5
ივლისიდღის ზოგადი ასტროლოგიური პროგნოზი
ყოფილი შინაგან საქმეთა მინისტრის, ბაჩო ახალაიას მეუღლე ანი ნადარეიშვილი "ფეისბუქში" საინფორმაციო სააგენტო "ინფო 9"-ს გავრცელებულ ვიდეო ჩანაწერს ეხმაურება. ვიდეოში ინკოგნიტო სამხედრო პირი ბაჩო ახალაიას ქვისლს ჯარისკაცების წამებაში ადანაშაულებს. ნადარეიშვილის თქმით, მას და არ ჰყავს და შესაბამისად, ვერ ეყოლება ქვისლი.
"ბაჩო ახალაიას ქვისლი გიორგი ხურციძე ჯარისკაცებს აწამებდაო - "ინფო 9" ავრცელებს. სრული პასუხისმგებლობით ვაცხადებ, რომ ბაჩო ახალაის არ ყავს არანაირი ქვისლი (იქედან გამომდინარე, რომ მე არ მყავს და) და ეს პიროვნება არის გამოგონილი. ეს ტელევიზია არის დეზინფორმატორი და ბიძინა ივანიშვილის პირადი რუპორი, რომელიც აბოლებს ქართველ ხალხს",- წერს ნადარეიშვილი სოციალურ ქსელში.
ინკოგნიტო სამხედრო პირი, ბაჩო ახალაიას ქვისლს, მეხუთე ბრიგადის მოქმედ მეთაურს, ვიცეპოლკოვნიკ გიორგი ხურციძეს ჯარისკაცების ცემასა და წამებაში ადანაშაულებს. პიროვნება, რომელიც "ინფო 9"-ის გადამღებმა ჯგუფმა ჩაწერა, ყვება, თუ როგორ სცემა ის გიორგი ხურციძემ საკუთარ კაბინეტში, რის შედეგადაც იგი სამი კვირის განმავლობაში სამხედრო ჰოსპიტალში მკურნალობდა.
