30
მაისიდღის ზოგადი ასტროლოგიური პროგნოზი
2012 წლის დეკემბერში წინა თვესთან შედარებით სამრეწველო პროდუქციის მწარმოებელთა ფასების ინდექსი 0,4 პროცენტით შემცირდა. ოფიციალური სტატისტიკით, ფასების კლება დაფიქსირდა სამთომოპოვებით მრეწველობასა და დამამუშავებელ მრეწველობაზე, თითოეულზე 0,5 პროცენტით, ხოლო ელექტროენერგიის, აირის და წყლის წარმოებასა და განაწილებაზე ფასები გაიზარდა 0,3 პროცენტით.
საქსტატის მონაცემებით, მოცემულ პერიოდში ინდექსის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:
სამთომოპოვებითი მრეწველობა: ფასები შემცირდა სათბობ-ენერგეტიკული სასარგებლო წიაღისეულის ქვესექციაზე 1,9 პროცენტით. მათ შორის, ნედლი ნავთობისა და ბუნებრივი აირის ჯგუფის ინდექსი შემცირდა 3,0 პროცენტით.
დამამუშავებელი მრეწველობა: ფასების შემცირება დაფიქსირდა ტექსტილისა და ტექსტილის ნაწარმის წარმოებაზე (1,7 პროცენტი), ხოლო რეზინისა და პლასტმასის ნაწარმის წარმოებაზე 1,1 პროცენტით. ფასების ზრდა დაფიქსირდა ტყავის, ტყავის ნაწარმისა და ფეხსაცმლის წარმოებაზე (5,6 პროცენტი).
წინა თვესთან შედარებით მწარმოებელთა ფასების ინდექსი სატვირთო გადაზიდვებზე შემცირდა 0,05 პროცენტით. მათ შორის ფასების კლება დაფიქსირდა რკინიგზის ტრანსპორტზე 0,2 პროცენტით.
მშენებლობისთვის შეძენილი მასალების ფასების ინდექსი წინა თვესთან შედარებით გაიზარდა 0,1 პროცენტით. მათ შორის, ფასები გაიზარდა 3.8 პროცენტით სამშენებლო მოედნის მომზადებაზე.
რა? სად? რა ფასად?
გაიგეთ "რადიო მარკეტში"
ყოველ სამუშაო დღეს 10:50 და 11:50 საათზე
რადიო "პალიტრის" ეთერში - FM 103.9
