6
ივნისიდღის ზოგადი ასტროლოგიური პროგნოზი
საქართველომ თავისი ევროატლანტიკური არჩევანის გამო დიდი ფასი გადაიხადა, - ამის შესახებ საქართველოს პრეზიდენტმა სტრასბურგში ჟან-კლოდ მინიონთან ერთად გამართულ პრესკონფერენციაზე განაცხადა.
მისივე თქმით, საქართველოს ნატო-სა და ევროკავშირის გარდა არჩევანი არ აქვს.
"საქართველოს ყველა მთავრობას, მათ შორის ჩემსაც, დასაწყისშივე ჰქონდა რუსეთთან ურთიერთობის აღდგენის მცდელობა. ბუნებრივია, ყველას სურს რუსეთთან კარგი ურთიერთობა, თუმცა, მთავარი კითხვა არის ის, არის თუ არა რუსეთი ევროპული მეზობელი. სიტუაციის თავისებურება იმაში მდგომარეობს, რომ რუსეთი არა მარტო ჩვენი მეზობელია, არამედ არის ქვეყანა, რომელსაც ოკუპირებული აქვს ჩვენი ტერიტორიების 20 პროცენტი, სადაც განხორციელებული ეთნიკური წმენდა დღესაც გრძელდება. ფუნდამენტური განსხვავება, რომელიც მე მაქვს ახალ მთავრობასთან ასეთია: ახალმა მთავრობამ თქვა, რომ ურთიერთობის მისაბაძი მაგალითი არის ჩვენი მეზობელი სომხეთი, რომელსაც ერთნაირი ურთიერთობები აქვს რუსეთთან და ნატო-სთან. არ მგონია, რომ საქართველოს ისეთივე დისტანცია უნდა ჰქონდეს ნატო-სა და ევროსტრუქტურებთან ურთიერთობაში, როგორც რუსეთთან აქვს. ვფიქრობ, რუსეთთან კარგი ურთიერთობები უნდა გვქონდეს, მაგრამ სომხეთს არ უნდა ნატო-ში გაწევრიანება. მე ამას პატივს ვცემ, მაგრამ საქართველოს ნატო-სა და ევროკავშირის გარდა არჩევანი არ აქვს. ამას პატივისცემით უნდა მოვეკიდოთ. საქართველომ თავისი ევროატლანტიკური არჩევანის გამო დიდი ფასი გადაიხადა", - განაცხადა მიხეილ სააკაშვილმა.
საქართველოს პრეზიდენტის განცხადების ქართული თარგმანი ტელეკომპანია "რუსთავი 2"-მა გაავრცელა.
