მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სამოდელო სააგენტოებმა გამხდარ მოდელებს კონტრაქტი შეუწყვიტეს
04:43 / 03-01-2013
ისრაელში ანორექსიის წინააღმდეგ ბრძოლა დაიწყო. 2013 წლიდან სამოდელო სააგენტოები ზედმეტად გამხდარ გოგონებს კონტრაქტს შეუწყვეტენ და პოდიუმზე მხოლოდ ჯანსაღი გარეგნობის ქალები გამოვლენ. ისრაელში ამბობენ, რომ ე.წ. სტერეოტიპი - "ჩამომხმარი მოდელი" წარსულს ჩაბარდა. "ჩვენ გვჭირდება ჯანსაღი ტანადობის მქონე ქალები და არა უჭმელობისგან დასუსტებული გოგონები", - ამბობენ ახალი წესების მომხრენი.
მოდელი ვალდებულია ჰქონდეს ისეთივე სავსე, ქალური ფორმა, როგორიც პოპულარულ ებრაელ მოდელ, ბარ რაფაელის აქვს. ისრაელში მოღვაწე ყველა მოდელს ევალება, შოუს ჩვენებამდე, ან ფოტოსესიამდე ექიმის ხელმოწერილი სამედიცინო ცნობა წარმოადგინოს, სადაც მითითებული იქნება, რომ გოგონა არ შიმშილობს.
"არ გვჭირდება არაბუნებრივად სუსტი გოგონები. გამხდარ მოდელებს ახალგაზრდა გოგონები ბაძავენ, თვითნებურად იცავენ დიეტებს, არასწორად იკვებებიან და შედეგად ავადდებიან. ყველა ქალს ვთხოვთ, იკვებონ სწორად, მიირთვან ჯანსაღი პროდუქტი, აქტიურად ივარჯიშონ და გააცნობიერონ, რომ სიგამხდრე სილამაზეს არ ნიშნავს", - აცხადებენ ახალი წესების ინიციატორები.
ბოლო დროს პოპულარულნი ხდებიან "ჭარბწონიანი" მოდელები, რომელთაც სავსე მკერდი, უკანალი და თეძოები აქვთ. 23 წლის ავსტრალიელი მოდელი რობინ ლავლი სწორედ ის გოგონაა, რომელმაც ყველაზე პოპულარული მოდის ჟურნალების გარეკანები დაამშვენა. რობინი ჭარბწონიანი ქალებისთვის შეკერილ სამოსს უკეთებს რეკლამას. ის ე.წ. Plus-size მოდელია. ტერმინი Plus-size გამოიყენება იმ სამოსის მიმართ, რომელიც ზედმეტი წონის ადამიანებისთვის იკერება. სხვადასხვა გავლენიანი გამოცემა ხშირად იწვევს რობინს ფოტოსესიებში მონაწილეობის მისაღებად. მამაკაცები ამბობენ, რომ ის გაცილებით მიმზიდველია.
მსოფლიოში უამრავი მოდელი იტანჯება ანორექსიით. 2006 წელს იტალიასა და ინდოეთში სამოდელო სააგენტოებმა მასიურად დაითხოვეს ზედმეტად გამხდარი გოგონები. ჯანსაღი კვების მხარდამჭერი ორგანიზაციების კატეგორიული მოთხოვნით, რამდენიმე თვით პოდიუმიდან, ფოტოსესიებიდან და სარეკლამო რგოლებიდან სუსტი აღნაგობის მოდელები "გაქრნენ", ხოლო მილანისა და მადრიდის მოდის კვირეულებზე ახალი კოლექციების წარდგენის პატივი მხოლოდ "ხორციან" მოდელებს ერგოთ. შეგახსენებთ, მკაცრი დიეტის წინააღმდეგ ბრძოლა მას შემდეგ დაიწყო, რაც 22 წლის ბრაზილიელი და ურუგვაელი მოდელები გარდაიცვალნენ.
მომზადებულია dailymail.co.uk-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
