"ერუ­დი­ტი" (რო­გორც ჩემი რეს­პონ­დენ­ტე­ბი უწო­დე­ბენ, "გზის" ყვე­ლა­ზე "სა­ნერ­ვი­უ­ლო" რუბ­რი­კა) 6 წლი­საა. ამ ხნის მან­ძილ­ზე 300-მდე ცნო­ბი­ლი ადა­მი­ა­ნი მყავს ჩა­წე­რი­ლი და წლის მი­წუ­რულს, უკვე მე­ექ­ვსედ, შე­მა­ჯა­მე­ბელ სტა­ტი­ას ვამ­ზა­დებ. ყვე­ლა მკი­თხველ­სა და რეს­პონ­დენტს დამ­დეგ ახალ წელს გი­ლო­ცავთ! ალ­ბათ გა­ინ­ტე­რე­სებთ, ვინ გახ­და 2012 წლის ერუ­დი­ტი? მეც ბევ­რს აღარ გა­ვაგ­რძე­ლებ და გა­სულ სტა­ტი­ებს თქვენ­თან ერ­თად გა­და­ვავ­ლებ თვალს. ამას­თან, იმა­საც გე­ტყვით, ვინ იყ­ვნენ ყვე­ლა­ზე მხი­ა­რუ­ლი, დაბ­ნე­უ­ლი, შე­ში­ნე­ბუ­ლი და სხარ­ტი რეს­პონ­დენ­ტე­ბი.

რუბ­რი­კის პირ­ვე­ლი სტუმ­რე­ბი "შუა ქა­ლაქ­ში" ვი­პო­ვე. თეკ­ლა­სა და პე­ტოს რო­ლე­ბის შემ­სრუ­ლებ­ლე­ბი, ანი ქურ­თუ­ბა­ძე და ნო­დარ გურ­გე­ნაშ­ვი­ლი შეხ­ვედ­რა­ზე სი­ა­მოვ­ნე­ბით დამ­თან­ხმდნენ. სა­ხა­ლი­სო კი­თხვა­რი შე­ვად­გი­ნე, სტუ­დი­ა­ში ვეს­ტუმ­რე და მათ დაბ­ნე­უ­ლო­ბა­ზე სა­მი­ვემ ერ­თად ვი­ხა­ლი­სეთ. დიდ­ხანს იმ­სჯე­ლეს, რა უფრო სწო­რია, რომ ვთქვათ 9+7 უდ­რის 15-ს თუ ტო­ლია 15-ის? ხოლო კი­თხვა­ზე:

- და­ა­სა­ხე­ლეთ ერ­თმა­ნეთ­ზე მი­ყო­ლე­ბუ­ლი 5 დღე ისე, რომ არ გა­მო­ი­ყე­ნოთ სი­ტყვე­ბი: ორ­შა­ბა­თი, სამ­შა­ბა­თი, ოთხშა­ბა­თი... - ნო­დარ­მა ორი­გი­ნა­ლუ­რი პა­სუ­ხი მო­ი­ფიქ­რა: - 1-ლი სექ­ტემ­ბე­რი, 2 სექ­ტემ­ბე­რი, 3 სექ­ტემ­ბე­რი, 4 სექ­ტემ­ბე­რი, 5 სექ­ტემ­ბე­რი.

"კო­მე­დი შოუს" მსა­ხი­ობ­მა თა­თია სუ­ლუ­აშ­ვილ­მა (59%) მი­თხრა, რომ ყვე­ლა­ზე დიდი ინ­ტე­რე­სით დე­ტექ­ტი­ვებს ეც­ნო­ბა. მისი სა­ოც­ნე­ბო როლი და­რე­ჯა­ნია. მას­ში რა­ღაც სა­ერ­თოს ვხე­დავ­დი, ბავ­შვო­ბა­ში პუტ­კუ­ნა და მა­სა­ვით მსუ­ნა­გი ვი­ყა­ვიო.

მსა­ხი­ო­ბი კახა ჯო­ხა­ძე (68%) შეხ­ვედ­რა­ზე სი­ა­მოვ­ნე­ბით დამ­თან­ხმდა, მაგ­რამ შე­კი­თხვამ - რა ერ­ქვა ოთა­რა­ანთ ქვრივს? ძა­ლი­ან და­აბ­ნია.

