მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვინ უთბობდა საწოლს წინასაახალწლოდ შორენა ბეგაშვილს
23:10 / 08-01-2013
მალე "კომედი არხზე" ახალი ქართული სერიალი დაიწყება - "ქეთი და კოტე". სერიალს ორი გმირი ჰყავს: შორენა ბეგაშვილი და კახა ჯოხაძე. მსახიობები ახალბედა ცოლ-ქმარს ასახიერებენ. რამდენიმე სერია უკვე გადაღებულია. ახლა გასარკვევი ისღა დარჩა, რა სიხშირით ვიხილავთ სერიალს.
- როგორ შეგარჩიეს ამ სერიალისთვის?
შორენა:
- არ ვიცი, კასტინგი იყო თუ არა გამოცხადებული, დამირეკეს და მითხრეს, რომ აკეთებდნენ სერიალს, მთავარი როლი მე უნდა მეთამაშა და კახა იქნებოდა ჩემი მეწყვილე. შეიძლება არ იყოს ისეთი სერიალი, რომ სიცილისგან მუცელი ხელით გეჭიროთ, მაგრამ არის სახალისო თავგადასავლები, ცოლ-ქმრის ყოველდღიური ყოფითი ცხოვრების დეტალები.
კახა:
- მეც ალეკო მალხაზიშვილმა დამირეკა და შემომთავაზა ეს როლი. "კომედი არხზე" კიდევ ერთი ახალი პროექტი მზადდება, სადაც ჩემი მეგობრები, ყოფილი "შუა ქალაქელები" არიან დაკავებული. მეც იმ პროექტში ვიყავი, მაგრამ ახლა ამ სერიალის გამო უარის თქმამ მომიწია.
- "ქეთი და კოტე" თუ ჰგავს ძველ კინოშედევრ "ქეთო და კოტეს"?
შორენა:
- საერთოდ არ ჰგავს. ეს არის თანამედროვე ახალგაზრდა წყვილის ურთიერთობა.
კახა:
- მე და ქეთი გარიგებით არ შევუღლებულვართ, პრინციპში, არც ჩანს ჩვენი შეუღლების ამბავი სერიალში.
- როგორი ქმარია კახას გმირი?
შორენა:
- ცოტა გვიან იგებს რაღაცებს. ეჭვიანიც არის, მაგრამ არა ავადმყოფურად. ხელის გულზე მატარებს. მართალია, ხშირად ვწუწუნებ, რომ მინდა ჩექმა, ახალი კაბა, მაგრამ შეძლებისდაგვარად კოტე ხელგაშლილია. ხშირად დავდივარ სილამაზის სალონში, ვუვლი თავს და ამით კმაყოფილი ვარ. მიუხედავად იმისა, რომ არ ვგავარ ქართველ ტრადიციულ ცოლს, ხელები იდაყვებამდე ცომში რომ აქვს ჩაწყობილი, მაინც ვცდილობ, მეუღლეს ვასიამოვნო, მოვუმზადო გემრიელი კერძები, მაგრამ არ გამომდის. უკმაყოფილოა კოტე, მაგრამ არ იმჩნევს, რომ არ მაწყენინოს. ამით ვგავარ კიდეც ჩემს პერსონაჟს, კერძების მომზადება მართლაც არ გამომდის. ჩემს გმირს იმით არ ვგავარ, რომ ქეთის სალონში სიარული უყვარს, მე კი - არა. ცნობილი ამბავია, რომ თუ ტელევიზიაში არ მვარცხნიან ან მაკიაჟს არ მიკეთებენ, თავად ვუვლი საკუთარ თავს, სალონში არ დავდივარ, მეზარება იქ დროისა და ფულის ხარჯვა.
- მოქმედება მხოლოდ ოჯახში ვითარდება?
- არა მხოლოდ ოჯახში, ყველგან გვაქვს გადაღებები: სახლში, საავადმყოფოში, სილამაზის სალონში. ძირითადი მოქმედების ადგილი კი მაინც სახლია.
- თვალი მოვკარი საავადმყოფოს სცენას, რომელი გახდით ავად?
