მნიშვნელოვანი ინფორმაცია
14
ივლისიდღის ზოგადი ასტროლოგიური პროგნოზი
ორშაბათი, მთვარის მეოცე დღე დაიწყება 23:39-ზე, მთვარე თევზებში იქნება 03-44-დან –რეკომენდებულია კოლექტიური მუშაობა, ერთობლივი პრობლემების გადაჭრა. ფინანსური საკითხების მოგვარება. მშენებლობის დაწყება. ძველი კავშირების გაძლიერება. მოერიდეთ ეგოიზმს და საკუთარი შესაძლებლობების გადაჭარბებულ შეფასებას. გამოავლინეთ ლიდერის თვისებები. არ არის რეკომენდებული შურისა და ბოროტების გამოვლენა. აქტიურია ზურგის ზედა ნაწილი. გაუფრთხილდით ხერხემალს. მთვარის ამ დღეს შექმნილი ოჯახები იშვიათად იშლება ეჭვიანობის, ღალატის ან ფინანსური პრობლემების გამო.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ მოხვდა ანა გურჯი სკანდალურ ფილმ "ისლამის უმანკოებაში"
23:11 / 10-01-2013
გასულ ზაფხულს მსოფლიოში დიდი ხმაური მოჰყვა რეჟისორ ნაკულა ბასელი ნაკულას ფილმ "ისლამის უმანკოებას", რომელშიც ერთ-ერთ როლს ქართველი მსახიობი ანა გურჯი (გიორგობიანი) თამაშობს. ანა აფერის მსხვერპლი გახდა და ამ სკანდალში სრულიად შემთხვევით გაეხვია. ქართველ მსახიობს აშშ-ში, ლოს-ანჯელესში დავუკავშირდით, სადაც ის საშობაო არდადაგებზე იმყოფება.
- ანა, ფილმ "ისლამის უმანკოების" გამო ამ ზაფხულს სკანდალში გაეხვიეთ. როგორ მოხვდით ამ კინოსურათში?
- ამ ფილმზე შესარჩევი კონკურსი ერთი წლით ადრე გამოცხადდა, იმხანად აგენტი არ მყავდა და არც კინომსახიობთა გილდიის წევრი ვიყავი. ინტერნეტში გავრცელდა ინფორმაცია, რომ ფილმის "უდაბნოს მეომრისთვის" (ასეთი იყო ფილმის თავდაპირველი სახელწოდება - თ.ბ) მიმდინარეობდა მსახიობების შერჩევა და ასე მოვხვდი ამ ფილმში. ინტერნეტში გავრცელებული ინფორმაციით, ფილმი მოგვითხრობდა ძველი ეგვიპტის ტომების შესახებ, რომლებიც უდაბნოში ჩამოვარდნილი კომეტის ხელში ჩასაგდებად იბრძოდნენ, რადგან სწამდათ, რომ დედამიწაზე თავდახრილ ციურ სხეულს ჯადოსნური ძალა ჰქონდა. ჩემს გმირს ერქვა ჰილარი, რომელიც მთავარი გმირის, ჯორჯის უმცროს ცოლს თამაშობდა. ერთი წლის შემდეგ შევიტყვე, რომ ფილმი 15-წუთიან ანტიისლამურ პროპაგანდად გადაიქცა. შეიცვალა ტექსტი, გმირების სახელები. ჯორჯის გმირს უწოდეს მუჰამედი და კომეტის ისტორიაც სადღაც აორთქლდა! საერთოდ ამოიღეს სცენარიდან. ჩვენი სახეები ჩვენი ნებართვის გარეშე გამოიყენეს სულ სხვა მიზნებისთვის, რომელზეც საერთოდ არ ყოფილა ლაპარაკი არც გადაღებების დაწყებამდე და არც შემდეგ. დარწმუნებული ვარ, ამერიკულმა ჯგუფმაც არაფერი იცოდა ეგვიპტელი პროდიუსერის ამ განზრახვის შესახებ. როგორც გაირკვა, მას სხვა სახელი ჰქონდა და ფილმის გადაღებამდე ცოტა ხნით ადრე გამოვიდა ციხიდან. თუმცა ამ მოვლენების შემდეგ ის ისევ დააპატიმრეს და, როგორც ვიცი, ახლა ციხეშია.