- მგო­ნი, ნინო ერ­ქვა, არა?

- ცდე­ბი.

- არ შე­მახ­სე­ნო, თა­ვად უნდა გი­თხრა.

- რამ­დე­ნიც უნდა იფიქ­რო, ვერ გა­იხ­სე­ნებ, მას სა­ხე­ლი არ ჰქონ­და.

- რას დამ­ტან­ჯე, თა­ვი­დან­ვე ეგრე გეთ­ქვა.

კა­ხას­თან ინ­ტერ­ვი­უმ მხი­ა­რუ­ლად ჩა­ი­ა­რა. ამი­ტომ მას "ყვე­ლა­ზე მხი­ა­რულ" რეს­პონ­დენ­ტად და­ვა­სა­ხე­ლებ.

რუბ­რი­კის სტუ­მა­რი "კო­მე­დი შოუს" წევ­რი, ბექა ონი­ა­ნი (52%) გახ­ლდათ. ის პრო­ფე­სი­ით ელექტრო­ე­ნერ­გე­ტი­კუ­ლი სის­ტე­მე­ბი­სა და ქსე­ლე­ბის სპე­ცი­ა­ლის­ტია. ყვე­ლა დას­მულ კი­თხვა­ზე სწო­რი პა­სუ­ხი თუ არა, სა­ინ­ტე­რე­სო ვერ­სია მა­ინც "იცო­და". ბე­ქამ ისიც გა­მიმ­ხი­ლა, რომ ერთი უც­ნა­უ­რი თვი­სე­ბით გა­მო­ირ­ჩე­ვა - ტი­რილს ყო­ველ­თვის სი­ცი­ლით იწყებს.

როცა მსა­ხი­ობ ალე­კო მა­ხა­რობ­ლიშ­ვილს (65%) და­ვუ­კავ­შირ­დი და "ერუ­დი­ტის­თვის" შეხ­ვედ­რა ვთხო­ვე, მტკი­ცე უარი მი­თხრა. თუმ­ცა, ამ რუბ­რი­კა­ზე მუ­შა­ო­ბის 6-წლი­ან­მა გა­მოც­დი­ლე­ბამ ბევ­რი რამ მას­წავ­ლა, მათ შო­რის - ურჩი რეს­პონ­დენ­ტე­ბის და­თან­ხმე­ბის მე­თო­დიც (რა თქმა უნდა, გა­მო­ნაკ­ლი­სე­ბიც არ­სე­ბობს). ბევ­რს აღარ გა­ვაგ­რძე­ლებ და გე­ტყვით, მსა­ხი­ობ­მა შინ მი­მი­პა­ტი­ჟა. თან გა­მაფრ­თხი­ლა, მე-15 სარ­თულ­ზე ვცხოვ­რობ, არ შე­შინ­დე, ლიფ­ტი მუ­შა­ობ­სო. მის სა­ცხოვ­რე­ბელ კორ­პუს­თან დათ­ქმულ დროს მი­ვე­დი, მაგ­რამ ინ­ტერ­ვი­უ­ზე 10 წუთი მა­ინც და­მაგ­ვი­ან­და. ლიფ­ტი არ მუ­შა­ობ­და და...

- ფე­ხით ამოხ­ვე­დი? - დაღ­ლი­ლო­ბა შე­მამ­ჩნია ბა­ტონ­მა ალე­კომ, შე­წუხ­და. - შენ­თვის გე­უბ­ნე­ბო­დი, არ გინ­და, ნუ მოხ­ვალ-მეთ­ქი, არ და­ი­შა­ლე და აი, მე ნუ­რა­ფერს და­მაბ­რა­ლე­ბო.