- კოტე სუსტი და მშიშარაა, როგორც ყველა კაცი. ექიმებთანაც არ აქვს კარგი დამოკიდებულება. ავად გახდა, მე კი ისე მიყვარს, ექიმს რომ არ გავასინჯო, არ დავიძინებ (იცინიან).
- როგორ მიმართავთ ერთმანეთს?
კახა:
- ქეთი, ქეთუშა, საყვარელო. შორენა დათუნიას მეძახის.
- ვინ არის "შეფი" ოჯახში, თუ საკითხი ასე არ დგას?
შორენა:
- კოტეს ჰგონია, რომ ის არის უფროსი ოჯახში, მაგრამ მე მაინც ვახერხებ, რომ სადავეები თავად მეკავოს ხელში, ოღონდ სიყვარულით ვაკეთებ ამას.
- კახა, ოჯახში საუკეთესო ფინანსური მდგომარეობაც არ გაქვთ, ყური მოვკარი, ტაქსაობას გაიძულებდა მეუღლე...
- ჩემი გმირი სარეკლამო აგენტია და მთლად ფუფუნებაში არ ვცხოვრობთ, მით უმეტეს, რომ ქეთი არ მუშაობს. თუმცა არც ისეა საქმე, რომ ელემენტარული პირობები ვერ დავუკმაყოფილო ცოლს.
შორენა:
- მშობლებიც ჰყავთ ჩვენს გმირებს, რომლებიც არ ჩანან და გვეხმარებიან. თან ჩემი გმირი საკმაოდ ეშმაკია, მშვენივრად ახერხებს ფულის შოვნას, სურვილების ასრულებას, დედიკოსა და მამიკოს მოთაფვლით.
- გამოჩნდება ვინმე თქვენ გარდა სერიალში?
კახა:
- არა, სერიალი მესამე გმირის გამოჩენას არ ითვილისწინებს. თუ გვეყოლება სტუმარი, შეიძლება გამოჩნდეს ზურგიდან, კეფით კამერისკენ, სხვანაირად გამორიცხულია.
- თუ იცით, რას გიპირებენ სცენარისტები. მაგალითად, თუ გექნებათ საწოლის სცენები?
შორენა:
- გვქონდა უკვე (იცინიან). გადაღებებზე იმდენს ვიცინით, იმის ნახევარი რომ გაიცინოს მაყურებელმა, ჩვენი მისია შესრულებული იქნება. საძინებელში, სადაც საწოლის სცენას ვიღებდით, გათბობა არ იყო. ისე ციოდა, კახა ხუთი წუთით ადრე წვებოდა, ლოგინი რომ გაეთბო ჩემთვის. როგორც ხდება ხოლმე ისედაც ოჯახში (იცინის).
- კახა, სერიალში ასეთი ლამაზი ცოლი რომ გყავს, ნამდვილი მეუღლე ხომ არ ეჭვიანობს?
- არა, მადლობა ღმერთს.
შორენა:
- მე, კახა და მისი მეუღლე უკვე დიდი ხანია ძალიან კარგად ვიცნობთ ერთმანეთს, ვმეგობრობთ და ეგ პრობლემა მოხსნილია. საერთოდ, იშვიათად, რომ ჩემზე ვინმეს ცოლი ეჭვიანობდეს. თუ რამე სიახლე იქნება ამ მხრივ მომავალში, არ გამოგაპარებთ (იცინის).
- სად არის თქვენი გადასაღები მოედანი, პირობითი სახლი?
შორენა:
- აეროპორტთან ახლოს დიდი და ლამაზი სახლი გვაქვს, თავისი აუზით. ვფიქრობ, ზაფხულში აუზშიც გვექნება სცენები. მე ალბათ ვიწვები გასაბერ ლეიბზე, ქმარი მომიტანს ალბათ კოქტეილს.
კახა:
- კოქტეილს მოგიტან, მაგრამ ტანზე არ გავიხდი, ეგ ზუსტად ვიცი.
შორენა:
- შენ ჟაკეტით დაჯდები.
კახა:
- ან მთლიანი საცურაო კოსტიუმები რომ არის, იმით (იცინიან). ჩელენტანოს რომ ეცვა, დიდი ამოღებული "ბრეტელებით".
