მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
30 მაისი, პარასკევი, მთვარის მეოთხე დღე დაიწყება 07:23-ზე, მთვარე ლომში გადაბრძანდება 23:58-ზე – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების გაზრდა. არ არის შესაფერისი დღე მოგზაურობის დასაწყებად ან მივლინებაში წასასვლელად. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. ასევე, არ არის მიზანშეწონილი რომანტიკული პაემანი. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. საუკეთესოა თმის შეჭრა და შეღებვა. გაიკეთეთ თმისა და სახის ნიღაბი. მოუფრთხილდით გულს, სისხლის მიმოქცევის სისტემას, არტერიებს, ზურგს, დიაფრაგმას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჰავიერ ბარდემი: "არამზადის როლს რომ ვასრულებ, შემოქმედებითად უფრო თავისუფალი ვარ!"
23:15 / 08-01-2013
ლეგენდარული ბონდიანას საიუბილეო ფილმში "007: სკაიფოლის კოორდინატები" დენიელ კრეიგს ღირსეული მეტოქეობა გაუწია ჰავიერ ბარდემმა, რომელმაც არამზადის როლი ითამაშა. ცნობილმა ესპანელმა მსახიობმა სწორედ ამ ახალ როლზე და სხვა საინტერესო თემებზე ისაუბრა.
- ჰავიერ, აქამდე ეკრანსა და ცხოვრებაში კლასიკური წაბლისფერთმიანი მამაკაცი იყავით. ახალ სურათში კი მოულოდნელად ქერა თმით მოგვევლინეთ. მალე შეეგუეთ ამ ფერს?
- თავდაპირველად სარკეს გავურბოდი, მერე კი შევეჩვიე, როლში ხომ უნდა შევსულიყავი. იმედი მაქვს, ქერათმიანი ნაკლებად მამაკაცური არ ვჩანვარ (იცინის)!
- ეს საკამათო საკითხია... სამაგიეროდ, როგორი შენიღბული ხართ. იმიჯის შეცვლამ ალბათ მოგცათ საშუალება, თაყვანისმცემლებსა და პაპარაცებსაც გაქცეოდით?
- ესპანეთში - არა, სხვა ქვეყნებში კი ეს ილეთი კარგად მუშაობდა.
- თქვენი პერსონაჟი რაულ სილვა ნამდვილი ბოროტმოქმედია. რაიმენაირად ცდილობდით მის გამართლებას საკუთარ თავთან?
- არც ვაპირებდი! მე სხვა ამოცანა მქონდა - მისი პიროვნების სიღრმე და არაერთგვაროვნება მეჩვენებინა. ხასიათის სირთულე - სწორედ ეს იყო, რამაც მიმიზიდა ამ გმირში. სილვა ერთგვარი ბოროტების კვინტენსენციაა და მისი თამაშისას მინდოდა კინოს ისტორიაში ყველა უარყოფითი გმირისთვის სათანადოდ მეცა პატივი. თუნდაც მასში იყოს ცოტა გროტესკულობა, ეს უხდება კიდეც. ისე კი არამზადის როლს რომ ვასრულებ, შემოქმედებითად უფრო თავისუფალი ვარ!
- ისეთი გზნებით ლაპარაკობთ, ხომ არ გადაწყვიტეთ ბნელ მხარეზე გადასვლა და გამუდმებით უარყოფითი გმირების განსახიერება?
- უკიდურესობაში ნუ გადავვარდებით. საქმე ის კი არ არის, რომელი გმირი გერგო - ცუდი თუ კარგი. გაცილებით მნიშვნელოვანია, ჯერ ერთი, მან გაგიტაცოს, მეორეც, იდეამ შეგიპყროს, და ბოლოს, საერთო ენა გამონახო ჯგუფთან.
- კარიერის დასაწყისში დამოუკიდებელ ესპანურ პროექტებში თამაშობდით. ახლა ჰოლივუდის მსახიობად მიგაჩნიათ თავი?
- ჩემთვის სულერთია, რას ვუწოდებ თავს - იარლიყებს არავითარი მნიშვნელობა არ აქვს. რა თქმა უნდა, მსხვილი სტუდიების მხარდაჭერით გადაღებულ ფილმებს დიდი რეკლამა აქვს, მას უამრავი ადამიანი ნახულობს, მაგრამ მე პირადად ისინი სხვა ნამუშევრებზე უფრო მნიშვნელოვნად არ მიმაჩნია.
- თუმცა მათი მეშვეობით თქვენი პერსონა დიდ ყურადღებას იმსახურებს, მათ შორის, კოლეგებისგანაც. ამბობენ, თვით ალ პაჩინო გირეკავთ!
- რასაკვირველია, მინდა ვიფიქრო, რომ ის ჩემით აღტაცებულია და ამ მნიშვნელოვან ფაქტს ასეც გამცნობდით (იცინის). მაგრამ, სამწუხაროდ, ყველაფერი სხვაგვარადაა. ალ პაჩინო ჩემი ნაცნობის, მხატვარ და რეჟისორ ჯულიან შნაბელის მეგობარია. დარწმუნებული ვარ, მან ხელში შეაჩეჩა ჩემი ტელეფონის ნომერი: "დაურეკე ჰავიერს, მეცხრე ცაზე იქნება სიხარულითო".
- ძალიან მოკრძალებული და გონიერი ადამიანი ჩანხართ. აღიარეთ, კარიერული წინსვლა თქვენთვის მოულოდნელი იყო?
- ვერ ვიტყვი, რომ წარმატებამ გამაოგნა, მაგრამ, იმავდროულად, მისთვის დიდად არც ვემზადებოდი. უბრალოდ, ყოველთვის მიმართლებდა. კინობიზნესში 24 წლიდან ვარ და ყოველი ახალი ნამუშევრის შემდეგ ვგრძნობ, რომ წინ მივდივარ. ეს მანიჭებს სიმშვიდის განცდას, ეს კი აუცილებელია, რომ დამაჯერებლად გადადგა შემდეგი ნაბიჯი.
GRAZIA
(გამოდის ორშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