კი­ნომ­სა­ხი­ობ­თა თე­ატ­რის ხელ­მძღვა­ნელ­მა, ზურა გე­წა­ძემ (74%) კი თავი კარ­გი მეხ­სი­ე­რე­ბით მო­ი­წო­ნა. მი­თხრა, რომ წა­კი­თხუ­ლი წიგ­ნი, მო­ყო­ლი­ლი ამ­ბა­ვი იო­ლად ამახ­სოვ­რდე­ბა. მხო­ლოდ ადა­მი­ა­ნის სა­ხე­ე­ბის და­მახ­სოვ­რე­ბა უჭირს. ყვე­ლა­ზე ხში­რად პი­ე­სებს კი­თხუ­ლობს. წიგ­ნის ქურ­დო­ბის ამ­ბა­ვიც აღი­ა­რა, მაგ­რამ იმ ადა­მი­ა­ნის ვი­ნა­ო­ბა არ გა­ამ­ხი­ლა, ვი­საც მოჰ­პა­რა.

რუბ­რი­კის შემ­დე­გი სტუ­მა­რი "ნი­კოლ­შო­უს" წევ­რი, გია ნი­კო­ლა­ძე გახ­ლდათ. ის ჩემ­მა კი­თხვარ­მა კარგ ხა­სი­ათ­ზე და­ა­ყე­ნა.

- ვაა! ეს რა კი­თხვე­ბი "გა­ჩი­თე", ბევ­რია?

მან დას­მუ­ლი კი­თხვე­ბი­დან სწო­რად 65%-ს უპა­სუ­ხა, და­ნარ­ჩე­ნი "გა­უ­ტყდა".

მუ­სი­კოს­მა ბა­კურ ბურ­დულ­მა (63%) კი მი­თხრა, რომ წიგ­ნის კი­თხვის დროს არა­ერ­თხელ უტი­რია: "ძა­ლი­ან ემო­ცი­უ­რი ადა­მი­ა­ნი ვარ. ამის გამ­ხე­ლის არ მრცხვე­ნია. რაც უფრო ემო­ცი­უ­რი ხარ, მით მე­ტად ადა­მი­ა­ნი ხარ. სა­ბედ­ნი­ე­როდ, შექ­მნი­ლა და იმე­დია, მო­მა­ვალ­შიც შე­იქ­მნე­ბა ისე­თი ნა­წარ­მო­ე­ბე­ბი, რომ­ლე­ბიც მკი­თხველ­ში ასე­თი­ვე გან­ცდებს გა­მო­იწ­ვევს.

მსა­ხი­ო­ბი ზუზუ ბეჟაშ­ვი­ლი (43%) შეხ­ვედ­რა­ზე ისე დამ­თან­ხმდა, არც უკი­თხავს, რა თე­მა­ზე უნდა გვე­სა­უბ­რა. რო­გორც კი რუბ­რი­კის და­სა­ხე­ლე­ბა გა­ი­გო, თავ­ში ხელი შე­მო­ირ­ტყა, ბევ­რს ეცა­და, მაგ­რამ თა­ვი­დან ვე­რაფ­რით მო­მი­შო­რა. გან­სა­კუთ­რე­ბით ლუ­დის შე­სა­ხებ დას­მულ კი­თხვა­ზე პა­სუ­ხის არ­ცოდ­ნამ "გა­ა­ნერ­ვი­უ­ლა":

- კარ­გი, რა, კარ­გი, რა, ეს უსა­მარ­თლო­ბაა. მე რომ ლუდ­ზე რა­მეს ვერ გი­პა­სუ­ხებ, შე­იძ­ლე­ბა? ძა­ლი­ან მიყ­ვარს.

- რა იყი­დე­ბა მსოფ­ლი­ო­ში ცნო­ბილ "სოთ­ბი­სა" და "კრის­ტის" აუქ­ცი­ო­ნებ­ზე?

- (დე­დას ეძა­ხის) დე­დაა!!! გა­ა­ცი­ლე, რა, ჟურ­ნა­ლის­ტი (იცი­ნის)... სულ ეგე­თე­ბი უნდა მკი­თხო? ზუ­ზუს "ყვე­ლა­ზე დაბ­ნე­ულ" რეს­პონ­დენ­ტად და­ვა­სა­ხე­ლებ.