- კახა, რამდენიმე ქმარი გყავს უკვე განსახიერებული. ცნობილი ღლონტის მეუღლეც იყავი. ორივეს გკითხავთ ხომ არ არის იმის საშიშროება, რომ ძველ გმირებს დაემსგავსოთ?
შორენა:
- ამ მხრივ გამიმართლა, აქამდე ან ვინმეს საყვარელი ვიყავი ან შეყვარებული. როგორც იქნა, ბედმა გამიღიმა და გავთხოვდი (იცინიან).
კახა:
- ხომ ხედავ, რა ფეხი მაქვს... ჩემ მიერ განსახიერებულ ქმრებს რაც შეეხება, იყო ეს პერიოდი ჩემს ცხოვრებაში, - "შუა ქალაქში", საიდანაც გამიცნო მაყურებელმა და გულწრფელად დიდი მადლობა ამისთვის სერიალის ორგანიზატორებს. მაგრამ ხომ არ შეიძლება, მთელი ცხოვრება ერთი და იგივე აკეთო? "ალუბლების ქუჩაშიც" მყავდა ცოლი, მაგრამ ისეთ დროს შეწყდა სერიალი, ბოლომდე ვერ ჩამოყალიბდა ჩვენი ცოლქმრული ურთიერთობა. კოტე, ჩემი აზრით, რადიკალურად განსხვავდება ჩემ მიერ განსახიერებული ქმრებისგან.
- შორენა, შენს ქმარს რა შველის ნაბახუსევზე?
- ცივი ტილო, "ბორჯომი" და ტაშტი (იცინიან).
კახა:
- სამივე კომპონენტი აუცილებელია, ერთ-ერთი თუ აკლია, ცუდადაა საქმე (იცინიან).
- ახალი წლის სცენები თქვენს სერიალში ალბათ არ იქნება, მაგრამ განწყობაზე მაინც უნდა გკითხოთ, რა დამოკიდებულება გაქვთ ამ დღესასწაულთან?
შორენა:
- კახას ვესტუმრეთ ოჯახში მე და ჩემი შვილი, ვცდილობდი გამეგო, როგორი ქმარია სინამდვილეში.
კახა:
- არ ვარ კარგი ქმარი. ძირითადად არ ვარ სახლში და ამიტომ... მამაჩემი იყო იდეალური ქმარი და სულ ვცდილობდი, მას დავმსგავსებოდი, განსაკუთრებით მაშინ, პირველი ბავშვი რომ შემეძინა, მაგრამ ვერ შევძელი. ახალ წლამდე ბოლო ერთი კვირა, ფაქტობრივად, ვერც ვნახულობდი ცოლ-შვილს. ჯერჯერობით მცნობენ, მაგრამ ვშიშობ, მომავალში ერთი სურათის გადიდება მაინც გახდება აუცილებელი, კართან რომ დავკიდო. მეშინია, ზარს რომ დავრეკავ, არ იკითხონ, ეს ვინაა, გავუღოთ თუ არა კარიო.
- იყო თქვენს ოჯახებში თოვლის ბაბუა? რა საჩუქრები მიიღეთ?
კახა:
- ჩემს უმცროს შვილს ჯერ კიდევ სჯერა ამ ამბის და წერილებსაც უწერს თოვლის ბაბუას. უფროსი თავს იკატუნებს, საჩუქარი უნდა და რა ქნას. უმცროსსაც ეხმარება ხოლმე წერაში, ეგ არა, ეს დაუწერეო, კარნახობს. ხელწერაზე ეტყობა ხოლმე წერილს.
შორენა:
- ჩემმა ქალიშვილმა პირდაპირ გამომიცხადა, შენი "აიფონ 4" მაჩუქე და შენ ახალი იყიდეო. ვაჩუქე, რა უნდა მექნა. წელს საკუთარ თავს აუცილებლად გავუკეთებ საჩუქარს. მანქანა მინდა შევცვალო. "რენჯ როვერი" მინდა ვიყიდო. მესამე წელია "ინფინიტი" მყავს და მომწყინდა, ძველია უკვე.
ნინო მჭედლიშვილი
(გამოდის ორშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
