ვას­რუ­ლებთ წლის ნო­მი­ნა­ცი­ე­ბის და­სა­ხე­ლე­ბას, თუკი ვინ­მე გა­მოგ­ვრჩა, იმე­დია, გვა­პა­ტი­ებთ!.. შე­ვე­ცა­დეთ, ყვე­ლა სა­ინ­ტე­რე­სო სახე მოხ­ვედ­რი­ლი­ყო ჩვე­ნი ჟურ­ნა­ლის სი­ა­ში.

წლის "პა­ტიმ­რე­ბის დედა"

ლალი მო­როშ­კი­ნამ მას შემ­დეგ, რაც პა­ტიმ­რე­ბის წა­მე­ბის კად­რე­ბი სა­ჯა­რო გახ­და, შო­კის მი­ღე­ბაც არ გვა­ცა­ლა წე­სი­ე­რად, მა­შინ­ვე სა­პა­ტიმ­რო­ებ­თან გამ­წეს­და და იქ ათენ-აღა­მებ­და, შემ­დეგ კი ინ­ტერ­ვი­უ­ში ჰყვე­ბო­და, რო­გორ და­უ­ჩო­ქა პა­ტიმ­რებს და უთხრა, ლალი ვარ მო­როშ­კი­ნაო. ერთ-ერ­თზე ისიც კი თქვა, ჩემი შვი­ლის ტო­ლი­აო. ამ­დენ­მა აქ­ტი­უ­რო­ბამ მას სო­ზარ სუ­ბა­რის მრჩევ­ლის პოს­ტი მო­უ­ტა­ნა.

წლის "ადე­იშ­ვი­ლი კა­ბა­ში"

თეა წუ­ლუ­კი­ანს უკვე შე­არ­ქვეს "ადე­იშ­ვი­ლი კა­ბა­ში", თუმ­ცა ახ­ლან­დე­ლი იუს­ტი­ცი­ის მი­ნის­ტრი ძვე­ლის ნაკ­ვა­ლევს არ მიჰ­ყვე­ბა და არც მის ფე­შე­ნე­ბე­ლურ, ევ­რო­რე­მონ­ტი­ან კა­ბი­ნეტ­ში მო­ი­სურ­ვა დაჯ­დო­მა. რო­გორც ჩანს, ეს მეტ­სა­ხე­ლი, უბ­რა­ლოდ, ერ­თმა და იმა­ვე თა­ნამ­დე­ბო­ბამ გა­მო­იწ­ვია. თეა წუ­ლუ­კი­ანს ერ­თნა­ი­რი წარ­მა­ტე­ბით და მშვი­დი სა­ხით შე­უძ­ლია ისა­უბ­როს რო­გორც მთამ­სვლე­ლის სა­ინ­ტე­რე­სო ცხოვ­რე­ბა­ზე, ასე­ვე ყო­ფი­ლი მა­ღალ­ჩი­ნოს­ნე­ბის და­ნა­შა­უ­ლებ­ზე.

წლის "სახ­ლი­დან გა­ვი­და და აღარ დაბ­რუ­ნე­ბუ­ლა"

ზურა ადე­იშ­ვი­ლი ცხრა მთას იქით გა­და­ი­კარ­გა, არ­ჩევ­ნე­ბის შემ­დეგ მისი ასა­ვალ-და­სა­ვა­ლი ვე­რა­ვინ გა­ი­გო. ბო­რო­ტი ხმე­ბი ამ­ბო­ბენ, რომ გა­მო­ძი­ე­ბას და­ე­მა­ლა და ეს იუ­რის­ტის მრა­ვალ­წლი­ან­მა გა­მოც­დი­ლე­ბამ უკარ­ნა­ხა. რას ვი­ზამთ, თა­ვად უკე­თე­სად არ იცის, რა ცოდ­ვე­ბი ადევს მხრებ­ზე?