"ბავ­შვო­ბი­დან დღემ­დე დე­ტექ­ტი­უ­რი ჟან­რის ნა­წარ­მო­ე­ბე­ბი მა­ინ­ტე­რე­სებს. კი­თხვის დროს თა­ვა­დაც წიგ­ნის ერთ-ერთი პერ­სო­ნა­ჟი ვხდე­ბი", - მი­თხრა მსა­ხი­ობ­მა ლე­ვან ჯი­ბღაშ­ვილმა (72%). მისი საყ­ვა­რე­ლი ავ­ტო­რი არ­ტურ კო­ნან დო­ი­ლია. წიგ­ნი, რო­მელ­მაც და­უ­ვი­წყა­რი შთა­ბეჭ­დი­ლე­ბა მო­ახ­დი­ნა - "შერ­ლოკ ჰოლმსის თავ­გა­და­სა­ვა­ლი". დიდ­ხანს მიმ­ტკი­ცა, რომ 29 რი­ცხვი მხო­ლოდ თე­ბერ­ვალ­შია და - არც ერთ სხვა თვე­ში.

მი­სი­ვე სი­ტყვე­ბით რომ ვთქვა, "სა­ნერ­ვი­უ­ლო რუბ­რი­კის" შემ­დე­გი სტუ­მა­რი - მსა­ხი­ო­ბი ლე­ვან ყო­ჩი­აშ­ვი­ლი (77%) გახ­ლავთ. პირ­ვე­ლი წიგ­ნი, რო­მე­ლიც და­მო­უ­კი­დებ­ლად წა­ი­კი­თხა, "ბი­ძია თო­მას ქოხი" იყო. რო­გორც ჩანს, დი­დად არ აღ­ფრთო­ვა­ნე­ბუ­ლა, გახ­სე­ნე­ბი­სას ამო­იხ­ვნე­შა: "ვაი, იმ წა­კი­თხვას!" სა­მა­გი­ე­როდ, წა­რუშ­ლე­ლი შთა­ბეჭ­დი­ლე­ბა მო­ახ­დი­ნა დოს­ტო­ევ­სკის "იდი­ოტ­მა". ამ­ბობს, რომ რო­გო­ჟინს ჰგავს, მა­სა­ვით ვნე­ბი­ა­ნია და უსა­ზღვრო სიყ­ვა­რუ­ლი შე­უძ­ლია".

რუბ­რი­კა­ში პრო­ფე­სი­ით ფი­ზი­კო­სი სტუ­მა­რი არას­დროს მყო­ლია, პირ­ვე­ლი - გოგა ვე­შა­პი­ძე (62%) გახ­ლდათ - "შუა ქა­ლა­ქის" ცნო­ბი­ლი პრო­ფე­სო­რი. პირ­ვე­ლი, რაც მისი გაც­ნო­ბი­სას თვალ­ში გხვდე­ბა, ის არის, რომ ძა­ლი­ან ჰგავს გმირს, რო­მელ­საც სე­რი­ალ­ში თა­მა­შობს. პრო­ფე­სო­რი­ვით დინ­ჯი და მშვი­დია.

მსა­ხი­ობ­მა ლაშა ჯუ­ხა­რაშ­ვილ­მა (62%) ინ­ტერ­ვი­უს და­სა­წყის­ში­ვე მი­თხრა, რომ "მი­სა­მარ­თი" შე­მე­შა­ლა. ის ამ რუბ­რი­კის­თვის შე­სა­ფე­რი­სი რეს­პონ­დენ­ტი არ არის. წიგ­ნებ­თან წლე­ბის წინ "მე­გობ­რობ­და", ბოლო დროს - ნაკ­ლე­ბად.

- რისი ში­შია გა­მო­ფო­ბია?

- არ გა­მი­გია.

- ქორ­წი­ნე­ბის ში­შია.

- აი, ეგ შიში კი მაქვს (იცი­ნის). განა მარ­თლა, ვხუმ­რობ. ახლა ვა­ტყობ, თან­და­თან შენ მი­მართ ში­შის გრძნო­ბა მიჩ­ნდე­ბა. ეს რა სა­ში­ნელ კი­თხვებს მის­ვამ. ჟურ­ნა­ლის­ტე­ბის შიშს რა ჰქვია, უნდა გა­ვი­კი­თხო.

