2012 წელს მომ­ხდარ მნიშ­ვნე­ლო­ვან მოვ­ლე­ნებს პო­ლი­ტო­ლო­გე­ბი სოსო ცის­კა­რიშ­ვი­ლი და გია ნო­დია სხვა­დას­ხვაგ­ვა­რად აფა­სე­ბენ. იმას, რა­საც ბა­ტო­ნი სოსო სა­მარ­თლი­ა­ნო­ბის აღ­დგე­ნას უწო­დებს, ბა­ტო­ნი გია პო­ლი­ტი­კურ ან­გა­რიშს­წო­რე­ბად მი­იჩ­ნევს. ასე­ვე მკვეთ­რად გან­სხვავ­დე­ბა მათი და­მო­კი­დე­ბუ­ლე­ბა და პო­ზი­ცია "ქარ­თუ­ლი ოც­ნე­ბი­სა" თუ "ნა­ცი­ო­ნა­ლე­ბის" ლი­დე­რე­ბი­სად­მი...

- რო­გორ შე­ა­ფა­სებთ გა­სულ 2012 წელს პო­ლი­ტი­კუ­რი თვალ­საზ­რი­სით?

გია ნო­დია:

- ეს იყო ძა­ლი­ან და­ძა­ბუ­ლი წელი...

სოსო ცის­კა­რიშ­ვი­ლი:

- 2012 წელი უკა­ნას­კნე­ლი ოცი წლის გან­მავ­ლო­ბა­ში ერთ-ერთი ყვე­ლა­ზე მნიშ­ვნე­ლო­ვა­ნი გახ­ლდათ.

- წლის უმ­თავ­რეს მოვ­ლე­ნად რას მი­იჩ­ნევთ?

გია ნო­დია:

- ყვე­ლა­ზე მნიშ­ვნე­ლო­ვა­ნი იყო არ­ჩევ­ნე­ბი. ეს მოვ­ლე­ნა სა­ქარ­თვე­ლოს ის­ტო­რი­ა­ში ყვე­ლა­ზე დე­მოკ­რა­ტი­უ­ლი არ­ჩევ­ნე­ბის სტა­ტუ­სით შევა. სამ­წუ­ხა­რო ის გახ­ლავთ, რომ არ­ჩევ­ნე­ბის შემ­დეგ ხალ­ხი ჯერ კი­დევ ვერ და­წყნარ­და. სა­ზო­გა­დო­ე­ბა დღე­საც აშ­კა­რად პო­ლა­რი­ზე­ბუ­ლია.

სოსო ცის­კა­რიშ­ვი­ლი:

- ჩემი აზ­რით, წლის მთა­ვა­რი მოვ­ლე­ნა 2 ოქ­ტომ­ბე­რი გახ­ლავთ. დღე, რო­დე­საც ქარ­თველ­მა ხალ­ხმა 8 თუ 9-წლი­ან უსა­მარ­თლო­ბა­ზე გა­ი­მარ­ჯვა და "ნა­ცი­ო­ნა­ლურ-სა­დის­ტურ" მოძ­რა­ო­ბას "უმ­ცი­რე­სო­ბის სად­გომ­ში" მყუდ­რო ად­გი­ლი მი­უ­ჩი­ნა.

- რო­გორ ფიქ­რობთ, 2012 წლის 1-ელ ოქ­ტომ­ბერს სა­ზო­გა­დო­ე­ბამ არ­ჩე­ვა­ნი "ოც­ნე­ბის" სა­სარ­გებ­ლოდ მა­ტე­რი­ა­ლუ­რი მდგო­მა­რე­ო­ბის გა­უმ­ჯო­ბე­სე­ბის მიზ­ნით გა­ა­კე­თა თუ სა­მარ­თლი­ა­ნო­ბის აღ­დგე­ნის იმე­დით?

გია ნო­დია:

- არა­ვინ უარ­ყოფს, რომ ბევ­რი სხვა­დას­ხვა ფაქ­ტო­რი არ­სე­ბობ­და, რის გა­მოც მო­სახ­ლე­ო­ბამ არ­ჩე­ვა­ნი "ქარ­თუ­ლი ოც­ნე­ბის" სა­სარ­გებ­ლოდ გა­ა­კე­თა. თუმ­ცა, ჩემი აზ­რით, გა­დამ­წყვე­ტი მა­ინც მა­ტე­რი­ა­ლუ­რი ფაქ­ტო­რი და ცი­ხის სკან­და­ლუ­რი კად­რე­ბი გახ­და.