წლის "ენერ­გი­უ­ლი"

ბი­ძი­ნა ივა­ნიშ­ვილ­მა ისე, რომ არც აცია და არც აცხე­ლა, კა-კას, ანუ კახი კა­ლა­ძეს თავი ენერ­გე­ტი­კის სა­მი­ნის­ტრო­ში უკრა. თუკი ვინ­მე არის ჩვენს მკი­თხვე­ლებს შო­რის, რო­მელ­მაც არ იცის, რით არის და­კა­ვე­ბუ­ლი ზე­მოხ­სე­ნე­ბუ­ლი სა­მი­ნის­ტრო, გაც­ნო­ბებთ, რომ აქ უბ­რა­ლოდ, ენერ­გი­უ­ლი ადა­მი­ა­ნე­ბი კი არა, ენერ­გე­ტი­კის სფე­რო­ში ცოტა აზ­რზე მო­სუ­ლი ადა­მი­ა­ნე­ბი ინიშ­ნე­ბი­ან. კა­ლა­ძე ამას წი­ნათ "კვი­რის პა­ლიტ­რის" გა­მო­კი­თხვა­ში ყვე­ლა­ზე არა­ე­ფექ­ტურ მი­ნის­ტრად და­სა­ხელ­და, რა­საც ბი­ძი­ნა ივა­ნიშ­ვი­ლი კა­ტე­გო­რი­უ­ლად არ და­ე­თან­ხმა, კარ­გად მუ­შა­ობ­სო. ისე, ენერ­გი­უ­ლი ბიჭი კი ჩანს.

წლის "ცოტ­ნე და­დი­ა­ნი"

სვი­მონ მას­ხა­რაშ­ვილ­მა კი­დევ ერთხელ და­ამ­ტკი­ცა, რომ "დიდი ის­ტო­რი­კო­სია", რო­დე­საც ცი­ხე­ში და­კი­თხვა­ზე გა­მო­ცხა­დე­ბულ ბაჩო ახა­ლა­ი­ა­სა და ცოტ­ნე და­დი­ანს შო­რის აშ­კა­რა პა­რა­ლე­ლი და­ი­ნა­ხა. მის­თვის თა­ნა­მედ­რო­ვე ცოტ­ნე და­დი­ა­ნი სწო­რედ ბაჩო ახა­ლა­ი­აა, რო­მე­ლიც გმი­რუ­ლად გა­მო­ცხად­და პრო­კუ­რა­ტუ­რა­ში, არ­ჩილ კბი­ლაშ­ვილ­მა კი, რო­გორც ჩანს, ესო­დენ დიდი მსგავ­სე­ბა ბა­ჩა­ნა­სა და ცოტ­ნეს შო­რის ვერ და­ი­ნა­ხა... ისიც არ არის ცნო­ბი­ლი, ფი­გუ­რი­რებ­და თუ არა თაფ­ლი ამ ამ­ბავ­ში.

წლის "ბაჩო ახა­ლა­ი­ას ტურ­ფა"

თეა თუთ­ბე­რი­ძე ახა­ლა­ი­ას და­კა­ვე­ბამ ისე აღაშ­ფო­თა, რომ სო­ცი­ა­ლურ ქსელ­ში მთა­ვარ ფო­ტოდ ექსმი­ნის­ტრის სუ­რა­თი და­ი­ყე­ნა, მა­ნამ­დეც არა­ერ­თხელ გა­მო­ხა­ტა სიმ­პა­თია ახა­ლა­ი­ას მი­მართ, მა­გა­ლი­თად, მა­შინ, რო­დე­საც ცი­ხის კად­რე­ბის გავ­რცე­ლე­ბის შემ­დეგ ბა­ჩომ თა­ნამ­დე­ბო­ბა და­ტო­ვა, თეა თუთ­ბე­რი­ძე ახა­ლა­ი­ა­თი ამა­ყობ­და. შემ­დეგ კი, რო­დე­საც ყო­ფილ თა­ნამ­დე­ბო­ბის პირს წი­ნას­წა­რი პა­ტიმ­რო­ბა შე­უ­ფარ­დეს და ცი­ხი­დან ცი­ხე­ში არ­ბე­ნი­ნებ­დნენ, თუთ­ბე­რი­ძე ლა­მის მზად იყო, მას­თან ერ­თად გა­ე­ტა­რე­ბი­ნა პა­ტიმ­რო­ბის დღე­ე­ბი. მოკ­ლედ, შეყ­ვა­რე­ბუ­ლი ქა­ლი­ვით იქ­ცე­ო­და და ტურ­ფას ნო­მი­ნა­ცი­აც და­იმ­სა­ხუ­რა.