- გა­ი­კი­თხე და გა­მა­გე­ბი­ნე.

- რას ამ­ბობ, არ და­მირ­ე­კო, აღარ შეგ­ხვდე­ბი.

ლაშა ჯუ­ხა­რაშ­ვილს "ყვე­ლა­ზე შე­ში­ნე­ბუ­ლი" რეს­პონ­დენ­ტის ტი­ტულს მი­ვა­ნი­ჭებ.

პირ­ვე­ლი წიგ­ნი, რო­მელ­მაც მსა­ხი­ო­ბი ანი ტყე­ბუ­ჩა­ვა (65%) "გა­და­რია", "დი­დოს­ტა­ტის მარ­ჯვე­ნა" იყო. კონ­სტან­ტი­ნე გამ­სა­ხურ­დია ის ავ­ტო­რია, რო­მე­ლიც დღემ­დე გა­მორ­ჩე­უ­ლად უყ­ვარს. მისი ფრა­ზე­ბი ზე­პი­რად იცის. "წიგნ­ში თუ ჩა­ვი­ძი­რე, ყველ­გან თან და­მაქვს, ტრან­სპორ­ტსა და ქუ­ჩა­შიც ვკი­თხუ­ლობ".

პრო­დი­უ­სერ გი­ორ­გი ხა­ბურ­ზა­ნი­ას (70%) კი მხატ­ვრულ­ზე მე­ტად სა­მეც­ნი­ე­რო ჟან­რის ლი­ტე­რა­ტუ­რა იტა­ცებს. ამ ინ­ტერ­ვი­უ­დან ყვე­ლა­ზე მე­ტად და­მა­მახ­სოვ­რდა კა­მა­თი იმის შე­სა­ხებ, თუ რისი ექი­მია თე­რა­პევ­ტი? - ზო­გა­დი პრო­ფი­ლის ექი­მია, პირ­ვე­ლად თე­რა­პევტთან მი­დი­ხარ. ახლა ოჯა­ხის ექიმ­საც უწო­დე­ბენ.

- ში­ნა­გან სნე­უ­ლე­ბა­თა ექი­მია.

- სა­და­ვო სა­კი­თხია, ადა­მი­ა­ნი ხელს რომ მო­ი­ტეხს, თე­რა­პევტთან არ მი­დის?

შემ­დე­გი რეს­პონ­დენ­ტი კო­ა­ლი­ცია "და­მო­უ­კი­დე­ბე­ლი ცხოვ­რე­ბი­სათ­ვის" გამ­გე­ო­ბის წევ­რი, რატი იო­ნა­თა­მიშ­ვი­ლი გახ­ლდათ (79%). მო­გეხ­სე­ნე­ბათ, ის 2 პო­ე­ტუ­რი კრე­ბუ­ლის ავ­ტო­რია. წე­რის გან­წყო­ბას ამ­ბო­ხის შეგ­რძნე­ბა უქ­მნის. აცხა­დებს, რომ "ქვეყ­ნად ყვე­ლა­ფე­რი ღი­რე­ბუ­ლი ამ­ბო­ხი­სა და სიყ­ვა­რუ­ლის შე­დე­გა­დაა "და­ბა­დე­ბუ­ლი". აქ­ტი­უ­რი ცხოვ­რე­ბა მისი სტი­ქი­აა.

ბი­ო­ლოგ-ბო­ტა­ნი­კოს ზურა შე­ვარ­დნა­ძეს (59%) ინ­ტერ­ვი­უს ჩა­სა­წე­რად ფე­რად გარ­დე­ნი­ა­ში ვეს­ტუმ­რე. 5 წლის იყო, როცა გა­უჩ­ნდა სურ­ვი­ლი, ის ეკე­თე­ბი­ნა, რა­საც ბი­ძა­მი­სი - ნიკო აკე­თებ­და. მა­შინ ამ პრო­ფე­სი­ის სა­ხე­ლიც კი არ იცო­და. როცა წა­მო­ი­ზარ­და, კარ­გად გა­ერ­კვა, თბი­ლის­ში ჩა­მო­ვი­და და ბი­ო­ლო­გი­ის ფა­კულ­ტეტ­ზე ჩა­ა­ბა­რა. ბავ­შვო­ბის სურ­ვი­ლი აის­რუ­ლა, თბი­ლი­სის გა­რე­უ­ბან­ში ოც­ნე­ბის ბაღი გა­ა­შე­ნა, სა­დაც 4200 მცე­ნა­რეს­თან ერ­თად, თა­ვა­დაც ხა­რობს. მა­სა­ვით ბედ­ნი­ე­რი ადა­მი­ა­ნი იშ­ვი­ა­თად შემ­ხვედ­რია.