სოსო ცის­კა­რიშ­ვი­ლი:

- "ნა­ცი­ო­ნა­ლურ­მა მოძ­რა­ო­ბამ" არა­ა­და­მი­ა­ნუ­რი ქმე­დე­ბე­ბი­თა და კაც­თმო­ძუ­ლე პო­ლი­ტი­კით თა­ვად­ვე უბიძ­გა ხალ­ხს "ქარ­თუ­ლი ოც­ნე­ბის" მხარ­და­ჭე­რის­კენ. და­ში­ნე­ბულ ხალ­ხში სა­ბო­ლო­ოდ გე­ნე­ტი­კამ იმ­ძლავ­რა, შიში დას­ძლია და მხა­რი სა­მარ­თლი­ა­ნო­ბას და­უ­ჭი­რა.

- ამ მოკ­ლე ხან­ში რო­მე­ლი მი­ნის­ტრის საქ­მი­ა­ნო­ბამ მო­ახ­დი­ნა თქვენ­ზე ყვე­ლა­ზე კარ­გი შთა­ბეჭ­დი­ლე­ბა?

გია ნო­დია:

- არა მგო­ნია, დღეს მი­ნის­ტრე­ბის გა­კე­თე­ბულ საქ­მე­ებ­ზე სა­უ­ბა­რი შე­საძ­ლე­ბე­ლი იყოს. ცალ­სა­ხად შე­მიძ­ლია ვთქვა, რომ ამ ხე­ლი­სუფ­ლე­ბას სე­რი­ო­ზუ­ლი ჯერ არა­ფე­რი გა­უ­კე­თე­ბია, მხო­ლოდ ადა­მი­ა­ნე­ბის და­პა­ტიმ­რე­ბე­ბით არი­ან და­კა­ვე­ბულ­ნი. ასე რომ, ჩვენ მხო­ლოდ ორი მი­ნის­ტრის, თეა წუ­ლუ­კი­ა­ნი­სა და ირაკ­ლი ღა­რი­ბაშ­ვი­ლის "საგ­მი­რო საქ­მე­ებს" ვა­დევ­ნებთ თვალ­ყურს. და­ნარ­ჩე­ნე­ბი ჩრდილ­ში არი­ან.

სოსო ცის­კა­რიშ­ვი­ლი:

- ვფიქ­რობ, თეა წუ­ლუ­კი­ანს იმ ამომ­რჩევ­ლე­ბის მთე­ლი გუნ­დი ეტ­რფის, რო­მე­ლიც 2 ოქ­ტომ­ბერს გა­მარ­ჯვე­ბას ზე­ი­მობ­და. ასე­ვე და­სა­ფა­სე­ბე­ლია ფი­ნანსთა მი­ნის­ტრი­სა და გენპ­რო­კუ­რო­რის საქ­მი­ა­ნო­ბა. თუ სა­მე­ულ­ზე იქ­ნე­ბო­და სა­უ­ბა­რი, აქ შევ­ჩერ­დე­ბო­დი, თუ არა და, სიას ირაკ­ლი ალა­სა­ნი­ა­სა და ირაკ­ლი ღა­რი­ბაშ­ვილ­საც და­ვუ­მა­ტებ­დი.

- წლის ყვე­ლა­ზე იღ­ბლი­ან და უიღ­ბლო პო­ლი­ტი­კო­სე­ბად ვის და­ა­სა­ხე­ლებ­დით?

გია ნო­დია:

- ვე­რა­ფერს იტყვი, ბი­ძი­ნა ივა­ნიშ­ვი­ლი უდა­ვოდ იღ­ბლი­ა­ნი ადა­მი­ა­ნია. უიღ­ბლო პო­ლი­ტი­კოსს ვერ გა­მოვ­ყოფ, 2012 წელი ყვე­ლა "ნა­ცი­ო­ნა­ლის­თვის" უიღ­ბლო აღ­მოჩ­ნდა.