წლის "ტიტ­ვე­ლი"

ფო­ტოგ­რაფ იური მე­ჩი­თო­ვის სა­უ­ბა­რი მეგ­რე­ლებ­ზე, აჭარ­ლებ­სა და სა­ქარ­თვე­ლოს სხვა­დას­ხვა კუ­თხის წარ­მო­მად­გე­ნელ­ზე უკ­რა­ი­ნელ­მა ჟურ­ნა­ლის­ტებ­მა, არც მეტი, არც ნაკ­ლე­ბი, მე­ჩი­თო­ვის სახ­ლში, კერ­ძოდ, სამ­ზა­რე­უ­ლო­ში ჩა­ი­წე­რეს, სა­დაც ფო­ტოგ­რა­ფი მათ შიშ­ვე­ლი გა­მო­ე­ცხა­და. ტიტ­ლი­კა­ნა ფო­ტოგ­რა­ფის ში­ნა­უ­რუ­ლი სა­უ­ბა­რი მა­შინ გახ­და აქ­ტუ­ა­ლუ­რი, რო­დე­საც ის კულ­ტუ­რის მი­ნის­ტრის მო­ად­გი­ლედ წა­რად­გი­ნეს. ატყდა ერთი ამ­ბა­ვი და გა­წევ-გა­მო­წე­ვა, ასე­თი ადა­მი­ა­ნი რა­ტომ უნდა იყოს მი­ნის­ტრის მო­ად­გი­ლეო. გარ­კვე­უ­ლი პე­რი­ო­დის შემ­დეგ გუ­რამ ოდი­შა­რი­ამ მი­ი­ღო გა­და­წყვე­ტი­ლე­ბა და მე­ჩი­თო­ვი მო­ად­გი­ლე­ო­ბი­დან მოხ­სნა.

წლის "ზრდი­ლო­ბი­ა­ნი"

კულ­ტუ­რის მი­ნის­ტრის მე­ო­რე მო­ად­გი­ლე, ხა­თუ­ნა ხუნ­და­ძე, სკან­და­ლის ეპი­ცენ­ტრში მო­ექ­ცა, რო­დე­საც "ფე­ის­ბუქ­ზე" მიშა სა­ა­კაშ­ვი­ლის ლან­ძღვა-გი­ნე­ბის სტა­ტუ­სე­ბი "ამო­უ­ლა­გეს" და მი­ნისტრს ლა­მის ხონ­ჩით მი­არ­თვეს, ნა­ხეთ, რა ზრდი­ლი მო­ად­გი­ლე და­გი­ნიშ­ნავ­თო. შე­დე­გი იგი­ვე იყო, რაც იური მე­ჩი­თო­ვის შემ­თხვე­ვა­ში, ხუნ­და­ძე მოა­დგი­ლე­ო­ბი­დან გა­ა­თა­ვი­სუფ­ლეს.

