მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"პატრიარქს 80 წლის იუბილეზე 8-მეტრიან ჩურჩხელას გადავცემ"
23:14 / 03-01-2013
თელავის რაიონის სოფელ გულგულაში მცხოვრებმა 78 წლის სიმონ გიგიტელაშვილმა ახალი სარეკორდო ზომის ჩურჩხელა დაამზადა. ეს მის მიერ დამზადებული მესამე სარეკორდო ნუგბარია, რომლის სიგრძე ამჯერად 8 მეტრია (201 სმ-სა და 365 სმ სიგრძის ჩურჩხელების შემდეგ). გიგანტური ჩურჩხელა სრულიად საქართველოს კათოლიკოს პატრიარქის, ილია მეორის საიუბილეო თარიღს - დაბადებიდან 80 წელს ეძღვნება.
აღსანიშნავია, რომ სიმონ გიგიტელაშვილმა და მისმა მეუღლემ, მერი ჩაველაშვილმა განცხადებით მიმართეს კომპანია "გინესის" დირექციას, მათი ნახელავი გინესის მსოფლიო რეკორდების წიგნში რომ აღირიცხოს; ღონისძიების ორგანიზატორია საქართველოს მსოფლიო მიღწევათა და მოგზაურობათა ხელშემწყობი კავშირი "გიორგი".
გიგანტური ჩურჩხელის შემქმნელმა სიმონ გიგიტელაშვილმა, რომელიც მრავალმხრივ საინტერესო პიროვნებაა, გვითხრა: "ამ ჩურჩხელის დამზადებას 28 ლიტრი ბადაგი, 7 კგ ფქვილი და ორი კილოგრამი ნიგოზი დასჭირდა, რომელიც სპეციალურ გამძლე ძაფზე ნახევარ ლებნებად იყო ასხმული, მის დამზადება-ამოვლებას კი ორი საათი მოვანდომეთ. ამის შემდეგ ჭოჭონაქის დახმარებით ჩვენი ორსართულიანი სახლის სახურავის დონეზე ავწიეთ.
პატრიარქს ამ დღეებში მივართმევ გიგანტურ ჩურჩხელას, ასევე, მის საიუბილეოდ ჩემი ხელით დაწურულ 80 ლიტრ ღვინოს.
- როგორ მოახერხებთ ჩურჩხელის ტრანსპორტირებას?
- ჩურჩხელა, სიგრძის გამო, დახვეული მაქვს. უგემრიელეს ჩურჩხელას ჩემს მანქანაზე დავაკრავ და ისე ჩავიტან საპატრიარქომდე.
- გაქვთ იმედი, რომ თქვენი ნახელავი გინესის რეკორდების წიგნში შევა?
- ვიმედოვნებ, ასე იქნება, ეს უზარმაზარი ნუგბარია, მსგავსი არავის ამოუვლია. საოჯახო მეურნეობაში სარეკორდო სხვაც ბევრი მაქვს, მაგალითად, ჩემი ხელით დარგულ-გახარებული 16 000 ძირი ვაზი. 5 ჰექტარი ვენახი თავისი ხელით არავის გაუშენებია, სწორედ ამ ვენახის ღვინოს მივართმევ პატრიარქს. ამ ყველაფერს დიდი ჯაფით მივაღწიეთ მე და ჩემმა მეუღლემ.
- რას უსურვებთ დამდეგ შობას საქართველოს მოსახლეობას?
- ჩემს ქვეყანას მშვიდობას, უღრუბლო ცას და ბარაქას ვუსურვებ. თუ ვინმეს წარმატების მიღწევა უნდა, ხელი და თავი მეტად უნდა გაატოკოს, უშრომლად არაფერი მოდის... ჰოდა, ვისაც ჩემი რეკორდის გაუმჯობესება უნდა, სცადოს! საქართველოში, ღვთის მადლით, ნიგოზიც ბევრია და ძაფიც; ან ჩემზე დიდი და მსხმოიარე, 6 ჰექტარი ვენახი გააშენოს.
ნინო კვიტაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