სოსო ცის­კა­რიშ­ვი­ლი:

- ყვე­ლა­ზე იღ­ბლი­ა­ნი აღ­მოჩ­ნდა ვა­ლე­რი გე­ლაშ­ვი­ლი, რო­მე­ლიც პრაქ­ტი­კუ­ლად და­მარ­ცხე­ბის­თვის იყო გან­წი­რუ­ლი. ყვე­ლა­ზე უიღ­ბლო გახ­ლავთ გი­ორ­გი თარ­გა­მა­ძე, რო­მელ­საც გა­მარ­ჯვე­ბის სა­ფუძ­ვლი­ა­ნი მო­ლო­დი­ნი ჰქონ­და.

- 2003 წლი­სა და 2012 წლის სა­ხე­ლი­სუფ­ლე­ბო ცვლი­ლე­ბებს შო­რის რა პა­რა­ლე­ლებს გა­ავ­ლებ­დით?

გია ნო­დია:

- 2003 წელს ხე­ლი­სუფ­ლე­ბა არა­კონ­სტი­ტუ­ცი­უ­რი გზით შე­იც­ვა­ლა. არა­პო­პუ­ლა­რულ­მა, რე­ი­ტინგდა­კარ­გულ­მა ხე­ლი­სუფ­ლე­ბამ არ­ჩევ­ნე­ბის მო­სა­გე­ბად ყვე­ლა ბერ­კე­ტი გა­მო­ი­ყე­ნა და ოპო­ზი­ცი­ას რე­ვო­ლუ­ცი­ის­კენ უბიძ­გა. ამ შემ­თხვე­ვა­ში ბრძო­ლა იყო თა­ნა­ბა­რი და სა­მარ­თლი­ა­ნი. მა­შინ მმარ­თვე­ლი პარ­ტი­ის წარ­მო­მად­გენ­ლე­ბი პო­ლი­ტი­კი­დან სა­ერ­თოდ წა­ვიდ­ნენ და ახა­ლი ხე­ლი­სუფ­ლე­ბა პრაქ­ტი­კუ­ლად ოპო­ზი­ცი­ის გა­რე­შე დარ­ჩა. დღეს ახალ ხე­ლი­სუფ­ლე­ბას ჰყავს ყვე­ლა­ზე ძლი­ე­რი ოპო­ზი­ცია, სა­ქარ­თვე­ლოს ის­ტო­რი­ა­ში. 2003 წელს ხე­ლი­სუფ­ლე­ბის შეც­ვლის შემ­დეგ სა­ზო­გა­დო­ე­ბა ერ­თსუ­ლო­ვა­ნი გახ­და, დღეს პო­ლა­რი­ზა­ცია ისევ გრძელ­დე­ბა. ამ ორ მოვ­ლე­ნას შო­რის მე სა­ერ­თოს ვე­რა­ფერს ვხე­დავ.

სოსო ცის­კა­რიშ­ვი­ლი:

- სა­ა­კაშ­ვი­ლი­სა და ივა­ნიშ­ვი­ლის ხე­ლი­სუფ­ლე­ბის ორი­ენ­ტი­რე­ბი და სტრა­ტე­გი­უ­ლი მი­მარ­თუ­ლე­ბე­ბი, სა­გა­რეო თუ სა­ში­ნაო პო­ლი­ტი­კა­ში ტყუ­პის­ცა­ლი­ვით ჰგავს ერ­თმა­ნეთს. ორი­ვე და­სავ­ლუ­რი ორი­ენ­ტა­ცი­ი­საა და ევ­რო­პულ ორ­გა­ნი­ზა­ცი­ებ­ში გა­წევ­რე­ბის­კენ ის­წრაფ­ვის. რაც შე­ე­ხე­ბა სა­ში­ნაო პო­ლი­ტი­კას, რო­გორც სა­ა­კაშ­ვი­ლის, ასე­ვე ივა­ნიშ­ვი­ლის პრი­ო­რი­ტე­ტე­ბია: და­საქ­მე­ბა, ჯან­დაც­ვა, სოფ­ლის მე­ურ­ნე­ო­ბა... ამი­ტომ ძა­ლი­ან მიკ­ვირს, რო­დე­საც სა­ა­კაშ­ვი­ლი ამ­ბობს, რომ მისი და "ქარ­თუ­ლი ოც­ნე­ბის" ლი­დე­რე­ბის პო­ლი­ტი­კურ სტრა­ტე­გი­ა­ში ფუნ­და­მენ­ტუ­რი გან­სხვა­ვე­ბაა. ჩემი ვა­რა­უ­დით, რო­დე­საც პრე­ზი­დენ­ტი ფუნ­და­მენ­ტურ გან­სხვა­ვე­ბა­ზე სა­უბ­რობს, ფა­ვო­რი­ტე­ბი ჰყავს მხედ­ვე­ლო­ბა­ში. ეს მარ­თლაც ასეა, ადე­იშ­ვილ­სა და წუ­ლუ­კი­ანს შო­რის ნამ­დვი­ლად ფუნ­და­მენ­ტუ­რი გან­სხვა­ვე­ბაა, რო­გორც სა­ქარ­თვე­ლოს, ისე დე­და­მი­წის მას­შტა­ბით.

