29
მაისიდღის ზოგადი ასტროლოგიური პროგნოზი
"ერთიანი ნაციონალური მოძრაობის" წევრებს ბოლო მომენტამდე ჰქონდათ ინფორმაცია, რომ მაია ფანჯიკიძე პარლამენტში მივიდოდა და მათ კითხვებზე პასუხს გასცემდა. ამის შესახებ "ინტერპრესნიუსს" დეპუტატმა გიორგი კანდელაკმა განუცხადა.
მისი თქმით, მათ დღეს დილითაც ჰქონდათ ინფორმაცია, რომ ფანჯიკიძე უმცირესობას შეხვდებოდა. როგორც კანდელაკი აცხადებს, კითხვები ფანჯიკიძის მისამართით ეხება საგარეო პოლიტიკური მიმართულებით დაშვებულ შეცდომებს, მინისტრის რამდენიმე არაკომპეტენტურ გამოსვლას და ბიძინა ივანიშვილის მიერ სომხური მედიისთვის მიცემულ ინტერვიუს, რომელმაც საქართველოს საგარეო კურსთან დაკავშირებით სერიოზული კითხვები გააჩინა.
დეპუტატის თქმით, პრემიერ-მინისტრი აცხადებს, რომ შურს სომხეთის ურთიერთობისა ნატო-სთან. კანდელაკი ხაზგასმით აღნიშნავს, რომ ნატო-სკენ სომხეთი საერთოდ არ ისწრაფვის და ამგვარი შინაარსის განცხადება ქვეყნის საგარეო კურსთან დაკავშირებით საგანგაშო სიგნალზე მიუთითებს.
საგარეო საქმეთა მინსიტრის პარლამენტში არმისვლის მიუხედავად, საპარლამენტო უმცირესობა, სავარაუდოდ, სხდომას მაინც გამართავს, რომელიც 15:00 საათისთვის არის დანიშნული. მანამდე პარლამენტში რიგგარეშე სხდომა გაიმართება.
