7
ივნისიდღის ზოგადი ასტროლოგიური პროგნოზი
საქართველოს ელჩი ისრაელში არჩილ კეკელია შობის დღესასწაულზე ისრაელში პილიგრიმთა დიდი ჯგუფების გამგზავრებასთან დაკავშირებით შექმნილ პრობლემებს ტექნიკურ საკითხებს უკავშირებს.
როგორც კეკელია განმარტავს, ინფორმირებული იყო, რომ მომლოცველები ისრაელში ჩასვლას აპირებდნენ, თუმცა, მათთვის შექმნილ პრობლემებზე არაფერი იცოდა. "საპატრიარქოს საგარეო საქმეთა სამინისტროს მეშვეობით ჩვენთვის არ მოუმართავს. ვიზების გაცემა-არ გაცემის საკითხი მაინც ისრაელის საელჩოს გადასაწყვეტია, მაგრამ, რომ დაგვკავშირებოდნენ, იქნებ ხელი შეგვეწყო", - განუცხადა კეკელიამ ტელეკომპანია "მე-9 არხს".
შეკითხვას, შესაძლოა თუ არა ეს ფაქტი გაერო-ს უშიშროების საბჭოზე საქართველოს სტატუსთან დაკავშირებით მიღებულ გადაწყვეტილებას უკავშირდებოდეს, ელჩი პასუხობს, რომ ეს ორი ფაქტი ერთმანეთთან კავშირში არ არის.
"ინტერპრესნიუსი" კომენტარისთვის ისრაელის საელჩოსაც დაუკავშირდა, თუმცა, როგორც საელჩოში განმარტეს, ელჩი იუვალ ფუქსი თბილისში არ იმყოფება, შესაბამისად, ამ თემაზე კომენტარი საელჩოში ჯერ ვერ გაკეთდება.
შობის დღესასწაულთან დაკავშირებით, ისრაელს საქართველოდან პილიგრიმთა დიდი ჯგუფები ვეღარ ესტუმრებიან.
როგორც "ინტერპრესნიუსს" საქართველოს საპატრიარქოს რელიგიური ტურიზმის დეპარტამენტიდან ნანა ბუაძემ განუცხადა, მათ ისრაელის შინაგან საქმეთა სამინისტროს მომლოცველთა 46-კაციანი სია გადაუგზავნეს, თუმცა, ყველა მათგანზე უარი მიიღეს.
"გადაგზავნილი საბუთები არც გადაუმოწმებიათ. ჩვენთვის რეალური მიზეზი უცნობია. ეს პირველი შემთხვევაა, რომ საქართველოდან მომლოცველთა დიდი ჯგუფები დიდ დღესასწაულზე ისრაელში ვეღარ ჩავა. წმინდა მიწაზე სიწმინდეების მოლოცვის ტრადიცია ბოლო 10 წელია არსებობს და იყო შემთხვევები, როდესაც საქართველოდან დიდ დღესასწაულზე ერთდოულად ისრაელში 1000-მდე მომლოცველიც ჩასულა. არ ვიცით, რა იქნება აღდგომისთვის", - განაცხადა ნანა ბუაძემ.
მისივე ინფორმაციით, პილიგრიმთა ჯგუფებზე უარი მიიღეს იმ ტურისტულმა კომპანიებმაც, რომლებსაც საქართველოდან ისრაელში მომლოცველები მიჰყავდათ. ბუაძემ ასევე აღნიშნა, რომ შობის დღესასწაულს საქართველოდან ისრაელში ის პირები შეხვდებიან, რომლებმაც ვიზები უშუალოდ საქართველოში არსებული ისრაელის საელჩოდან ინდივიდუალურად მიიღეს.