- მმარ­თვე­ლო­ბა ორი­ვე ძა­ლამ ყო­ფი­ლი მა­ღალ­ჩი­ნოს­ნე­ბის და­პა­ტიმ­რე­ბე­ბით და­ი­წყო. ამის შე­სა­ხებ რას იტყვით?

გია ნო­დია:

- მმარ­თვე­ლო­ბა მარ­თლაც, ორი­ვე გუნ­დმა და­პა­ტიმ­რე­ბე­ბით და­ი­წყო, მაგ­რამ კონ­ტექ­სტია გან­სხვა­ვე­ბუ­ლი. 2003 წელს ხე­ლი­სუფ­ლე­ბამ მოქ­მე­დი კი არა, ყო­ფი­ლი ჩი­ნოვ­ნი­კე­ბი და­ა­პა­ტიმ­რა. ანუ ის ხალ­ხი, რო­მე­ლიც პო­ლი­ტი­კურ ძა­ლას აღარ წარ­მო­ად­გენ­და. სწო­რედ ამი­ტო­მაც არ მო­ი­ნათ­ლა მა­შინ­დე­ლი და­პა­ტიმ­რე­ბე­ბი პო­ლი­ტი­კურ ან­გა­რიშს­წო­რე­ბად. 2004 წელს ხე­ლი­სუფ­ლე­ბის ბრძო­ლის მო­ტი­ვი კო­რუფ­ცი­ას­თან ბრძო­ლა იყო. ამ შემ­თხვე­ვა­ში სხვა ვი­თა­რე­ბაა, ხე­ლი­სუფ­ლე­ბა ოპო­ზი­ცი­ის წარ­მო­მად­გენ­ლებს აპა­ტიმ­რებს. იმას, რა­საც ივა­ნიშ­ვი­ლის გუნ­დი სა­მარ­თლი­ა­ნო­ბის აღ­დგე­ნას ეძა­ხის, მისი კრი­ტი­კო­სე­ბი პო­ლი­ტი­კურ ან­გა­რიშს­წო­რე­ბად მი­იჩ­ნე­ვენ.

სოსო ცის­კა­რიშ­ვი­ლი:

- 2004 წელს და­წყე­ბუ­ლი და­პა­ტიმ­რე­ბე­ბი ქარ­თვე­ლი ხალ­ხის­თვის მო­უ­ლოდ­ნე­ლი იყო. ამ­ჯე­რად სა­ზო­გა­დო­ე­ბა "ნაც­მოძ­რა­ო­ბის" წარ­ჩი­ნე­ბუ­ლებს მუდ­მი­ვად ამ­ხელ­და კრი­მი­ნა­ლურ ქმე­დე­ბა­ში, ძა­ლა­უფ­ლე­ბის გა­და­მე­ტე­ბა­ში, სხვი­სი ქო­ნე­ბის ხელ­ყო­ფა­სა და ათას­გვარ უსა­მარ­თლო­ბა­ში. 2005 წლი­დან დღემ­დე არა­ერ­თმა ოპო­ზი­ცი­ო­ნერ­მა და სა­ზო­გა­დო მოღ­ვა­წემ მი­უ­თი­თა "ნა­ცი­ო­ნა­ლებს", რომ მათი და­ნა­შა­უ­ლი და­უს­ჯე­ლი არ დარ­ჩე­ბო­და. სა­ა­კაშ­ვი­ლის გუნ­დი დღეს თა­ვის და­თე­სილს იმ­კის და უკ­ვირს, რა­ტომ არის ასეთ დღე­ში. მათ არ გა­ით­ვა­ლის­წი­ნეს ქარ­თუ­ლი სიბ­რძნე - "რა­საც დას­თეს, იმას მო­იმ­კიო", რად­გან ეგო­ნათ, მუდ­მი­ვად ხე­ლი­სუფ­ლე­ბა­ში იქ­ნე­ბოდ­ნენ და სა­კუ­თა­რი ახი­რე­ბე­ბის მი­ხედ­ვით მარ­თავ­დნენ ქვე­ყა­ნას.