წლის "ან ავ­ლი­ლი, ან ჩავ­ლი­ლი, ხომ არ გი­ნა­ხავთ"

შალ­ვა ნა­თე­ლაშ­ვი­ლი 2012 წლის გან­მავ­ლო­ბა­ში ხში­რად გვახ­სე­ნებ­და თავს და ორ ფრონტზე "ხან­ჯლა­ობ­და", მი­ხე­ილ სა­ა­კაშ­ვილ­საც "ეს­პო­რე­ბო­და" და ბი­ძი­ნა ივა­ნიშ­ვილ­საც, სა­ბო­ლოო ჯამ­ში კი მის­მა პარ­ტი­ამ სა­არ­ჩევ­ნო ბა­რი­ე­რი ვერ გა­და­ლა­ხა და დაგ­ვრჩა შა­ლი­კო პარ­ლა­მენ­ტის მან­და­ტის გა­რე­შე და შე­სა­ბა­მი­სად, და­სა­ხე­ვიც არა­ფე­რი აქვს. არ­ჩევ­ნე­ბის შემ­დეგ ნა­თე­ლაშ­ვილ­მა თვი­თო­ნაც და­ის­ვე­ნა და ჩვენც დაგ­ვას­ვე­ნა, აღარ მარ­თა­ვენ ლე­ი­ბო­რის­ტე­ბი დღე­ში ცხრა­ჯერ ბრი­ფინ­გებს ამა თუ იმ სა­ჭირ­ბო­რო­ტო თე­მა­ზე, ნა­თე­ლაშ­ვი­ლიც აღარ ზის დათო აქუ­ბარ­დი­ას­თან სა­ა­თო­ბით და აღარ არ­თობს აქუს მა­ყუ­რებ­ლებს, ძვე­ლე­ბუ­რი იუ­მო­რიც აღარ იღ­ვრე­ბა ტე­ლე­ვი­ზი­ი­დან... დაგ­ვიბ­რუნ­დი, შალ­ვა, რა­ღაც ნა­მე­ტა­ნი გავ­სე­რი­ო­ზულ­დით!..

წლის "პო­ლიგ­ლო­ტი"

შე­იძ­ლე­ბა ით­ქვას, რომ პო­ლი­ტი­კუ­რი პე­რი­პე­ტი­ე­ბი, არ­ჩევ­ნე­ბი-შმარ­ჩევ­ნე­ბი, სა­ერ­თოდ არ შე­ხე­ბია "ცეკ­ვა­ვენ ვარ­სკვლა­ვებს", რად­გან ცნო­ბი­ლი სა­ხე­ე­ბი და მათი პარტნი­ო­რე­ბი დიდი ენ­თუ­ზი­აზ­მით აქ­ნევ­დნენ ერთ ად­გი­ლებს რიტ­მის შე­სა­ბა­მი­სად, მო­ვის­მი­ნეთ ისე­თი გა­მო­ნათ­ქვა­მი, რო­გო­რიც არის "სექ­სი პარ­კეტ­ზე" და რაც მთა­ვა­რია, მივ­ხვდით, რომ ქარ­თველ ტე­ლე­წამ­ყვა­ნებს შო­რის ყვე­ლა­ზე მეტი ენა ბექა ელ­ბა­ქი­ძემ იცის, რო­მელ­მაც პირ­და­პირ ფაქ­ტის წი­ნა­შე დაგ­ვა­ყე­ნა, მისი ფრა­ზი­დან ყო­ვე­ლი მე­ო­რე სი­ტყვა იტა­ლი­უ­რია. მარ­თა­ლია, ჩვენ ვე­რა­ფერს ვი­გებთ, სა­მა­გი­ე­როდ, ორი­გი­ნა­ლუ­რია.

