მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"იღბლიანი ჯენტლმენი" ბეზრუკოვი
23:15 / 15-01-2013
სერგეი ბეზრუკოვი ჩემი საყვარელი რუსი მსახიობია, ამიტომაც "იღბლიანი ჯენტლმენების" სანახავად სიამოვნებით გავეშურე კინოთეატრ "რუსთაველში". რასაკვირველია, საქმეში ჩაუხედავები იკითხავთ, სად ბეზრუკოვი და სად "იღბლიანი ჯენტლმენებიო", მაგრამ მინდა გითხრათ, რომ ძველი ფილმის ახლებური ვარიანტი რუსებმა, "ბედის ირონიის" მსგავსად, წინასაახალწლოდ გადაიღეს და შეიძლება ითქვას, კარგადაც გაარტყეს, რადგანაც მაყურებელი ამ ფილმს არც რუსეთში და არც საქართველოში არ მოაკლდება. ფილმის ერთ-ერთი პროდიუსერი თემურ ბეკმამბეტოვი გახლავთ.
რაც შეეხება თავად ფილმს, რასაკვირველია, მთლიანი შინაარსი უცვლელია, ბეზრუკოვი კარგ და ცუდ პერსონაჟს ასახიერებს. მისი ერთი გმირი საბავშვო ცენტრში მუშაობს, ანიმატორად. როდესაც პოლიცია შეამჩნევს, რომ ის ძალიან ჰგავს ცნობილ კრიმინალ "სმაილიკს", გადაწყვეტენ, ეგვიპტეში დაპატიმრებულ "სმაილიკის" ორ მეგობარს "შეუსახლონ" ციხეში და მათგან მოპარული ძვირფასი აბჯრის შესახებ ინფორმაცია მოიპოვონ. პარალელურად, "სმაილიკი" დაძრწის აქეთ-იქით და ძალიან ცუდ საქმეებს აკეთებს.
ბეზრუკოვი ხომ ძალიან მიყვარდა და კიდევ უფრო შემიყვარდა, რადგან ორივე პერსონაჟის განსახიერებას თავს ძალიან კარგად ართმევს. სწორედ მას რომ შეავლოთ თვალი, ამისთვის ღირს ფილმის ყურება. გარდა ამისა, ფილმში ქართველი მსახიობი დათო ბახტაძე თამაშობს, თუმცა არ გაგიმხელთ, რა როლს, თავად ნახეთ და ბევრს იცინებთ.
"იღბლიანი ჯენტლმენების" ახალი ვერსია ძველს რომ ვერ შეედრება, ამას ჩემი თქმა არ უნდა, რადგან ახალი ფილმის სცენარი ისეთი ფრთიანი ფრაზებით ვერ დაიკვეხნის, როგორიც ძველ ვარიანტშია და საერთოდ, ის ხომ კლასიკაა და არც უნდა შევადაროთ. როგორც ჩანს, რუსულ კინემატოგრაფში ძალიან რთული პერიოდი აქვთ და ძველი ფილმების გადამღერებას შეუდგნენ, რაც, საბოლოო ჯამში, არცთუ კარგად გამოდის, თუკი გავიხსენებთ "სამსახურებრივ რომანსა" და უფრო ადრე გადაღებულ "ბედის ირონიის" გაგრძელებას, და "იღბლიან ჯენტლმენებსაც" მოვიშველიებთ მაგალითად, მივხვდებით, რომ ეს ისეთი ფილმებია, რომლებიც დროს გაუძლებს და მათი გადამღერებული ვარიანტებით მხოლოდ დროის სასიამოვნოდ გატარებაა შესაძლებელი ერთ საღამოს.
DJ ბუკლე
(გამოდის ორშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