- რამ­დე­ნად მარ­თე­ბუ­ლად მი­იჩ­ნევთ ივა­ნიშ­ვი­ლის ინი­ცი­ა­ტი­ვას იმის შე­სა­ხებ, რომ სა­ჯა­რო მო­ხე­ლე­ე­ბის მიერ ჩა­დე­ნი­ლი და­ნა­შა­უ­ლის პა­ტი­ე­ბის მიზ­ნით "ამ­ნის­ტი­ის მსგავ­სი" პრო­ექ­ტი შე­იქ­მნას?

გია ნო­დია:

- პო­ზი­ტი­უ­რი ინი­ცი­ა­ტი­ვაა. რაც უნდა გვარ­წმუ­ნოს ახალ­მა ხე­ლი­სუფ­ლე­ბამ, და­პა­ტიმ­რე­ბე­ბი პო­ლი­ტი­კუ­რად მო­ტი­ვი­რე­ბუ­ლი არ არი­სო, შო­რი­დან მა­ინც ასე ჩანს. ამი­ტომ ისე­თი ტი­პის ამ­ნის­ტია, რო­გორ­ზეც ბა­ტონ­მა ივა­ნიშ­ვილ­მა ისა­უბ­რა, დღეს არ­სე­ბულ სი­ტუ­ა­ცი­ა­ში ყვე­ლა­ზე სწო­რი და კარ­გი გა­მო­სა­ვა­ლი იქ­ნე­ბა.

სოსო ცის­კა­რიშ­ვი­ლი:

- ეს ლი­ბე­რა­ლიზ­მის შე­ტე­ვაა. და­ნა­შა­უ­ლი და­ზა­რა­ლე­ბულ­მა უნდა აპა­ტი­ოს. ბა­ტონ ბი­ძი­ნას ძა­ლუძს აპა­ტი­ოს ხე­ლი­სუფ­ლე­ბას ის უსინ­დი­სო, კრი­მი­ნა­ლუ­რი ქმე­დე­ბა, რაც მის წი­ნა­შე ჩა­ი­დი­ნეს, ეს მისი პი­რა­დი საქ­მეა, მაგ­რამ კა­ნონ­მდებ­ლო­ბის ძა­ლით ასე­თი რა­მის დამ­კვიდ­რე­ბა, ჩემი აზ­რით, კი­დევ ერთი სე­რი­ო­ზუ­ლი უსა­მარ­თლო­ბა იქ­ნე­ბა.

- მო­მა­ვა­ლი 2013 წელი რა სი­ახ­ლე­ე­ბის მომ­ტა­ნი შე­იძ­ლე­ბა იყოს რუ­სეთ-სა­ქარ­თვე­ლოს შო­რის ურ­თი­ერ­თო­ბე­ბის და­რე­გუ­ლი­რე­ბის კუ­თხით?

გია ნო­დია:

- ურ­თი­ერ­თო­ბის და­რე­გუ­ლი­რე­ბა მხო­ლოდ მა­შინ იქ­ნე­ბა შე­საძ­ლე­ბე­ლი, თუ ჩვენს ეროვ­ნულ, სტრა­ტე­გი­ულ ინ­ტე­რე­სებს დავ­თმობთ. იმე­დი მაქვს, რომ ახა­ლი ხე­ლი­სუფ­ლე­ბა ასეთ დათ­მო­ბებ­ზე არ წავა და შე­სა­ბა­მი­სად, რუ­სეთ-სა­ქარ­თვე­ლოს ურ­თი­ერ­თო­ბე­ბიც არ და­რე­გუ­ლირ­დე­ბა.

სოსო ცის­კა­რიშ­ვი­ლი:

- ვიდ­რე ქვეყ­ნის სა­თა­ვე­ში ის ადა­მი­ა­ნე­ბი არი­ან, რომ­ლებ­მაც ორ მე­ზო­ბელ, ერ­თმორ­წმუ­ნე ერს ერ­თმა­ნეთ­თან სა­ურ­თი­ერ­თო­ბოდ ომის გარ­და ვე­რა­ფე­რი შეს­თა­ვა­ზეს, არა მგო­ნია, ქარ­თულ-რუ­სუ­ლი ურ­თი­ერ­თო­ბე­ბი და­რე­გუ­ლირ­დეს.