წლის "კა­ტე­ბის ჩხუ­ბი"

"ცეკ­ვა­ვენ ვარ­სკვლა­ვე­ბის" ჟი­უ­რის წევ­რმა ია ფა­რუ­ლა­ვამ არა­ნა­ი­რად არ გა­ა­ხა­რა თაკო გა­ჩე­ჩი­ლა­ძე, რო­მელ­საც რა აღარ უწო­და, თა­კოც აჰ­ყვა და მათ­მა ჩხუბ­მა ტე­ლე­ეკ­რა­ნე­ბი­დან კუ­ლი­სებ­ში გა­და­ი­ნაც­ვლა, თა­კომ "ფე­ის­ბუქ­ზე" გა­მო­აქ­ვეყ­ნა სტა­ტუ­სი, სა­დაც ეწე­რა, რომ ფა­რუ­ლა­ვამ უკა­ნას­კნე­ლი სი­ტყვე­ბით გა­მო­ლან­ძღა საგ­რი­მი­ო­რო­ში, თაკო აპი­რებ­და, მის­თვის სა­სა­მარ­თლო­ში ეჩივ­ლა, თუმ­ცა მას მერე ტე­ლე­ფონს არ იღებს, რათა შე­ვი­ტყოთ, უჩივ­ლა თუ არა სა­ბო­ლო­ოდ.

წლის "მა­თე­მა­ტი­კო­სი"

შო­რე­ნა შა­ვერ­დაშ­ვილ­მა მა­თე­მა­ტი­კის "ღრმა" ცოდ­ნით დაგ­ვა­მახ­სოვ­რა თავი. გარ­და იმი­სა, რომ კახა ბენ­დუ­ქი­ძეს­თან გა­და­ცე­მა­ში დიდ­ხანს ით­ვა­ლა რა­ღა­ცე­ბი და ვერ და­ით­ვა­ლა, "კვი­რის აზ­რებ­ში" ისიც გაგ­ვა­გე­ბი­ნა, რომ კა­თეტ­სა და კა­თე­ტერს ერ­თმა­ნე­თის­გან ვერ არ­ჩევს. შემ­დეგ კი ერთ ლა­რად გა­და­წყვი­ტა "მე­ცხრე არ­ხის" შე­ძე­ნა, რათა თა­ვი­სი მე­ნე­ჯე­რუ­ლი თვი­სე­ბე­ბი გა­მო­ე­ყე­ნე­ბი­ნა ზე­მოხ­სე­ნე­ბუ­ლი ტე­ლე­ვი­ზი­ის ასა­ღორ­ძი­ნებ­ლად. სა­ბო­ლო­ოდ ყვე­ლა­ნი გაკ­ვირ­ვე­ბუ­ლი დავ­რჩით, რო­დე­საც "სა­ზო­გა­დო­ებ­რი­ვი მა­უ­წყებ­ლის" დი­რექ­ტო­რო­ბა­ზე არ შე­ი­ტა­ნა გან­ცხა­დე­ბა, მაგ­რამ ალ­ბათ ამის­თვის ვე­ღარ მო­ი­ცა­ლა...

წლის "ოხუნ­ჯი"

გოგა ხა­ჩი­ძე, მას შემ­დეგ, რაც მი­ნის­ტრი აღარ არის, "ფე­ის­ბუქ­ზე" ოხუნ­ჯო­ბე­ბის მთელ კას­კადს გვახ­ვედ­რებს. ჟურ­ნა­ლის­ტე­ბი დი­ლას, შუ­ა­დღეს და სა­ღა­მოს ხა­ჩი­ძის გვერ­დზე იჭყი­ტე­ბი­ან, რომ იქ მისი იუ­მო­რის მო­რი­გი გა­მოვ­ლი­ნე­ბა შე­ა­ფა­სონ და შემ­დეგ რო­მე­ლი­მე მა­სა­ლა­ში გა­მო­ი­ყე­ნონ. ხა­ჩი­ძემ პრე­მი­ერ-მი­ნის­ტრთან პირ­ვე­ლი შეხ­ვედ­რი­სას პარ­ლა­მენ­ტში მას მო­რი­გი ანეკ­დო­ტის მო­ყო­ლა სთხო­ვა, კარგ ამინ­დებ­ში პარ­ლა­მენ­ტში ვე­ლო­სი­პე­დით და­ი­ა­რე­ბა და არც ერთ სა­ინ­ტე­რე­სო მო­მენტს არ ტო­ვებს, რომ სა­კა­ნონ­მდებ­ლო ორ­გა­ნო­ში მომ­ხდა­რი თა­ვი­სი ტე­ლე­ფო­ნით არ გა­და­ი­ღოს, მოკ­ლედ, ყვე­ლა მე­დი­ა­სა­შუ­ა­ლე­ბის იძუ­ლე­ბი­თი კო­რეს­პონ­დენ­ტი გა­მო­დის.