ჩემი შემ­დე­გი რეს­პონ­დენ­ტი ნა­ტი­ო­ნალ გე­ოგ­რა­პ­ჰიც ქარ­თუ­ლი გა­მო­ცე­მის მთა­ვა­რი რე­დაქ­ტო­რი ბი­ო­ლო­გი ლე­ვან ბუ­თხუ­ზი (82%) გახ­ლავთ. ის ყო­ველ­თვის სა­ინ­ტე­რე­სო მო­სა­უბ­რეა. ამ­ბობს, რომ გრძნე­უ­ლი და მაც­დუ­რი კლე­ო­პატ­რას "გელფ­რენ­დი" იქ­ნე­ბო­და, მაგ­რამ მუდ­მივ პარტნი­ო­რად მის მსგავს ქალს არ ისურ­ვებ­და. ლე­ვან­თან ინ­ტერ­ვიუ იმა­ზე 2-ჯერ მოკ­ლე დრო­ში ჩავ­წე­რე, ვიდ­რე სხვა რეს­პონ­დენ­ტებ­თან მჭირ­დე­ბა. ამი­ტომ მას ყვე­ლა­ზე "სხარტ რეს­პონ­დენ­ტად" და­ვა­სა­ხე­ლებ.

დი­ზა­ი­ნე­რი თეა ლო­მი­ძე (82%) პრო­ფე­სი­ით ქი­მი­კო­სია, მაგ­რამ სპე­ცი­ა­ლო­ბით ერთი დღეც არ უმუ­შა­ვია. ბავ­შვო­ბა­ში ექი­მო­ბა­ზე ოც­ნე­ბობ­და. წლე­ბის მან­ძილ­ზე გულ­დას­მით ეც­ნო­ბო­და სა­მე­დი­ცი­ნო ლი­ტე­რა­ტუ­რას. მარ­თა­ლია, ექი­მი ვერ გახ­და, მაგ­რამ წა­კი­თხუ­ლი ცხოვ­რე­ბა­ში გა­მო­ად­გა. რუბ­რი­კის სტუ­მა­რი გახ­ლდათ პარ­ლა­მენ­ტის წევ­რი ელი­სო ჩა­ფი­ძე (70%). ის პო­ლი­ტი­კოს­თა ავ­ტო­ბი­ოგ­რა­ფი­ე­ბი­თაა და­ინ­ტე­რე­სე­ბუ­ლი. მისი ფა­ვო­რი­ტი ვაც­ლავ ჰა­ვე­ლია.

სა­უ­კე­თე­სო რეს­პონ­დენ­ტი იყო რე­ჟი­სო­რი გოგა ხა­ინ­დრა­ვა (83%). არა­და, როცა და­ვუ­რე­კე და "ერუ­დი­ტში" სტუმ­რო­ბა ვთხო­ვე, მი­პა­სუ­ხა, - რო­მე­ლი ერუ­დი­ტი მე მნა­ხე­თო?! სა­ნამ გა­აც­ნო­ბი­ე­რებ­და, წიგ­ნი რას ნიშ­ნავ­და, სა­თა­მა­შო ნივ­თად აღიქ­ვამ­და, მერე კი­თხვა ის­წავ­ლა და...

- ფა­მუქ­მა გა­მა­ო­ცა. ბოლო წლებ­ში ჩემ­ზე ყვე­ლა­ზე დიდი გავ­ლე­ნა ფა­მუქ­მა მო­ახ­დი­ნა. სი­ტყვის დი­დოს­ტა­ტია. ის ძა­ლი­ან გულ­წრფე­ლად წერს, - ამ­ბობს გოგა ხა­ინ­დრა­ვა.