- და­სავ­ლუ­რი ორი­ენ­ტა­ცი­ით ცნო­ბი­ლი, სა­ა­კაშ­ვი­ლის გუნ­დის წარ­მო­მად­გენ­ლე­ბის და­კა­ვე­ბებ­მა და რუ­სეთ­თან ურ­თი­ერ­თო­ბე­ბის და­რე­გუ­ლი­რე­ბის მცდე­ლო­ბამ რა გავ­ლე­ნა შე­იძ­ლე­ბა იქო­ნი­ოს ჩვენს ევ­რო­პელ პარტნი­ო­რებ­ზე?

გია ნო­დია:

- მთა­ვა­რი ის არ არის, რომ სა­ა­კაშ­ვი­ლი პრო­და­სავ­ლუ­რი ორი­ენ­ტა­ცი­ით გახ­ლავთ ცნო­ბი­ლი, არა­მედ ის, რომ ახა­ლი ხე­ლი­სუფ­ლე­ბა თა­ვის პო­ლი­ტი­კურ ოპო­ნენ­ტებს აპა­ტიმ­რებს. ეს ფაქ­ტი მარ­თლაც ნე­გა­ტი­უ­რად მოქ­მე­დებს სა­ქარ­თვე­ლოს იმიჯ­ზე. ზვი­ად გამ­სა­ხურ­დი­ას შემ­დეგ მე არ მახ­სოვს, რომ და­სავ­ლურ მე­დი­ას ასე ერ­თსუ­ლოვ­ნად გა­ეკ­რი­ტი­კე­ბი­ნოს სა­ქარ­თვე­ლოს ხე­ლი­სუფ­ლე­ბა. მარ­თა­ლია, ივა­ნიშ­ვი­ლის გუნ­დი ამ­ბობს, ჩვე­ნი კრი­ტი­კა იმით არის გან­პი­რო­ბე­ბუ­ლი, რომ და­სავ­ლე­თი კარ­გად არ არის ინ­ფორ­მი­რე­ბუ­ლიო, მაგ­რამ ეს უბ­რა­ლოდ თა­ვის მარ­თლე­ბაა და სხვა არა­ფე­რი. აბა, რა ქნან? ან უნდა თქვან, ჩვენ მარ­თლაც ცუ­დად ვიქ­ცე­ვი­თო, ან და­სავ­ლეთ­ზე თქვან - ცუ­დი­აო. სა­ქარ­თვე­ლო­ში და­სავ­ლე­თის ყვე­ლა ქვე­ყა­ნას აქვს სა­ელ­ჩო და ჟურ­ნა­ლის­ტე­ბიც რე­გუ­ლა­რუ­ლად ჩა­მო­დი­ან. ასე რომ, და­სავ­ლე­თი შე­სა­ნიშ­ნა­ვად არის ინ­ფორ­მი­რე­ბუ­ლი იმის შე­სა­ხებ, თუ რა ხდე­ბა ჩვენს ქვე­ყა­ნა­ში.

სოსო ცის­კა­რიშ­ვი­ლი:

- ჩემი აზ­რით, ევ­რო­პე­ლი კე­თი­ლის­მსურ­ვე­ლე­ბის­თვის სე­რი­ო­ზუ­ლი ტრე­ნინ­გის დრო დად­გა. დროა, თავი აა­რი­დონ სი­რაქ­ლე­მას პო­ზა­ში ყოფ­ნას. ისე, მა­თიც მეს­მის, ძნე­ლია გა­აც­ნო­ბი­ე­რო, რომ თურ­მე წლე­ბის მან­ძილ­ზე ცდე­ბო­დი და სა­კუ­თარ ხალ­ხზე მტრად მო­კი­დე­ბულ ხე­ლი­სუფ­ლე­ბას დე­მოკ­რა­ტი­ის შუ­ქუ­რას არ­ქმევ­დი. შე­საძ­ლოა, ახლა ისი­ნი კი­დეც ნა­ნო­ბენ, რომ ასე­თი მხარ­და­ჭე­რა გა­მო­ხა­ტეს სა­ა­კაშ­ვი­ლის მი­მართ, მაგ­რამ პო­ლი­ტი­კუ­რი ინ­ტე­რე­სე­ბი­დან გა­მომ­დი­ნა­რე, ამა­ზე სა­ჯა­როდ ვერ სა­უბ­რო­ბენ. თუმ­ცა ამის დიდ­ხანს გაგ­რძე­ლე­ბა არ შე­იძ­ლე­ბა. ჩვენ ევ­რო­პელ მე­გობ­რებს წინ უნდა და­ვუ­დოთ არ­გუ­მენ­ტე­ბი, რომ­ლე­ბიც სა­ა­კაშ­ვი­ლის ხე­ლი­სუფ­ლე­ბის მიერ გან­ხორ­ცი­ე­ლე­ბულ პო­ლი­ტი­კურ დევ­ნა­სა და შერ­ჩე­ვით სა­მარ­თალ­ზე მე­ტყვე­ლებს. ამის მერე და­სავ­ლე­თის პო­ზი­ცია ნამ­დვი­ლად შე­იც­ვლე­ბა და ჩვე­ნი ურ­თი­ერ­თო­ბა გა­ცი­ლე­ბით შე­დე­გი­ა­ნი იქ­ნე­ბა, ვიდ­რე სა­ა­კაშ­ვი­ლის ხე­ლი­სუფ­ლე­ბის დროს იყო.

- გა­სუ­ლი 2012 წელი საკ­მა­ოდ რთუ­ლი იყო მე­დი­ის წარ­მო­მად­გენ­ლე­ბის­თვის. თქვე­ნი აზ­რით, ყვე­ლა­ზე მე­ტად რო­მელ­მა მე­დი­ა­სა­შუ­ა­ლე­ბამ მო­ა­ხერ­ხა ობი­ექ­ტუ­რო­ბის შე­ნარ­ჩუ­ნე­ბა?

გია ნო­დია:

- ჩემი აზ­რით, სა­ქარ­თვე­ლო­ში მე­დია ობი­ექ­ტუ­რო­ბა­ზე ორი­ენ­ტი­რე­ბუ­ლი სუ­ლაც არ არის. ყვე­ლა პო­ლი­ტი­კუ­რად ან­გა­ჟი­რე­ბუ­ლია და რო­მე­ლი­მე მხა­რეს წარ­მო­ად­გენს. თუმ­ცა, ჩემი დაკ­ვირ­ვე­ბით, კვლე­ვე­ბის გათ­ვა­ლის­წი­ნე­ბი­თა და სა­ზო­გა­დო­ებ­რი­ვი მო­საზ­რე­ბე­ბის გათ­ვა­ლის­წი­ნე­ბით, შე­საძ­ლოა ვთქვათ, რომ სხვებ­თან შე­და­რე­ბით სა­ზო­გა­დო­ებ­რი­ვი მა­უ­წყე­ბე­ლი იყო ობი­ექ­ტუ­რი. ისე, გა­გიმ­ხელთ, რომ ჩემი საყ­ვა­რე­ლი გა­მო­ცე­მე­ბია "24 სა­ა­თი" და "ტა­ბუ­ლა". ისი­ნი ფორ­მა­ლუ­რად მა­ინც ინარ­ჩუ­ნე­ბენ კო­რექ­ტუ­ლო­ბას.

სოსო ცის­კა­რიშ­ვი­ლი:

- ჩემი აზ­რით, ობი­ექ­ტუ­რო­ბის შე­ნარ­ჩუ­ნე­ბა ტე­ლე­კომ­პა­ნია "მა­ესტრომ" შეძ­ლო. ამ მე­დი­ა­სა­შუ­ა­ლე­ბას მო­სახ­ლე­ო­ბის­თვის არ და­უ­მა­ლავს არც სა­ა­კაშ­ვი­ლი­სა და არც ივა­ნიშ­ვი­ლის ხე­ლი­სუფ­ლე­ბის უარ­ყო­ფი­თი მხა­რე­ე­ბი. მარ­თა­ლია, "მა­ესტროს" ჟურ­ნა­ლის­ტებს თა­ვი­ან­თი პო­ზი­ცია აქვთ და ამას გა­მო­ხა­ტავ­დნენ კი­დეც, მაგ­რამ სა­ზო­გა­დო­ე­ბას არ ატყუ­ე­ბენ.

ხა­თუ­ნა ბახ­ტუ­რი­ძე

ჟურ­ნა­ლი "გზა"

(გა­მო­დის ხუთ­შა­ბა­თო­ბით)