წლის "გა­ო­რე­ბუ­ლი"

პო­ლი­ტი­კუ­რი ზო­დი­ა­ქო რომ მზად­დე­ბო­დეს, ალ­ბათ, ვანო მე­რა­ბიშ­ვი­ლის ფი­გუ­რას ტყუ­პის ზო­დი­ა­ქოს მი­უ­სა­და­გებ­დნენ. ლე­ვან მა­ი­სუ­რა­ძის პას­პორ­ტაღ­მო­ჩე­ნი­ლი ყო­ფი­ლი პრე­მი­ერ-მი­ნის­ტრი არა მხო­ლოდ პო­ლი­ტი­კუ­რად, არა­მედ პი­როვ­ნუ­ლა­დაც გა­ორ­და. ეტყო­ბა, არ­ჩევ­ნებ­მა მას­ზე სტრე­სუ­ლად იმოქ­მე­და.

წლის "ყუ­რებ­ჩა­მოყ­რი­ლი"

ქარ­თველ სა­ზო­გა­დო­ე­ბას ენატ­რე­ბა თა­ვი­სი პრე­ზი­დენ­ტი, რო­მე­ლიც ყვე­ლა ტე­ლე­ვარ­სკვლავ­ზე უფრო დიდი ვარ­სკვლა­ვი გახ­ლდათ, ყვე­ლას ოჯახს სტუმ­რობ­და 2-სა­ა­თი­ა­ნი ბრი­ფინ­გე­ბით და არც მო­წყე­ნის სა­შუ­ა­ლე­ბას გვაძ­ლევ­და. ახლა პრე­ზი­დენტს ისე ხში­რად ვე­ღარ ვხე­დავთ ტე­ლე­ვი­ზი­ით, რაც მარ­თა­ლია, გარ­კვე­ულ ნოს­ტლა­გი­ას აღ­ძრავს, მაგ­რამ ამას წი­ნათ თა­ვა­დაც აღი­ა­რა, ალ­ბათ, ქარ­თველ ხალ­ხს მოვ­ბეზ­რდიო. ბოლო დროს ცოტა ყუ­რებ­ჩა­მოყ­რი­ლია, მაგ­რამ თა­ვად ფე­ნიქ­სებრ აღ­დგე­ნის იმე­დი ჯერ კი­დევ შერ­ჩე­ნია.

წლე­ვან­დელ ნო­მი­ნა­ცი­ებს ჩვე­ნი ქვეყ­ნის პრე­ზი­დენ­ტით ვას­რუ­ლებთ, ის კი თა­ვის ვა­დას რო­დის და­ას­რუ­ლებს, იან­ვარ­ში თუ ოქ­ტომ­ბერ­ში, დრო გვიჩ­ვე­ნებს, შემ­დე­გი წლის ნო­მი­ნა­ცი­ე­ბის ათ­ვლა უკვე და­წყე­ბუ­ლია. ვინ მოხ­ვდე­ბა "რე­ი­ტინ­გის" ობი­ექ­ტივ­ში, ამას 2013 წლის დე­კემ­ბრის ბო­ლოს შე­ი­ტყობთ!..

ჟურ­ნა­ლი "რე­ი­ტინ­გი"

(გა­მო­დის ორ­შა­ბა­თო­ბით)