- ამ სკანდალის შემდეგ შენი უსაფრთხოებაც არ იყო დაცული...
- დიახ, ასე იყო. დიდი სტრესი გადავიტანე, მეც და ჩემმა ოჯახმაც. ყოველდღე მომდიოდა მუქარის წერილები, მაგრამ მხარდაჭერასაც მიცხადებდნენ მუსლიმანური სამყაროდან. შემდეგ საქმეში ეფ-ბი-აი (აშშ-ის გამოძიების ფედერალური ბიურო) ჩაერთო და გაირკვა, რომ მუქარის წერილებს ძირითადად მუსლიმი კრიმინალები მიგზავნიდნენ. მინდა, დიდი მადლიერება გამოვხატო ამერიკაში მცხოვრები განსხვავებული რელიგიის წარმომადგენლების მიმართ, ვინც გვერდით დამიდგა იმ მძიმე წუთებში. დასანანია, რომ რამდენიმე ქართველმაც გამომიგზავნა ამაზრზენი, სულმდაბალი წერილები, ძალიან შემრცხვა, როდესაც ეფ-ბი-აის წარმომადგენლებმა გაშიფრეს ქართველების მიერ გამოგზავნილი წერილები და მითხრეს, ქართველები ამაზრზენ შეტყობინებებს გიგზავნიდნენო.
- საქართველოში ხშირად ჩამოდიხართ?
- ძალიან მიჭირს ამერიკაში ოჯახის წევრების გარეშე ყოფნა, მით უმეტეს, ისეთ დღესასწაულზე, როგორიც ახალი წელია. საქართველოში მეგობრები მყავს და ძალიან მთრგუნავს მათ გარეშე ამერიკაში ცხოვრება. ბოლოს საქართველოში ზაფხულში ვიყავი, ოჯახთან ერთად გატარებული დღეები ძალიან დამეხმარა სტრესის დაძლევაში.
- როგორც ვიცი, გათხოვილი ხართ. ვინ არის თქვენი მეუღლე?
- ჩემი მეუღლე არის მუსიკოსი, ჯგუფ Venrez-ის ვოკალისტი და ტექსტების ავტორი. ერთმანეთი რამდენიმე წლის წინ გავიცანით. მანაც ძალიან განიცადა, როდესაც ასეთ სკანდალში გავეხვიე.
- ძნელია ამერიკულ კინოინდუსტრიაში ადგილის დამკვიდრება?
- რასაკვირველია, მით უმეტეს - ჩამოსული მსახიობისთვის. მაგრამ როდესაც გაქვს წარმატების მიღწევის დიდი სურვილი და შრომისმოყვარეობა, შეუძლებელი არაფერია. მე წარმატების გზის დასაწყისთან ვდგავარ!
- რატომ გურჯი და არა გიორგობიანი?
- უცხოელებს უჭირთ ქართული გვარების სწორად წარმოთქმა, ამიტომ ფსევდონიმი "გურჯი" მე და მამამ ამერიკაში გამგზავრებამდე მოვიფიქრეთ. თანაც "გურჯი" ქართველს ნიშნავს. მამა - ბესო გიორგობიანი, პროფესიით კინოხელოვანია, ჩემი და ხათუნა გიორგობიანი კი - რეჟისორი, პირველად სწორედ მის ფილმში ვითამაშე. ამიტომ დიდი სურვილი მაქვს, საკუთარი კინოკომპანია ჩამოვაყალიბო; ვნახოთ, რა მოხდება.
- ამჟამად რაზე მუშაობთ?
- ჯერჯერობით ვისვენებ, ოჯახთან ერთად ლოს-ანჯელესში ვარ საახალწლო არდადაგებზე. ისე კი, ვმუშაობ ორ სცენარზე, ამის გარდა, ყოველთვიურად მაქვს იმპროვიზაციული სპექტაკლები. 2013 წელს რამდენიმე ფილმში გადასაღებადაც ვარ მიწვეული, დეტალებს შემდეგ ინტერვიუში შეიტყობთ.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
რუბრიკის სხვა სიახლეები
დღის ვიდეო
00:00 / 00:00
აშშ უკრაინისთვის გაგზავნის Patriot -ის სარაკეტო კომპლექსებს, რომელთა ღირებულებსაც ევროკავშირი აანაზღაურებს - რა გეგმა აქვს აშშ-ის პრეზიდენტს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
