1
ივნისიდღის ზოგადი ასტროლოგიური პროგნოზი
Freedom House-ის ანგარიშის მიხედვით, საქართველო "ნაწილობრივ თავისუფალ" ქვეყნებს შორის დასახელდა.
ამერიკულმა არასამთავრობო ორგანიზაციამ გამოაქვეყნა ახალი ანგარიში - "თავისუფლება მსოფლიოში", რომელიც 2012 წლის მონაცემებს ეყრდნობა.
რეიტინგში საქართველოს მაჩვენებელი წინა წლის მსგავსად, 2012-შიც 4-დან 3 ქულით განისაზღვრა. როგორც გამოცემა აღნიშნავს, ევრაზიის ქვეყნებს - ყაზახეთს, ტაჯიკეთსა და უკრაინას შორის, სადაც 2011 წელთან შედარებით შარშან თავისუფლების ხარისხი შედარებით გაუარესდა, საქართველოში პირიქით, მდგომარეობა ნაწილობრივ გაუმჯობესდა.
"საქართველოში ძალაუფლების გადაბარება პირველად მოხდა დემოკრატიული არჩევნების გზით, თუმცა წლის ბოლოს სიტუაცია არცთუ ისე დამაკაყოფილებელი იყო, რადგან ახალმა მთავრობამ მოკლე ვადაში დააპატიმრა წინა მთავრობის 30 მაღალჩინოსანი, რაც შეფასდა, როგორც პოლიტიკურად მოტივირებული სამართლებრივი დევნა", - აღნიშნავს ორგანიზაცია.
Freedom House-ის ყოველწლიურ ანგარიშში საქართველო, ლიბიასთან ერთად, ასევე მოხსენიებულია ქვეყანად, სადაც 2012 წელს გაუმჯობესდა არჩევნების ჩატარების გარემო და დემოკრატიული არჩევნები ჩატარდა. ორგანიზაცია აღნიშნავს, რომ ევრაზიის ქვეყნებს შორის საქართველოში პოლიტიკური უფლებები შესამჩნევად გაუმჯობესდა.
Freedom House თავისუფლების მდგომარეობის მიხედვით, ქვეყნებსა და სადაო ტერიტორიებს სამ კატეგორიად ჰყოფს: თავისუფალი, ნაწილობრივ თავისუფალი და არათავისუფალი. გადანაწილება ემყარება ორი კრიტერიუმის მიხედვით მინიჭებულ ქულებს - პოლიტიკური უფლებები და სამოქალაქო თავისუფლება.
ნაწილობრივ თავისუფალი ქვეყანა, Freedom House-ის მაჩვენებლებით, ის ქვეყანაა, სადაც შეზღუდულია პოლიტიკური უფლებები და სამოქალაქო თავისუფლება.
წლევანდელი ანგარიშში 195 ქვეყანა და 14 სადაო ტერიტორია მოხვდა, აქედან 90 - თავისუფალ ქვეყნებს შორის, 58 - ნაწილობრივ თავისუფლებს, 47 - არათავისუფლებს შორის.