"რამ­დე­ნი­მე დღეა, გა­ნათ­ლე­ბის მი­ნის­ტრის მო­ად­გი­ლის თა­ნამ­დე­ბო­ბა და­ვი­კა­ვე და და­ძა­ბუ­ლი სა­მუ­შაო გრა­ფი­კის გამო, წიგ­ნებს ცო­ტა­თი დავ­შორ­დი. სა­კუ­თარ თავ­თან მარ­ტო დარ­ჩე­ნის დროც კი აღარ მაქვს. იმე­დია ყვე­ლა­ფე­რი მალე და­ლაგ­დე­ბა და ლი­ტე­რა­ტუ­რის წა­სა­კი­თხი დროც მექ­ნე­ბა", - მი­თხრა და­ვით ზუ­რა­ბიშ­ვილ­მა (76%). ინ­ტერ­ვი­უს და­სა­წყის­ში გა­მაფრ­თხი­ლა, ძა­ლი­ან ცოტა დრო გვაქ­ვსო, მაგ­რამ კი­თხვებ­მა ისე გა­ი­ტა­ცა, "კუთ­ვნი­ლი" წუ­თე­ბის "გა­ორ­მა­გე­ბა" არც კი გა­უპ­რო­ტეს­ტე­ბია.

მომ­ღე­რალ­მა რატი დურ­გლიშ­ვილ­მა (57%) კი მი­თხრა, რომ აკ­რძა­ლულ ხილს გე­მოს არ უსინ­ჯავს. ნა­წარ­მო­ე­ბის­გან, მუ­სი­კის­გან, მხატ­ვრო­ბის­გან თუ სი­ა­მოვ­ნე­ბა არ მი­ი­ღო, ძალ­და­ტა­ნე­ბით ვერც წა­ი­კი­თხავს, ვერც მო­უს­მენს და ვერც და­ათ­ვა­ლი­ე­რებს.

პა­რო­დი­ის თე­ატ­რის მსა­ხი­ო­ბი მე­რაბ გე­გეჭ­კო­რი (62%) დუმ­ბა­ძის ზუ­რი­კე­ლას ბი­ოგ­რა­ფი­ა­სა და სა­კუ­თარ წარ­სულ­ში ბევრ მსგავ­სე­ბას ხე­დავს. ბავ­შვო­ბი­დან გა­მორ­ჩე­უ­ლად უყ­ვარს პო­ე­ზია. ზე­პი­რად ბევ­რი ლექ­სი იცის, მაგ­რამ ქალი ლექ­სით არას­დროს "შე­უ­ბამს".

"მთე­ლი ჩემი ცხოვ­რე­ბა წიგ­ნებს ვკი­თხუ­ლობ, სათ­ვა­ლის ტა­რე­ბაც ნა­ად­რე­ვად ამი­ტომ დამ­ჭირ­და. არ არ­სე­ბობს, დღე ისე გა­ვი­დეს, რამე არ წა­ვი­კი­თხო", - მი­თხრა პარ­ლა­მენ­ტარ­მა გია ცა­გა­რე­იშ­ვილ­მა. დიდი ხა­ნია, ეს სი­ტყვე­ბი რეს­პონ­დენ­ტე­ბის­გან აღარ მო­მის­მე­ნია. მან დას­მუ­ლი კი­თხვე­ბის 86%-ს უპა­სუ­ხა და ამ შე­დე­გით "2012 წლის ერუ­დი­ტი" გახ­და.

ვუ­ლო­ცავთ ბა­ტონ გიას ამ წარ­მა­ტე­ბას და "პა­ლიტ­რა­მე­დი­ის" სა­ხე­ლით, სა­ჩუქ­რად "სა­ქარ­თვე­ლოს ის­ტო­რია", ოთხტო­მე­უ­ლი გა­და­ვე­ცით.

თა­მუ­ნა კვი­ნი­კა­ძე

ჟურ­ნა­ლი "გზა"

(გა­მო­დის ხუთ­შა­ბა­თო­ბით)