ბრედლი კუპერი და ზოი სალდანა ისევ დაშორდნენ

ბრედლი კუპერი და ზოი სალდანა ისევ დაშორდნენ. ვარსკვლავები, რომლებიც 6 თვიანი დაშორების შემდეგ სექტემბერში შერიგდნენ და საქმე ლამის ნიშნობამდეც მივიდა, ახლა ისევ ცალ-ცალკე არიან.

დაშორების მიზეზი დროის უკმარისობაა. ორივე მსახიობის გრაფიკი საკმაოდ დაძაბულია, მათ მრავალ პროექტზე უწევთ მუშაობა და ურთიერთობისთვის დრო აღარ რჩებათ.

"ზოი ახალი წლის არდადეგების გატარებას ბრედლის ოჯახთან ერთად, პარიზში აპირებდა, მაგრამ წყვილი ვერ შეთანხმდა. ზოი ახალ წელს მაიამიში, მეგობრების გარემოცვაში შეხვდა", - აცხადებს წყარო the New York Post-თან საუბრისას.

37 წლის ბრედლი და 32 წლის ზოი სალდანა ერთმანეთს ფილმ "სიტყვების" გადაღებაზე შეხვდნენ.

მომზადებულია the New York Post-ის მიხედვით.