, თეა წულუკიანის განცხადებით, ირაკლი ალასანიას უნდოდა, მხოლოდ თავდაცვის მინისტრის ფუნქციები შეესრულებინა და ამაზე რამდენიმე ხანია იყო საუბარი. ამის შესახებ წულუკიანმა თავდაცვის მინისტრ ირაკლი ალასანიასთვის ვიცე-პრემიერის მოვალეობის შეწყვეტის კომენტირებისას ჟურნალისტებს განუცხადა.
"ეს არ არის გუშინ მომხდარი ამბავი. როგორც მე ვიცი, მასსა და პრემიერ-მინისტრს შორის შედგა შეთანხმება, რომ ის გათავისუფლებულიყო იმ დამატებითი ტვირთისგანაც, რასაც დღევანდელ ქვეყანაში ვიცე-პრემიერობა წარმოადგენს", - განაცხადა წულუკიანმა.
საქართველოს თავდაცვის მინისტრ ირაკლი ალასანიას ვიცე-პრემიერის მოვალეობა შეუწყდა. პრემიერ-მინისტრ ბიძინა ივანიშვილის ბრძანება ალასანიასთვის საქართველოს ვიცე-პრემიერის მოვალეობის შესრულების შეწყვეტის შესახებ მთავრობის ოფიციალურ ვებგვერდზე განთავსდა.
"საქართველოს მთავრობის სტრუქტურის, უფლებამოსილებისა და საქმიანობის წესის შესახებ" საქართველოს კანონის მე-10 მუხლის შესაბამისად საქართველოს მთავრობის წევრს, ირაკლი ალასანიას შეუწყდეს საქართველოს ვიცე-პრემიერის მოვალეობის შესრულება", - ნათქვამია ბიძინა ივანიშვილის ბრძანებაში.
