4
ივნისიდღის ზოგადი ასტროლოგიური პროგნოზი
არ არის გამორიცხული, ბექა გოჩიაშვილი ყოფილ ხელისუფლებას ვალს უბრუნებდეს - ამის შესახებ სოციალურ ქსელ "ფეისბუქში" ჟურნალ "ლიბერალის" რედაქტორი შორენა შავერდაშვილი წერს. შავერდაშვილის ინფორმაციით, 16 წლის ჯაზმენი ამერიკაში რურუას პატრონაჟით მოხვდა და სამინისტროს მისი მუსიკალური კარიერის გაკეთებაში დიდი წვლილი მიუძღვის.
"მე ვიცი, რომ ეს ძალიან ნიჭიერი ბიჭი რურუას პატრონაჟით მოხვდა ამერიკაში და სამინისტროს მართლა დიდი წვლილი მიუძღვის მისი მუსიკალური კარიერის გაკვალვაში. არ არის გამორიცხული, ბექა ვალს აბრუნებდეს",- წერს შავერდაშვილი.
სოციალურ ქსელში ნიკა რურუასა და ბექა გოჩიაშვილის მეგობრობის ამსახველი ფოტოც გავრცელდა.
16 წლის ვირტუოზი ჯაზმენი ბექა გოჩიაშვილი სამართალდამცველებს მასზე განხორციელებულ ზეწოლაში ადანაშაულებს. მისი თქმით, მას 6 საათის განმავლობაში კითხავდნენ. ბექა გოჩიაშვილი აცხადებს, რომ სამართალდამცველები მას ანგარიშსწორებით ემუქრებოდნენ.
ამჟამად, ბექა გოჩიაშვილი ამერიკაში იმყოფება.
