29
მაისიდღის ზოგადი ასტროლოგიური პროგნოზი
საქართველოს პარლამენტის თავმჯდომარე დავით უსუფაშვილი მოსამართლეებს მოუწოდებს, არავის ზეწოლას არ დაემორჩილონ , - ასე უპასუხა მან ჟურნალისტის შეკითხვას - აქვს თუ არა ადგილი პროკურატურისა და იუსტიციის სამინისტროს მხრიდან სასამართლოზე ზეწოლას.
როგორც უსუფაშვილმა აღნიშნა, იგი სიხარულით ადევნებს თვალს საქართველოში მოსამართლეების გამოღვიძების პროცესს. მისი თქმით, მოსამართლეებს წლების განმავლობაში მსგავსი რეაქციები რომ ჰქონოდათ, საქართველო დამოუკიდებელი და თავისუფალი ქვეყანა იქნებოდა.
"მოსამართლეებს ვუსურვებ სიყოჩაღეს, ისინი არანაირ ზეწოლას არ უნდა დაექვემდებარონ და თუ მიიჩნევენ, რომ თუნდაც ჩემი ეს სიტყვები ზეწოლის მცდელობაა, მე მათ მივმართავ, არ დაექვემდებარონ ჩემს ზეწოლას, თუ ასე ჩათვლიან. დაემორჩილონ კანონს, საკუთარ სინდისთან მშვიდად და წყნარად მიიღონ გადაწყვეტილებები. მათ დღეს ამის შესაძლებლობა აქვთ. მათ დღეს აქვთ იმის შესაძლებლობაც, რომ ღიად გააკრიტიკონ თუნდაც მინისტრი, რომელმაც რაღაც თქვა მათ შესახებ", - აღნიშნა უსუფაშვილმა.
მან ასევე მოუწოდა მოსამართლეებს, გაიხსენონ სად ცხოვრობდნენ თუნდაც სამი თვის წინ, ვისი კრიტიკა შეეძლოთ და ამ განწყობით ობიექტური და სწორი გადაწყვეტილებები მიიღონ.
