მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სთავაზობდა თუ არა იუსტიციის მინისტრობის დროს სააკაშვილი თეა წულუკიანს მოადგილეობას?
10:07 / 14-01-2013
ჟურნალ "ტაბულას" რედაქტორი თამარ ჩერგოლეიშვილი თეა წულუკიანის ინტერვიუს ეხმიანება, რომელიც იუსტიციის მინისტრმა "კვირის პალიტრას" მისცა. წულუკიანი ინტერვიუში სააკაშვილის მიერ მისთვის იუსტიციის მინისტრის მოადგილეობის შეთავაზებაზე საუბრობს. ჩერგოლეიშვილი ამ ეპიზოდის საკუთარ ვერსიას "ფეისბუქზე" ჰყვება.
"რატომ ენა არ მომტყდა?! :) უნდა მოვყვე ეს ისტორია, ჩემს კისერზეა:
ევროპის ადამიანის უფლებათა სასამართლოში მუშაობისას, წულუკიანისგანვე შევიტყვე, რომ მანამ სანამ სტრასბურგში სამსახურს შესთავაზებდნენ, მოუნდომებია რომელიმე რეგიონის ადმინისტრაციაში მუშაობა და შევარდნაძის მთავრობისთვისაც მიუმართავს ამ წინადადებით. მისთვის უარი უთქვამთ და პარლამენტში სტაჟიორობა შეუთავაზებიათ. (დეტალები მგონი არ მეშლება).
მაშინ სააკაშვილი პარლამენტის წევრი და ფრაქციის ლიდერი იყო. სტრასბურგში ვიზიტისას, ვუსაყვედურე, თქვენ რა მთავრობა ხართ, ადამიანმა ადმინისტრაციის ეროვნული სკოლა (ENA) დაამთავრა, საქართველოში დაბრუნდა, რეგიონში წასვლა და მუშაობა სურდა და დასცინეთ, პარლამენტის სტაჟიორობა შესთავაზეთ მეთქი. მიშამ რასაკვირველია ამის შესახებ არაფერი იცოდა, მაგრამ როგორც ჩანს, დაიმახსოვრა.
როდესაც მიშა იუსტიციის მინისტრად დაინიშნა, დამირეკა და მკითხა, წულუკიანზე რომ მიყვებოდი, მითხარი ზოგადად რა ტიპია და მოადგილედ ხომ არ გამომადგებოდაო.
მე მიშას ავუხსენი, რომ თეა არ გამოადგებოდა (უკვე ვიცოდი, რომ თეა სააკაშვილზე მამამისის სასამართლოდან წასვლის გამო განაწყენებული იყო - სააკაშვილმა მამამისის შესახებ მაშინ არაფერი იცოდა), გარდა ამასა, ისიც ვუთხარი, რომ ევროპულ სასამართლოში მაღალანაზღაურებადი სამსახურის დაკარგვას და საქართველოში დაბრუნებას მასთან სამუშაოდ არ მოისურვებდა. მერე ბევრი ვიცინეთ, იმიტომ რომ ისიც ვუთხარი - "ნიანგი გენა და ჩიბურაშკასავით" იქნებით, ერთად თქვენი წარმოდგენა კი ღირს მეთქი :)
ამის შემდეგ რამდენიმე დღე გავიდა და თეას ვუთხარი, მიშა როგორც ჩანს შეწუხდა შევარდნაძის მთავრობამ სამსახურზე უარი რომ გითხრა და გამოსწორებას ცდილობდა, მაგრამ ავუხსენი, რომ შენ მას მოადგილედ არ გამოადგებოდი მეთქი :)
ეს იყო და ეს მთელი "სამსახურის შეთავაზება".
PS. აქვე აღვნიშნავ, რომ მამის ცოდვების შვილისთვის მოკითხვა მიუღებლად მიმაჩნია", - წერს ჩერგოლეიშვილი "ფეისბუქზე".
თეა წულუკიანი "კვირის პალიტრასთან" ინტერვიუში ამბობს: "საინტერესოა, მაშინ არ იყო ჩემი მშობელი სააკაშვილისთვის მიუღებელი, როდესაც იუსტიციის მინისტრობისას თავის მოადგილეობას მთავაზობდა?"
იხილეთ სტატია: "სააკაშვილი პანიკაშია, იცის, მისი დაკავება მხოლოდ მე შემიძლია"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
